| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 13

  1. #1

    الصورة الرمزية محمد ابراهيم 1

    رقم العضوية : 530

    تاريخ التسجيل : 08May2007

    المشاركات : 3,300

    النوع : ذكر

    الاقامة : alexandria

    السيارة: nissan

    السيارة[2]: بيجو 406

    دراجة بخارية: مالها

    الحالة : محمد ابراهيم 1 غير متواجد حالياً

    افتراضي أنواع المطبات فى مصر - Facebook Twitter whatsapp انشر الموضوع فى :

    hasad">

    انواع المطبات بمصر

    حسب أخر إحصائية صدرت عن لجنة أصدقاء المطبات والمنبثقة من جمعية 'سيارة في مطب الريح' جاء فيها أن محافظة القاهرة إحتلت المركز الأول على مستوى العالم من حيث عدد المطبات والحفر والدحديرات ويوجد في القاهرة أكثر من ستين مليون مطب بواقع ثلاثين مطب لكل مواطن 'وإللي مش مصدق يروح يعد'.
    وجاء في الأحصائية نبذة مختصرة لأنواع بعض المطبات الأثرية القديمة والعصرية الحديثة
    التي لاتوجد الافي محافظة القاهرة كالتالي : ـ

    المطب البزابيزى

    وهو عبارة عن مجموعة من البزابيز الحديد الكثيرة المنتشرة على مساحة كبيرة على الأرض ليس لها هدف سوى دغدغة العفشة الخاصة بسيارتك مهما مريت عليه بسرعة ضعيفة أو عالية.
    وقد ظهر هذا النوع من المطبات فى مصر بين عقد اتفاقية بين الحكومة ومستوردى قطع غيار السيارات لزيادة الرواج فى بيع قطع غيار العفشة بعدما اتجه الشعب المصرى الندل لشراء السيارات المستوردة المتقفلة كويس بدلا من السيارات المصرى المتقفلة مثل الكنبة ام عجل علشان تحرموا.

    المطب ا لإرتجاجي
    وكان أول ظهور لهذا النوع في عام 1975م وهو مطب منتشر بشكل جيد على مساحات كبيرة من الشوارع أطلق عليه هذا الإسم لأنه يقوم برج السيارة بالكامل فلا يسلم منه رفرف ولا صدام ولا صامولة ولا مسمار. ويرجع الفضل في ظهور هذا النوع من المطبات الى كل من شركتي الإتصالات و الكهرباء ، وقد تم مؤخرا تبرئة مصلحة الصرف الصحي من أن يكون لها يد في ظهور هذا النوع من المطبات وذلك بعد التأكد والتيقن من أن مصلحة الصرف الصحي لم تقم بأي حفريات في محافظة القاهرة منذ سقوط الدولة العثمانية. ومن مميزات هذا المطب انه يقوم بإفاقة السائق السرحان وإيقاظ الراكب النعسان وتُقاس شدة إرتجاجه بوحدة قياس ريختر واعلى درجة سجلت له اثنين وعشرين من تسعة.

    المطب التكاثري أو التوالدي

    وسمي بهذا الإسم لأنه يتكون من عدة مطبات تتوالد وتتكاثر أصلا من مطب واحد، ومن خواصة انه مطب إجتماعي يعيش في جماعات وقطعان 'مطبية' بجانب بعضها البعض ويغطي مساحات شاسعة ، وهو المطب الوحيد
    الذي تصدر عنه رائحة كريهة داخل السيارة أثناء سيرها بسرعة عالية فوقه، ولسنين طويلة لم يستطع علماء المطبات ان يتعرفوا على سبب أو مصدر هذه الرائحة حتى توصلوا في عام 1985م الى تصور إفتراضي يفيد أن تلك الرائحة لها علاقة بنوعية طعام السائق والركاب ساعة دخولهم حقل المطب التوالدي.

    مطب التفْليك أو المجهِض سابقا

    وعادة ما يوصي به أطباء النساء والولادة للسيدات الحوامل
    خصوصا في الشهر التاسع ، فيقوم الطبيب برسم كروكي خلف الروشتة لعدة أحياء يتواجد بها هذا النوع من المطبات على ان تتقيد السيدة الحامل بالتعليمات الطبية والمرور في هذه الأحياء كل ثماني ساعات لتسهيل عملية الولادة. وكان الإسم القديم للمطب (المجهِض) وتم تغيير اسمه الى التفليك وذلك تحسبا من إقامة أي دعوى قضائية ضد وزارة الصحة أو محافظة القاهرة أو وزارة الموصلات وان حدث أي إجهاض لاقدر الله لأي سيدة حامل فسوف تقوم جهات الإختصاص برد الدعوى القضائية بدعوى أن السائق
    او الزوج استعمل مطب خاطئ أو مطب منتهي الصلاحية ولم يتقيد بتعليمات الطبيب.
    (ويطلق عليه طبيا إسم مطبومايسين)

