الموضوع: استشاره في موضوع شخصي

المشاركة الأصلية كتبت بواسطة donzi

اولا انت ماغلطتش فعلا زي ما الزملاء قالولك

انت كدا لمحتلها و اديتها فرصة تفكر ، ممكن بقى تستنى كمان محاضرتين من الكورس و تتعامل عادي او بشوية اهتمام بسيط ( يعني ماتدلقش ) و تشوف ردود فعلها و معاملتها معاك و لو هي مالهاش كيف هاتلاقيها مدياك وش خشب و بتتحاشاك في التعامل و لو هي بتفكر هاتلاقي متجاوبة و بتدي نفسها فرصة تعرفك و تتكلم معاك بعد المحاضرتين دول ما يعدو يعني اسبوع تقريبا تسألها سؤال مباااااااااااشر

انا معجب بيكي و عاوز ارتبط بيكي رسمي لو مكنش عندك مانع .

بس و حسب الرد الدنيا هاتمشي و ربنا يعملك اللي فيه الخير يا رب

انا مع اتفق مع هذا الراى

شكرا شكرا لكل الزملاء اللي ردوا انا هرد هلي كل واحد منهم
بس انا ليه سؤال هو رد فعلها كان طبيعي يعني هو انا خطتها بالسؤال ده خصوصا خصوصا ان شخصيتها خجوله و منغلقه عليها هي و اختها بس (هي في الكورس معانا برضه بس هي اصغر) و لا كان ردها تطفيش و السلام
او ممكن فعلا يكون في حد في حياتها بس هي مش مجبرة تقول كده رغم ان انا لاحظت ان استخدامها للموبايل منعدم تقريبا
انا احساسي انها يا اما اتكسفت من السؤال خصوصا انها طلعت اي حجة جائت في بالها و هي انها نفسها تسافر برة - اي حجه و السلام يا اما ممكن لسه خارجه من حاجه و الكورس ده زي انها متنعزلش و تخرج مع اختها
في الحالتين دة ميمنعش انني احاول تاني بس المرة دي مليش فرصه تالته خالص

ياباشا انت قلت الحل
عليك وعلى اختها الصغيره اسألها على اللى انت عايزه بعد لما توضح لها انك معجب باختها و عايز تتجوزها
وخد منها رقم بابها و استخير و اتصل
لكن تقولها فكرتى والكلام دا و هى شخصيه خجوله يبقى مش هتستفيد حاجه