طلعت من الكلية ... لقيت الفانوس متكسر 100 حتة
انا معايا لانسر بومة 2007 خليجي فوانيس كريستال
نزلت الكلية انهاردة دخلت اول محاضرة
طلعت من الكلية ببص على العربية ..... فجأة ..... الاقي الفانوس اللي ورا شمال مكسور 100 حتة و واقع على الارض
و الحتة اللي تحتة من الاكصدام فيها بويا حمرا مع العلم ان العربية فضي
!!!!!!!!!!!!!!!!!!!!!!!!!!!!!!!!!!!!
كان هيجيلي انهيار لحظي او ازمة قلبية :( :(
اسأل الناس اللي قاعدة يقولو عربية 128 حمرا خبطت الفانوس و حطت العربية و طلع يجري
اتجننت و معرفتش اعمل ايه و مكنش معايا في جيبي غير 150 جنيه
طلعت على واحد معرفة وريتهاله ... الراجل الله يكرمه هداني و دخلني المكتب و جابلي لمون و لقيته عمل تليفون و في 5 دقايق لقيت فانوس تاني جاي بعلبته مع واحد و اتخلعت الحتت المكسورة الباقية من القديم و ركبلي الجديد و جربته و لقيته زي الفل
بسأله ده نوعه ايه و بكام ... قالي ده الصيني و ب 120 جنيه !!!
قلقت طبعا من موضوع الصيني ده ... بس هو قالي كله زي بعضه و فعلا مفيش اختلاف في الشكل ... و قالي كلهم بيتكسروا من اقل خبطة و ليه تجيب الاصلي ب 670 جنيه و يتكسر برضه ؟ ... اقتنعت فعلا بكلامه و شكرته و مشيت
ربنا ينتقم من اللي كان السبب و خبطت الفانوس و مشي ... و ضيعلي فانوس اصلي ب 670 جنيه و غرمني 120 جنيه
حبيت بس احكيلكوا على اللي حصلي و بالمرة اخد رأيكوا في حوار الفانوس الصيني ده
اسف على الاطالة