    المطب المصري القديم

    وهو من أقدم المطبات على الإطلاق ولا يوجد إلا في محافظة القاهرة فقط فعمره يقدر بألاف السنين ولا أحد يعرف نشأته أو وقت ظهوره
    ، وقد جاء في مخطوطة أثرية لأحد الرحالة العرب من الذين قدموا الى محافظة القاهرة أيام 'الشمبرلاح' وقد افرد صفحة كاملة لهذا المطب الأثري قال فيه :
    'المطب المصري القديم لم أرى مثله أبدا فهو قادر على التخفي ، فمن قدراته أنه يتلون
    ويتأقلم حسب المحيط الذي يوجد به ، وهو يتكون عادة بفعل تراكم الأمطار ورطوبة القشرة الأرضية لعدم وجود شبكة صرف صحي' انتهى كلام الرحالة. وبالفعل تظهر أعداد كبيرة من هذه المطبات بعد أن تجف الطرق من مياه الأمطار ، ويصنف المطب من ضمن اخطر
    عشر كوارث طبيعية في العالم وهو يحتل المركز الثالث بعد الزلازل والبراكين ، وهو لا يظهر للسائقين على صورة مطب فيعتقد السائق ان الطريق خالي من المطبات تماما وما ان تدخل السيارة حدود المطب ينشق فجأة ويبلع السيارة بالكامل في لمح البصر وبعد عملية البلع يرجع كما كان ويلتئم الشق الكبير وكأن شيئا لم يكن. ويقال انه استعمل لأول مرة كسلاح فعال في الحرب العالمية الأولى لأصطياد الدبابات الألمانية.

    المطب الحراري
    الموجه

    ومن اسمه يتضح للقارئ طريقة عمله فهو يتبع السيارة أينما ذهبت دون ملل أو كلل حتى 'يلسعها' ومهما كان قائد السيارة 'حريف سواقه' فهو لا يستطيع تفاديه. وظهر هذا النوع من المطبات مع دخول العالم القرن العشرين وهو يحتوي على تقنية عالية ويتواجد عادة في القاهرة الجديدة ومن أسوء المطبات على الإطلاق تلك التي يصنعها المواطنين امام منازلهم وقد شددت الأمانة على عدم القيام بصناعة المطبات المنزلية من قبل أناس ليس لديهم الخبرة ولا الدراية بهذا العلم حيث ان علم المطبولوجي من اختصاص المحافظات فقط
    منقول من بريدى

    مين اللى يستحمل كل ده


  2. #2

    الصورة الرمزية mohameduoser

    رقم العضوية : 409

    تاريخ التسجيل : 01May2007

    المشاركات : 644

    النوع : ذكر

    الاقامة : cairo

    السيارة: None

    السيارة[2]: Octavia a5

    دراجة بخارية: no

    الحالة : mohameduoser غير متواجد حالياً

    افتراضي -

    مفيش عفشة تستحتمل كل دة حرام الشوارع تكون بالحالة دية


  3. #3

    الصورة الرمزية BomBom

    رقم العضوية : 8412

    تاريخ التسجيل : 04Apr2008

    المشاركات : 369

    النوع : ذكر

    الاقامة : Egypt - GIZA

    السيارة: Waiting For

    السيارة[2]: Daewoo - Lanos

    الحالة : BomBom غير متواجد حالياً

    افتراضي -

    المطب البزابيزى

    وهو عبارة عن مجموعة من البزابيز الحديد الكثيرة المنتشرة على مساحة كبيرة على الأرض ليس لها هدف سوى دغدغة العفشة الخاصة بسيارتك مهما مريت عليه بسرعة ضعيفة أو عالية.
    وقد ظهر هذا النوع من المطبات فى مصر بين عقد اتفاقية بين الحكومة ومستوردى قطع غيار السيارات لزيادة الرواج فى بيع قطع غيار العفشة بعدما اتجه الشعب المصرى الندل لشراء السيارات المستوردة المتقفلة كويس بدلا من السيارات المصرى المتقفلة مثل الكنبة ام عجل علشان تحرموا.


    ده و لا لسان العرب و المعجم المحيط !!



