استشاره في موضوع شخصي

**شريف** · 31-10-2011 11:53 PM

السلام عليكم يا اخواني و يا اخواتي بالتحديد
كنت عايز استشاره في موضوع متعلق ببنت معايا في كورس باخده
انا عديت التلاتين و من اسبوعين تلاته بدآت كورس و كان فيه بنت لفتت انتباهي و عحبني شكلها و شخصيتها بالتساوي و طبعا مكنتش بفوت فرصه اتكلم معاها قبل المحاضره او في بريك او في الاسانسير و احنا ماشيين
المهم انا طول عمري ملتزم و مبحبش اللف و الدوران دي طبيعتي فانا اخر الاسبوع اللي فات سآلتها اذا كان في حد في حياتها ولا مافيش
المهم طبعا واضح ان السؤال احرجها جدا و كان الطبيعي اعتقد انها ترد انها مبتفكرش في الموضوع ده نهايي و خصوصا كمان ان شخصيتها هاديه و خجوله
انا طبعا قلت و ليه لا ندام مفيش حد و حاولي متخسريش حد في حياتك ممكن يكون كويس و فكري كويس و عيدي ترتيب اولوياتك ممكن ؟ و سبنا بعض و كل واحد روح علي كده
طبعا انا كان سؤالي غلط بس ازاي اصلح الامور و مخسرش انسانه انا شايفها محترمه و شخصيتها راكبه مع شخصيتي
طبعا احنا بنتكلم عادي كزمايل و اوقات بقول موقف ولا حاجه اخليها تبتسم او تضحك بس طبعا لا اجرآ علي سؤالها تاني
ايه رايكم ادام الله فضلكم
اوعه حد يقولي ورده علي الكرسي او جواب غرامي او ورده علي زجاج العربيه
مش عارف هو لو خير ليه ربنا هيقربه اكيد بس ايه الخطوه المناسبه اللي الواحد مفروض يعملها

**khaled_yassin** · 01-11-2011 12:56 AM

تهرب يا باشا ومن غير مناقشة انت بتعيش احلى ياام حياتك فكك من الجواز دة اسمع منى
بس لو مصمم اسمع منى بقى :
اولا هى فهمت قصدك من السؤال وش , البنات انصح مننا على فكرة وسؤلك مش غلط خالص
اتععامل عادى جدا وهى هتلاقيها بتتعامل عادى بردوا بس هتلاقى شويه كسوف وتقريبا مش هتبص لعنيك نهائى لانها فهمت انت عايز ايه من سؤلك
لو ليك فى الخط المستقيم يبقى اطلب رقم بابها وكلموا والبس بقى
لو عايز تتاكد منها اطلب رقم تليفونها وكام مكلمة على كام رسالة حلوة كدة بمناسبه العيد , وصباح الخير وتصبحى على خير وشويه حركات من الى البنات بتحبهم

**ahmadmidop** · 01-11-2011 01:19 AM

انا شايف انك مغلطش خاااااالص .... ومن رايي تسألها تاني فكرتي في الكلام اللي قولتهولك

**zago** · 01-11-2011 01:22 AM

بص
انت مش محتاج بيريل
انت محتاج ماونتن ديو
:)

جمد قلبك كده وخش عليها مره واحده وقولها ايه رايك في اللي كلمتك فيه قبل كده ؟
والكلام حيجيب كلام

**casperinoo** · 01-11-2011 01:44 AM

انا مش مقتنع بموضوع جمد قلبك انت عملت اللي عليك وكفايه كده ..
.معاملتها معاك الفتره اللي جايه هتبين ردها عليك ايه ...
ونصيحه انا شايف انك تتقل ولو شفتها اعمل نفسك مش واخد بالك منها.
وعاملها عادي ولا كأن حاجه حصلت ولما الكورس يجي نهايته
ابقي اسألها تاني .
لو حصل ورفضت ..تبقي اخر مره شفتها وخلصت نفسك من الاحراج

**AshTurbo** · 01-11-2011 02:24 AM

أتقللللللل .

**AutoTycoon** · 01-11-2011 03:24 AM

اطلب رقم والدها المرة الجاية.. لو مكانك هعمل كدا و على فكرة انا شخصيتي شبهك من اللي قلته

**Donzi** · 01-11-2011 03:50 AM

اولا انت ماغلطتش فعلا زي ما الزملاء قالولك

انت كدا لمحتلها و اديتها فرصة تفكر ، ممكن بقى تستنى كمان محاضرتين من الكورس و تتعامل عادي او بشوية اهتمام بسيط ( يعني ماتدلقش ) و تشوف ردود فعلها و معاملتها معاك و لو هي مالهاش كيف هاتلاقيها مدياك وش خشب و بتتحاشاك في التعامل و لو هي بتفكر هاتلاقي متجاوبة و بتدي نفسها فرصة تعرفك و تتكلم معاك بعد المحاضرتين دول ما يعدو يعني اسبوع تقريبا تسألها سؤال مباااااااااااشر

انا معجب بيكي و عاوز ارتبط بيكي رسمي لو مكنش عندك مانع .

بس و حسب الرد الدنيا هاتمشي و ربنا يعملك اللي فيه الخير يا رب