السلام عليكم
كنت عاوز اروح كارفور الي فتح جديد في مساكن الشيراتون الي يعرف ممكن يقولي اروحها ازاي هل المول بعد شريط المترو ولا فين انا اتصلت بيهم الي رد قالي معرفش فين لو حد يعرف يوصفلي يبقي الله يكرمه
عرض للطباعة
السلام عليكم
كنت عاوز اروح كارفور الي فتح جديد في مساكن الشيراتون الي يعرف ممكن يقولي اروحها ازاي هل المول بعد شريط المترو ولا فين انا اتصلت بيهم الي رد قالي معرفش فين لو حد يعرف يوصفلي يبقي الله يكرمه
بص حضرتك لو جي من مدينة نصر وكأنك رايج على مساكن شيراتون او المطار
حتاخد طريق الاتوستراد - حتفضل ماشي في الاتوستراد وحتعدي بعد المطار وتشوفه على شمالك
شوية وتلاقي ملف ,, تلف منه وبعد كده تلاقي كارفور على يمينك
لو انت تعرف في شيراتون من جوه وجي من صلاح سالم قولي وانا ممكن اوصفلك الطريق برضه
كانك بالضبط جاي من مصر الجديدة و داخل علي طريق الاوتوستراد بتاع مدينة نصر, هتلاقيه علطول بعد الفتحة اللي بتدخلك علي المخبز الالي, او ممكن تكمل علطول متدخلش الاتوستراد و تكمل مع المترو لغاية الاخر و تدخل شمال مش يمين ( يمين اللي بيوديك علي مرور الشيراتون مش هيوصلك, انت كدة يبقي عديت المول)
و ممكن للوصف بالخريطة اجبهولك من موقع كارفور
..::: Carrefour Egypt :::..
بس على فكره المول لسه ما فتحش ,, هوا كارفور بس اللي شغاااال
ايوة انا من مصر الجديدة هل هكمل من بعد معهد الشيراتون ولا الطريق ده ملهوش علاقه بيه و لا الاتوستراد ده الي هو بيربط مدينة نصر بي مصر الجديدة و فيه منه مدخل للمطاراقتباس:
المشاركة الأصلية كتبت بواسطة abdullah ahmed
عشان اوضح اكتر وانت جي من مدينة نصر من بعد النادي الاهلي في كوبري هل هو علي الطريق ده هناك ولا فين ؟
ايوة هو دة الاتوستراد وانتا جاي من النادي الاهلي اطلع الكوبري و انزل دة الاتوستراد كول طوالي اكنك نازل الشيراتون حتلقيه علي شمالك بعد بنزينه موبيل اللي فيه fbi حتاخد اول يو ترن و ترجع و لو جاي من جمب معاهد اللغات اللي في شيراتون ا طلع من هناك هلي الاتوستراد اكنك رايح مدينه نصر حتلاقيه علي ايدك اليميناقتباس:
المشاركة الأصلية كتبت بواسطة chicobon
الطريق اسمه طريق المليون شجره او الدائري ..
اوله عند بنزينة كالتكس اللي في الشيراتون اخر صلاح سالم عند الكليه الحربيه...واخره كوبري ال 4 ونص اللي بينزل عند النادي الاهلي ...
كارفور في نص الطريق :)
المول لسه في التشطيبات ، وكارفور بس اللي فتح ..
أهم شيء لما تركن العربية إركن في الجراج اللي عالسطح مش في البدروم
لأن السطح فوق الدور بتاع كارفور علطول ، أما الجراج اللي في البدروم هتضطر تنزل بالعربية 7 أدوار تحت الأرض
والعملية تحت توهااااااااااااان بمعنى الكلمة.
هو الجراج بفلوس ولا ببلاش؟اقتباس:
المشاركة الأصلية كتبت بواسطة ahmedhawas
شكرا لرد حضرتك و للشرح ان شاء الله اروحها علي الجمعةاقتباس:
المشاركة الأصلية كتبت بواسطة maryano
الف شكرا كل عام وانت بخير :Oc_sun1[1]:
بفلوووس ,, اول ساعة ب 5 جنيه ومش عارف بعد كده بكام عشان انا قعدت ساعة هناك ولو مشترياتك من كارفور اكتر من 80 جنيه بتاخد ساعة ببلاش و200 جنيه تقريبا ساعتيناقتباس:
المشاركة الأصلية كتبت بواسطة casperinoo
معقوله ليه عملوها بي فلوس غريبه ده كان احسن حاجة في كارفور الباركين من دون مقابل
ما هوا المول ده مش لكارفور ,,, هوا بالزبط كأنه سيتي ستارز وجواه سبينس
وكده صن سيتي وجواه كارفور
حتى كارفور مساحته مش كبيييرة زي العبور او المعادي