بحمد الله صيانه ال195 الف للبوما 2008 واسعار اهم قطع الغيار من دايموند

طبعا المخضرمين واللى متابعين قصه زميلى والبوما كانوا مستنيين اى حاجه او تحديث لقصته مع العربيه لان طريقة تعامله مع العربيه تعتبر اكبر مقياس لمدى تحمل ونجاح البوما فى مصر مع الوضع فى الاعتبار مدى الاهمال فى صيانتها


اللى مش متابع الموضوع من اوله يدخل هنا
http://www.nilemotors.net/Nile/23029...177-777-a.html

المهم بحمد الله العربيه تمت 195 الف كيلو والراجل نزل دايموند واشترى قطع الغيار لانه مقتنع تماما باهميه الاصلى وان الحاجات دى مفيش تهريج فيها كفايه المعدلات البشعه اللى بيغير فيها (الكاوتش الاصلى اتغير على 135 الف ياجدعان)

ودى تانى صيانه محترمه تتعمل للعربيه من تغيير طقم سيور وبوجيهات كانت طالعه مفحمه وحالتها حاله وزيت فتيس اللى كان نازل اسود ومزفت كالعاده وطبعا تربيط عفشه وتنضيف حساسات وتركيب الحاجات اللى فى الفاتوره
وتغيير اويل سيل ملوش علشان كان فيه زيت بينشع خفيف عند غطا الزيت

ودى اخر الاسعار من دايموند بتاريخ 26-10-2011 للافاده

http://img855.imageshack.us/img855/2...1020112553.jpg


وربنا يبارك له فيها ويستر طريقه وطريقنا
سلام

الف مبروووووووووووووووك وعقبالم 500 الف وبجد فعلا هى عربيه محترمه جدا جدا جدا جدا ومش بتقصر مع الواحد فى اى حاجه الحمد لله

التركيب بره و لا في التوكيل؟

وانا اللى افتكرت من العنوان ان العربية بيتعملها صيانة دورية فى التوكيل من ساعة الزيرو لحد 195 الف كم
طلعت يادوب تانى زيارة !!!!!!!!!!!!!!!!
والله حرام على صاحبها

ماشاء الله

مشاء الله يا معلم

لا طبعا بيشترى الحاجه من التوكيل وبيركبها عند ميكانيكى بره
والميكانيكى ده شغال فى الرواس اصلا فيعتبر حافظها

هو فيه مشكله غريبه ظهرت له من اسبوعين تتلخص ان لمبه البنزين البرتقالى بتنور لما يفول العربيه!!!
حد قابلته المشكله دى؟

اقتباس:

---

المشاركة الأصلية كتبت بواسطة mazagngi2010

لا طبعا بيشترى الحاجه من التوكيل وبيركبها عند ميكانيكى بره
والميكانيكى ده شغال فى الرواس اصلا فيعتبر حافظها

---

ممكن تقولي فين الميكانيكي ده ؟ اكيد هينفعنا بدل خزعبلات التوكيل في المصنعيات

متابع

الف مبروك للصيانة ال 200 الف انما هو عملهم ازاي بيسافر بيها فين ؟

تركيب الكلام ده عند الميكانيكى بالاضافه لتربيط العفشه بالمره وتغيير زيت الفتيس والزيت وتركيب فلتر وتركيب اويل سيل ب 150 جنيه
والميكانيكى فى قليوب قبل طلعه اسكندريه الزراعى واحتمال يفتح ورشه قريب
والكيلوهات دى كلها بسبب طبيعه الشغل-صيانه شبكات المحمول لف على مواقع من الاخر- واتعملت كلها فى اكتوبر والجيزه وطريق اسكندريه الصحراوى لحد الرست

هو فيه مشكله غريبه ظهرت له من اسبوعين تتلخص ان لمبه البنزين البرتقالى بتنور لما يفول العربيه!!!
اى رد ياجدعان

ايه الاسعاااااااااااااااااااا ااااااااااااااااااااااااا ااااااااااااااااااااااااا ااااااااااااااار دى

اقتباس:

---

المشاركة الأصلية كتبت بواسطة mazagngi2010

هو فيه مشكله غريبه ظهرت له من اسبوعين تتلخص ان لمبه البنزين البرتقالى بتنور لما يفول العربيه!!!
حد قابلته المشكله دى؟

---

انا عندي نفس المشكله ومشعارف ده حساس البنزين ولا الماتور بالظبط لما افول العربيه المؤشر يطلع عادي ومع المشي ولما يوصل التنك للنص تنور اللمبه والمؤشر ينزل للآخر وبعد شويه يطلع تاني ويكمل في الطبيعي بتاعوا..........!! وناس قالولي ده ماس في الكهرباء...

اقتباس:

---

المشاركة الأصلية كتبت بواسطة ahmed_bq

ممكن تقولي فين الميكانيكي ده ؟ اكيد هينفعنا بدل خزعبلات التوكيل في المصنعيات

---

اه ياريت...+1

اقتباس:

---

المشاركة الأصلية كتبت بواسطة mazagngi2010

تركيب الكلام ده عند الميكانيكى بالاضافه لتربيط العفشه بالمره وتغيير زيت الفتيس والزيت وتركيب فلتر وتركيب اويل سيل ب 150 جنيه
والميكانيكى فى قليوب قبل طلعه اسكندريه الزراعى واحتمال يفتح ورشه قريب
والكيلوهات دى كلها بسبب طبيعه الشغل-صيانه شبكات المحمول لف على مواقع من الاخر- واتعملت كلها فى اكتوبر والجيزه وطريق اسكندريه الصحراوى لحد الرست

---

كل الكلام ده ب 150........؟ طيب فيه ارقام تلفونات ليه ولا حاجه وفتح ورشه ولا هوا شغال فين دلوقت

ده عيب عوامه بنزين

اقتباس:

---

المشاركة الأصلية كتبت بواسطة mazagngi2010

هو فيه مشكله غريبه ظهرت له من اسبوعين تتلخص ان لمبه البنزين البرتقالى بتنور لما يفول العربيه!!!
حد قابلته المشكله دى؟

---

مبروك دا على كده احنا مدلعين عربياتنا
دي عوامة البنزين وتمنها في التوكيل في حدود 450 جنيه

متابع
يا ريت عنوان او تليفون الميكانيكى لان ده هينفعنا كتير

يا جماعة حد يقولى نمرت تليفون الميكانيكى دة كام

اسف جدا على التاخير ياجدعان انا نسيت خالص الموضوع
عموما
اسم الميكانيكى محمود واحتمال يكون فتح ورشه خاصه بيه دلوقتى
ورقمه
0127230954
0110700588