مشكله في الثبات

**hany63** · 01-11-2011 10:11 AM

صباح الخير ياجماعه
انا معاي vti 2010 وعامل بيها 18500 كم
المشكله اني باحس من ال 120 زي ما تكون العربيه فيها غربله خفيفه واول ما ادوس فرامل احس زي ما تكون بترجرج و بتضايقني علما باني كاشف علي ضغط الكاوتش و عمري ما نزلت الاستبن
1-تفتكروا ان ده عيب في الطنابير ولو كان كده هايتغيروا في الضمان؟
2-و ياترى سعرهم كام عشان لو مارضيوش
3-وهل ممكن يكون ده عيب البطاحات اللي الناس اتكلموا عليه؟
و شكرا مقدما للافاده

**SAMEH_FOUAD** · 01-11-2011 11:24 AM

هية كدة للاسف مشكلة طنابير فعلا طالما بتهز بدال الفرامل
بالنسبة للطنابير فبتتغير فى الضمان عادى ماتقلقش

**eng_maged** · 03-11-2011 03:09 PM

هي فعلا طنابير
وومكن تخرطها في التوكيل تقريبا ب 200 جنيه او حاجه كده ولو هتشتريها هتلاقيها بتاع 700

والطنابير ممكن تتخرط مرتين قبل ما تغيرها وخد بالك انها بره الضمان زيها زي تيل الفرامل بالضبط عشان اجزاء متاكله

**eng_maged** · 03-11-2011 03:17 PM

المشاركة الأصلية كتبت بواسطة szaalouk

و ايه اصلا الأسباب اللي تخللي الطنابير تعمل كده بسرعه .
انا عارف ان التحميل علي الفرامل اكتر من اي عربيه تانيه بسبب ان العربيه بتجري لوحدها لكن هل ده ياكل التيل و الطنابير بالسرعه دي .
تحياتي

التفسير العلمي كالاتي
الفرامل مع سرعات عاليه جدا يساوي احتكاك عالي
يساوي حراره عاليه جدا تسبب ارتخاء في طبيعهة تيل الفرامل بسبب الحراره اللي بتوصل ل 300 درجه مئويه واكثر
ويحصل حاجه من الاتنين
لو التيل كويس والطنابير مستويه تماما ---- يبقى مفيش مشكله
لو التيل مش مستوي او الطنابير فيها خدوش او نتوؤات ----- هتحس بالرعشه

طيب السؤال الرعشه هتروح امتى
لما التيل يبرد وده معناه انك تشيل رجلك من على الفرامل لمده 5 ثواني مثلا وترجع تاني

طيب الحل
اولا تغير تيل الفرامل بدري لان لو سبته لغايه لما يتاكل هيبوظلك الطنابير والمشكله هتزيد
ثانيا لو في مشاكل في الطنابير اخرطها وساعات بيسموها سنفرها عشان تعالجها وبكده تحافظ على التيل
ثالثا متفرملش من سرعه 150 وحتى 10 كيلو مره واحد لان كده الاحتكاك دائم لفتره طويله يعني حراره اكتر لو تقدر ريح الفرامل ثانيتين في النص
رابعا متسوقش فوق ال 120 اصلا وحافظ على عربيتك وعلى نفسك وعلى غيرك (طبعا الكلام ده موجه ليا برضه)

وشكرا