New Drag Race （Tyouta & Kia & Subaru
والله يارجالة انا قلت قسم كيا عدى عليه يومين من غير محد يشعللها فقلت اقوم انا بالواجب المرة دى
نبتدى الحكاية ونقول السلام عليكم
كان يامكان كان فيه واحد معاه كيا سيراتو ومن ساعة مطريق مصر اسكندرية الصحرواى خلص وهوا بيسمع عنه كل خير وفى انتظار فرصة تجربته
انا بقالى فترة مخدتش اجازة وجت الفرصة قلت اخد زوجتى العزيزة ونطلع يومين اسكندرية
وباختصار علشان الموضوع ميبقاش ممل
جيت يوم الذهاب
طلعت من بوابة الكاراتا حاسس كده انى مش متفاؤل قلت يواد كن كده انت مش عارف الطريق لسه وكنت سامع ان لسه فيه تحويلات واصلاحات
انى الاقى يافطة مكتوب عليها المفروض امشى كام ملقتش
قلت يبقا خليها على السمع ونمشى 120
شغل الجى بي اس الاقى مكتوب ان السرعة 100
قلت استهبل كعادتنا كمصريين يعنى مفرقتش من عشرين كيلو زيادة
فضلت ماشى ماشى وحاسس انى برجع لورا من كتر الصواريخ اللى بتعدى منى
الشيطان يزغزنى ويداعبنى وانا ابداا يواد اعقل اول قاعدة للجرى انك على الاقل تبقا حافظ الطريق
وكل شوية زوووووووووو زوووووووو
لدرجة ان فيه واحد ب 128 لونها برتقانى جه جنبي وقعد يزود بنزين كده أل يعنى حس انى ممكن الشيطان يتغرغر بيا واشد معاه بس اللى كنت حاسه انه مسقط مكنا جامدة
وفضلت بعقلى حتى اوفر فلوس الرادرات اللى كنت متعود عليها ف طريق الغردقة
والحمد لله وصلت بدون مزود عن 120 كم - س بس كنت زهقان جداااا
..
.
.
.
.
.
.
استنو القصة مخلصتش دى لسه هتبتدى
قضيت يومين لزاز بس عتاب شديد على رجالة اسكندرية ويارب تبقى من غير زعل
بس انا حسيت انى داخل مستوطنة تعليم سواقة الا القليل منهم كمية شد الاعصاب بسبب اللى يجنح عليك واللى يقفل عليك بدون سبب وطريقه سالك وكمية الباصات الصغيرة السوزوكى دى اللى عاملة عمايل اصعب من التوكتوك انا كنت حاسس ان مكنتش هرجع من البلد دى الا وينوبنى على الاقل رفرف بسبب او من غير سبب
بدأنا رحلة العودة
الكارتا يلا الاربعة جند التمام
الهوبا
يلا
واحد اتنين تلاتة كيلو اتجمع شمل 3 سيارات الشيطان زغزهم للصبح
الاولى تيوتا كرولا تقريبا 2009 سايقها راجل كبير اربعينات بس شقى ومعاه ابنه تقريبا
التانيا سوبارو امبريزا جمرك اسكندرية شاب لزيز والعربية واكله من الطريق حتا بصراحة
التالتة سيراتو اس اكس هاى لاين مترباا اللى هيا عربيتى
يلا معايا مين يزود محدش ظهر غيرنا بدأنا الوصلة الجديدة كده وسمعنى احلى صوت حرق للمكن
الساعة كانت دقة الثانية عشر ونصف ظهرا وانا شايف ان الطريق مزدحم بزيادة
السرعة المتوسطة لينا احنا التلاتة 150
غرز صعبة جدااا ووعربيات كتير ف كل حتا
احنا التلاتة كنا بنطلع من بعض بالتوالى محدش فرق عن التانى بفرق يزكر
السرعة زادت شويتين واصبحت 170 والغرز مازلت صعبة وشد الاعصاب زاد
ويأتى مالاتشتهى له السفن
اليوترنات بتجيب شوية ناس زى الفل
واحد ابن حلال اوى اوى معاه نص نقل يجي من اليوتيرن ويقطع الطريق بالعرض
فعلا انا عرفت بعد السفرية دى ان الرعاش المستمر معناه انك تعدى
كل العربيات اللى كانت على الطريق مسكت فرمله بكل قوتها
وطبعا انا كنت حاسس ان السوبارو دى هتلبس فيا بعد ماطلع على كل اللى قدامى دوول
وربنا لطف بينا كلنا الحمد لله ومحدش اتصاب
الطريق مشى شوية حلوين وفتح
السوبارو رغم تألقها بس جه على 180 وبدأ يختفى خلفنا استمرينا 190 و195 انا والتويوتا الى ان جاء الكمين التمام اسفل كوبرى عرضى كده
قلت شكرن جزيلا كده 150 جند زى التاكس
الظابط شاور للتويوتا التويوتا نفضله تنفيضا وحشة اوى وموقفش اساسا
جه راح موقفنى رحت وقفت بصلى كده ومعرفش ايه اللى كان جاى ورايا وجذب انتباه الظابط والامين ارمى الرمش على المرايا الاقى بتاع السوبارو هوا صاحب النصيب راح الامين ممشينى من غير ميقولى حاجة واصطادو بتاع السوبارو لانه تقريبا كان خد غرزتين رخمين والناس استاأت وكلاكسات فلبس هوا اللليلة
طلعت وقعدت احرق علشان احصل التويوتا وفضلنا كده كتير مابين 190 و200
افرق انا شوية وهوا يفرق شوية بفرق الغرزة اللى تفتح او تقفل على حد منا
الى ان وصلنا بوابة القاهرة
دخلنا احنا الاتنين مع بعض هوا ف حارة وانا ف حارة
وهنا لم ينتهى شمل الليلة
طلعنا هوب من المطبين اللى على الكمين وشد وحرق على الغيارات الاولى وهنا تنتصر السيراتو بفارق ملحوظ عن التويوتا
شكرا
و تعبناكم معانا
