الموضوع: تجربة غريبة مع كبالين الماروتى

الاخوة الافاضل

حبيت اشاركم تجربة بعتبرها غريبة شوية بس دا اللى حصل . انا شارى عربية ماروتى كسر زيرو 14000كم . المشكلة من يوم ما جبتها و انا بلاحظ حاجة غريبة بتحصل لما اكون ع الاول او التانى و انخع العربية او اسيب رجلى من البنزين اسمع صوت طقة غريبة مش عارف مصدرها بس المحسوس جاية ف شاسية العربية بس ف ناحية اليمين . رحت لبتاع العفشة راجع على كل حاجة و ربط العفشة تمام و نفس الحكاية لسة . رحت للميكانيكى راجع على كل القواعد الامامى و الخلفى و قاعدة الفتيس كلة سليم و نفس العيب موجود و محدش عارف يحدد الطقة دى جاية منين . و كنا و العربية واقفة نجيب الغيار الاول و نزقها ورا و ادام نسمع الطقة ظاهرة جدا دا كنا بنعملة عند العفشجى و الميكانيكى و الصوت مبهم غير معلوم مصدرة لان بيضرب ف الشاسية كلة . المهم الميكانيكى قالى احتمال يكون من الكوبلن لازم نفك و نكشف علية المهم توكلت على الله و رحتلة امبارح و قلتلة فك نشوف اية حكاية الطقة دى بس قبل ما يفك كشف تانى و هوة قالى فى بوش بسيط ف الكوبلن مع العلم الكوبلن مش بيطقطق و لا حاجة ف الملفات يعتبر جديد المهم فكينا وزى ما قال كان فى بوش و جبنا جوز كوبلن تيوانى ب 170ج من شركة الجيزة ف فيصل و ركبا الكوبلن و جت لحظة التجربة بصراحة كنت خايف لحسن بعد كل دا الاقى الطقة لسة موجودة بس الحمد لله الطقة راحت حمدت ربى ان الموضوع تم على خير و الفلوس مرمتهاش ف الارض و كنت هلاقى الطقة لسة موجودة المهم قلت للميكانيكى خلاص هغير الكوبلن التانى كمان عشان يبقوا نفس النوع و احسن من الهندى . عموما تفسيرى للى حصل و اللى برضوا اكدة الميكانيكى انا شارى العربية من واحدة ست و يظهر انها لسة غشيمة سواقة يعنى العربية كانت بتنط منها كتير و تنخع منها و اول حاجة بتضعف الكوبلن و بعديها قواعد الموتور بس الحمد لله جت ع الكوبلن بس . دى التجربة الغريبة لعربية عاملة 14000كم بسبب غشومية المالكة الاولى

المشاركة الأصلية كتبت بواسطة karimfahmy99

لا غيرت الخارجى بس و لما فكينا كان باين ان شبكة البلى تعبانة و في بوش

متشكر جدا على سرعة أستجابتك وعلى فكرة أنا سألتك لأن واحد قبل كدا وقفنى فى الشارع وقالى على المشكلة دى وأنا الصراحة مكنتش عارف أية السبب فقلتل أنى معرفش وان المشكلة دى مش فكل الماروتى