الموضوع: ليه البنات معندهمش زوق ؟؟

المشاركة الأصلية كتبت بواسطة aif

المفروض ان اللي عاوز ينقل من حارة لحارة ينتظر لما الحارة اللي ح يتنقلها تفضى ...... والنساء عموما توافقهم العصبي العضلي مش زي الرجال
يعني استجابت عضلاتهم لردة فعل المخ ابطأ من الرجل
دي خلقة رب العالمين
وبالمقابل هن بيتفوقن على الرجال في حاجات تانية كتير .... دي طبيعة خلق الانسان
علشان كدة لازم لما تلاقي اللي قدامك واحدة ست او رجل مسن ..... لازم تتوقع ان سواقته غير سواقتك
...

وحتى لو اللي على شمالك رجل وانت عاوز تدخل قدامه ... لو المسافة كافية اكيد ح تعدي من غير مشاكل ... لكن لو المسافة مش كفاية .... لو هو هدى سرعته عشان يعديك يبقى ده ذوق منه .... ولو رفض وما سمحلكش تدخل قدامه يبقى ده حقه ... وكمان يجب انك تراعي حالته المزاجية اللي انت مش عارفها ..... هو ممكن يكون شايط وبيغلي من اللي عمل غرزة قبل منك مثلا .... العملية مش حرب وخصوصا على اكتوبر
انا معاك ان لو ماسمحليش اعدي باكون مضايق ...... نرفزة طريق يعني ... لكن انا من داخلي باقول ان ده حقه بس هو مطلعش زوق وعداني .... زي بالظبط لو واحد طلب من واحد زميلو يوصلو مشوار والأخير رفض عشان مستعجل ... هو مش ملزم يوصلو لكن من الزوق انه يوصل زميله
....
وبعدين يا سيدي لازم نستحملهن شوية
دول في الآخر اختي واختك وزوجتي وزوجتك وبنتي وبنتك


ده بقى الكلام اللي يزعل
اني اعرض حياة ناس للخطر والبسهم في حاثة ممكن يموت فيها لمجرد خلاف على اولوية المرور
لو شايفها مش بتعرف تسوق ابعد عنها وسيبها ف حالها
دي لو اختك ومهما كانت غلطانة عمرك ما ح تقول كدة
رجاء تقبل اختلافي معاك في الرأي وكل عام وانت طيب

فعلا عندك حق وكلام صح بس تعمل ايه بقى في العقل
بس ملحوظة على كلام حضرتك الاخير انها اصلا كانت هتلبسني يعني هتأذيني
وانا فكرت في الموضوع بس قولت حرام .. هيا كانت تستاهل اكتر من كدة بس قولت معلش خليني انا المسامح

المشاركة الأصلية كتبت بواسطة mando_07

أنا الصراحة مش فاهم الموضوع مع احترامي ليك الغرزة بتنتش في ثانية بالظبط وبسرعة وأكيد هي مش راكبة بورش عشان أول مانت تدي اشارة تكبس و تقفل عليك الغرزة ألا لو أنت واخد الغرزة بسرعة بطيئة أو كنت متردد فيها و أنصحك تبعد عن البنات في السواقة على قد متقدرو تريح دماغك خالص لحسن دول هيموتونا ناقصين عمر

ويا ريت يا dolly13 متزعليش مننا احنا بننكشكوا بس

المسافة دي مكانتش صغيرة علشان اخدها بسرعة علشان عارف ان ممكن يكون قلبها خفيف بالعكس دي كانت كبيرة ومتستهلش اصلا اني اديها اشارة علشان اعدي والفرق بيني وبينها حوالي 10 متر تقريبا
ومفيش داعي للتريقة وتقول بورش ومعرفش ايه لان حضرتك مكنتش في الموقف علشان تقول كدة
انا لقيتها معدية جنبي بسرعتها وبعد مابصيت في المرايا لقيتها جاية بتجري عليا بعد ماكانت ماشية بطيئة

المشاركة الأصلية كتبت بواسطة yoko

معلش حتى لو هي قليله الذوق لكن قانونيا هيا مش غلطانه نهائي
الغلطة غلطتك غنك معدي من يمينها وكمان بغرزة (أنا بعملها كتير بس لو زنقني مش هقول هو غلطان)
قانونا إنت المفروض تكون وراها تقلبلها نور لما الفرصه تسمح هيا توسعلك يمين وإنت تكمل لكن الي بنعمله في مصر إسمه سمك لبن تمر هندي

ده قانونا في اي بلد محترمة ياايوكو باشا
بس احنا في مصر كل واحد بيمشي بقانون هو عايزه
مهما قلبت نور ومهما عملت بردو مش هتوسع فاانا مضطر اني اعمل كدة

المشاركة الأصلية كتبت بواسطة chicobon

طيب وانت لو كنت مكان البنت ديه كنت هتخاليها تدخل الحارة الي انت سايق فيها ؟ افتكر الاجابه لاء كنت هتعمل زيها يبقي ليه نلوم الناس بقي الحمد لله انها جت سليمة الحوادث بتحصل في ثانيه

لا والله انا مش منفسن على فكرة ولا قليل الذوق علشان اعمل حركة زي دي وكنت هخليها تدخل عادي مدام ادتني اشارة وكمان لو فيه فرصة اني اخليها تدخل قدامي لو سرعتي تسمح مش اول مااشوفها هتدخل ازود علشان ازنقها (ده يبقى اسمه تخلف وعدم تحضر)
كمان مببقاش لازق في اللي قدامي وبحترم اي حد بيتحرك باشارات وبكره اسلوب الميكروباصات في السواقة

انا معاك في الموضوع ده واخدين في نفسهم الم والتناكه ركباهم على ايه مش عارف عشان كده لما الاقي ست او بنت جمبي في الطريق بابعد عنها تماما عشان دمي ميتحرقش