الموضوع: سؤال عن كلاتش مروحة الرداياتير

هى العربية نوعها ايه؟؟
معتقدش انو المروحة بسير مع المحرك لأن التصميم ده انتهى من زمان أعتقد انو أخر عربية نزلت فى مصر بالتصميم ده كانت القيات 1300.
و لو هى دفع أمامى و محرك بالعرض أعتقد مستحيل تبقى المروحة مع الموتور.
غالبا فى معظم السيارات المروحة بتبقى ليها محرك كهربائى منفصل, بيشتغل مع ثرموستات عند حرارة معينة و تقفل عند حرارة معينة حسب السيارة.
لو عايز تتأكد بص على المروحة هتلاقى مفيش سير بينها و بين المحرك و هتلاقى محرك كهربائى صغير وراها, و غالبا بنسبة 99% المروحة منفصلة عن المحرك, الا طبعا لو سيارتك فيات 1300:).
لو المروحة بتشتغل عند حرارتها الطبيعية يبقى مفيهاش حاجة غالبا لو سرعتها معقولة, ممكن يبقى فى مشكلة فى المقاومة بتاعتها بتوقفها فى بعض الأحيان.
العديد من السيارات بتسخن طبيعى زيادة فى الزحمة, لكن بنسبة صغيرة و متوصلش للحدود الخطيرة, و دى كانت بتحصل مش بقولك فى كورى و لا لادا, دى كانت بتحصل فى بيجو, بس متوصلش للحدود القصوى.

يا باشا عربيتي القديمة كانت كده و كانت موديل 1983 كانت 125 بولندي..
و عربيت الباشا دايهاتسو قديمة.. تمانينات علي ما اعتقد برضه..
مش عارف بصراحة المشكلة دي تتحل ازاي.. اوقات كانت بتعمكل معايا كده بس لما العربية كانت جايبة جوان وش سلندر بس..

المشاركة الأصلية كتبت بواسطة فادى

هى العربية نوعها ايه؟؟
معتقدش انو المروحة بسير مع المحرك لأن التصميم ده انتهى من زمان أعتقد انو أخر عربية نزلت فى مصر بالتصميم ده كانت القيات 1300.
و لو هى دفع أمامى و محرك بالعرض أعتقد مستحيل تبقى المروحة مع الموتور.
غالبا فى معظم السيارات المروحة بتبقى ليها محرك كهربائى منفصل, بيشتغل مع ثرموستات عند حرارة معينة و تقفل عند حرارة معينة حسب السيارة.
لو عايز تتأكد بص على المروحة هتلاقى مفيش سير بينها و بين المحرك و هتلاقى محرك كهربائى صغير وراها, و غالبا بنسبة 99% المروحة منفصلة عن المحرك, الا طبعا لو سيارتك فيات 1300:).
لو المروحة بتشتغل عند حرارتها الطبيعية يبقى مفيهاش حاجة غالبا لو سرعتها معقولة, ممكن يبقى فى مشكلة فى المقاومة بتاعتها بتوقفها فى بعض الأحيان.
العديد من السيارات بتسخن طبيعى زيادة فى الزحمة, لكن بنسبة صغيرة و متوصلش للحدود الخطيرة, و دى كانت بتحصل مش بقولك فى كورى و لا لادا, دى كانت بتحصل فى بيجو, بس متوصلش للحدود القصوى.

شكرا جزيلا على ردك

العربية دايهاتسو شارمنت موديل 83 ... دفع خلفي

والمروحة بتتحرك بسير مع الماتور وبالتالي لما بقف في زحمة بيكون ال rpm 1000 مثلا او اقل ... وبالتالي المروحة سرعتها بتبقى بطيئة ... فكمية الهوا اللي تدخل قليلة ... تقوم العربية تسخن

فيه واحد قالي ان المفروض لما العربية تسخن بقى المروحة تزيد سرعتها تلقائيا ( بصرف النظر عن سرعة المحرك البطيئة ) فتدخل هواء اكتر للتبريد

هل الكلام ده صحيح عندي في هذا الكلاتش ؟

غالبا.. الكلام ده مش صح..
لأنه لو صح كنت هتشوفه في عربيات تانية..
لحد دلوقتي انا مش شايفه....
بالمناسبة.. هو مش موجود غير في العربيات الدفع الخلفي بس..
عشان الموتور بيبقي في وضع طولي..
كده اكيد في حاجة مش مظبوطة في عربيتك..
شوف الردياتير.. او طلمبة المية او المية نفسها.. او جوان وش سلندر..
وربنا يستر و تطلع حاجة بسيطة..
بيتهيألي من التعديلات الشهيرة.. انك تركب طنبورة اصغر او مروجة عدد الريشات بتاعها اكتر..
يا اما تقلبها كهربا بقي و دي مقرفة..شوية..

المشاركة الأصلية كتبت بواسطة Ahmad Allawy

غالبا.. الكلام ده مش صح..
لأنه لو صح كنت هتشوفه في عربيات تانية..
لحد دلوقتي انا مش شايفه....
بالمناسبة.. هو مش موجود غير في العربيات الدفع الخلفي بس..
عشان الموتور بيبقي في وضع طولي..
كده اكيد في حاجة مش مظبوطة في عربيتك..
شوف الردياتير.. او طلمبة المية او المية نفسها.. او جوان وش سلندر..
وربنا يستر و تطلع حاجة بسيطة..
بيتهيألي من التعديلات الشهيرة.. انك تركب طنبورة اصغر او مروجة عدد الريشات بتاعها اكتر..
يا اما تقلبها كهربا بقي و دي مقرفة..شوية..

زى ما قال استاذ أحمد, بس غريبة فعلا انو عربية موديل 83 تبقى مروحة بسير, أنا شفتها بس فى ال1300, و حتى سيارات الدفع الخلفى زى الشاهين و البولونيز هتلاقى المروحة كهربا مش سير. بس مادام انت بتقول المروحة بسير, يبقى زى ما قال أستاذ أحمد.
ممكن أضيف كمان شوف الزيت و منسوبه, و راجع على المياه بتنقص و لا لأ.
ممكن كمان تشد سير المروحة لأن ممكن يكون مرخى قليلا.

والله يا فادي بك ده كان الحال عندي في العربية..
بس متنساش حاجة..
ان العربية دي اصلا موديل قديم.. اتوقف انتاجه في ايطاليا و فضل في الانتاج في بولندا لحد 1984
يعني اكيد في العربيات التانية الناس كانت اتجهت لطريقة افضل..
فعلا موضوع السير انه يكون مرخي دي مخطرتش علي بالي..
الله ينور عليك..

الف شكر يا جماعه على ردودكم

الزيت مظبوط والميا مابتنقصش وطلمبة الميا والسير جداد

التاكيهات مظبوطة

الثرموستات ملغي خاالص

الردياتير اختلف فيه الردياتيرجية بس الخلاصه انه كويس

مش جوان وش سلندر لانها مابتسخنش خالص غير في الزحمة الشديدة والحر الشديد

انا قريت على النت ان الكلاتش جواه زيت بيتأثر باختلاف درجة الحرارة وبالتالي بيغير من سرعة المروحة بحيث تزيد سرعتها في السخونة وقلة الهوا والعكس لما يكون الهوا كافي
انا شاكك ان الموضوع ده مابيحصلش عندي على الرغم من اني غيرت الكلاتش النهاردة

اتاكد ازاي ؟

لحد كده و انا معنديش اي معلومات ممكن تفيدك بصراحة..
نستني رأي حد كبير بقي.. :)
ولو وصلت لحاجة ابقي قولنا و منكم نستفيد يا باشا..