  4. #4

    الصورة الرمزية AhmedGen2

    رقم العضوية : 5341

    تاريخ التسجيل : 07Feb2008

    المشاركات : 1,054

    النوع : ذكر

    الاقامة : Cairo

    السيارة: --

    السيارة[2]: Gen2 2008

    دراجة بخارية: N/A

    الحالة : AhmedGen2 غير متواجد حالياً

    افتراضي -

    ايه البديل لمطبات القاهرة ؟


  5. #5

    الصورة الرمزية pendodo2002

    رقم العضوية : 9019

    تاريخ التسجيل : 15Apr2008

    المشاركات : 255

    الاقامة : UAE

    الحالة : pendodo2002 غير متواجد حالياً

    افتراضي -

    فكرتني في مره واحد صاحبي ماشي في القاهره بعربيته
    فلبس في مطب جامد اوي اول مره ...
    فالمهم راجعين جبنا حاجة من البيت ... ورجعنا تاني من نفس الطريق ... انا قلت اكيد هوا واخد بالو من المطب مش محتاج تحذير .... هوب .طاااخ ... كلاكيت تاني مره
    المهم رجعنا تاني علشان نجيب واحد صاحبنا وراجعين لتالت مره من نفس الشارع
    فانا قلتله خلي بالك من المطب اياه ... قالي و دي تنفع ... دا انا مصحصح لابوه ... وجه المطب ... فقام متفاداه وداخل في حاره تانيه .. و من فرحته عمال يتنطط في العربيه وعمال يشتم المطب ويمجد في بطولاته في تفادي المطبات و .... هوب طاااخ لبس في المطب اللي بعدو على الحاره الجديده ....




    يا مطباتك يا مصر
    تسلم يا باشا على الموضوع الجميل


  6. #6

    الصورة الرمزية Hondawy_2008

    رقم العضوية : 8131

    تاريخ التسجيل : 29Mar2008

    المشاركات : 1,056

    النوع : ذكر

    الاقامة : Cairo

    السيارة: not avilable

    السيارة[2]: Honda Civic 2008 F/A

    الحالة : Hondawy_2008 غير متواجد حالياً

    Talking -

    يا باشا المطبات دي فيدتها ان الناس تتمرجح كده و تنشط الدوره الدمويه و تهضم الأكل ربنا يخليلنا الحكومه قلبها علينا و زقططوا و فرفشوا يا شعب :embarrassed2:


  7. #7

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    فيه مطب عندنا ادام الجامعة في الحي المتميز في 6 اكتوبر .. حاولت اخده بكل الطرق لازم احك فيه .. و كل الناس .. لدرجة بقيت الف لفة غريبة عشان اجي من الاتجاه المقابل و معديش عليه

    اما بيبقي معايا حد في العربية بنزله و اخليه يركب تاني بعد المطب


    Leadership is based on inspiration, not domination


  8. #8

    FLYINGPEUGEOT

    الصورة الرمزية FLYINGPEUGEOT

    المشاركات : n/a

    الحالة :

    افتراضي -

    اقتباس المشاركة الأصلية كتبت بواسطة Hondawy_2008 مشاهدة المشاركة
    يا باشا المطبات دي فيدتها ان الناس تتمرجح كده و تنشط الدوره الدمويه و تهضم الأكل ربنا يخليلنا الحكومه قلبها علينا و زقططوا و فرفشوا يا شعب :embarrassed2:
    والله ياهنداوى باشا كنت داخل اكتب نفس الرد دا
    بس دا كده ممكن الحكومه تعتبرها رفاهيه ..وتفرض علينا ضريبة رفاهيه

    والف شكر يامحمد باشا على الموضوع


  • #9

    الصورة الرمزية wsamir

    رقم العضوية : 1931

    تاريخ التسجيل : 27Aug2007

    المشاركات : 285

    النوع : ذكر

    الاقامة : Giza

    السيارة: -

    السيارة[2]: Logan AT 2013

    دراجة بخارية: -

    الحالة : wsamir غير متواجد حالياً

    افتراضي -

    المساعدين مكملوش 6 شهور و المساعد اليمين خرج من مكانة و التعوج
    حسبنا الله و نعم الوكيل
    اللى يعدى نفق الشيراتون رايح العجوزة ياخد بالة يا رجالة فى حفرة خبيثة فى نص النفق شمال لبست فيها مرتين


  • #10

    الصورة الرمزية محمد ابراهيم 1

    رقم العضوية : 530

    تاريخ التسجيل : 08May2007

    المشاركات : 3,300

    النوع : ذكر

    الاقامة : alexandria

    السيارة: nissan

    السيارة[2]: بيجو 406

    دراجة بخارية: مالها

    الحالة : محمد ابراهيم 1 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة dehumanizer مشاهدة المشاركة
    فيه مطب عندنا ادام الجامعة في الحي المتميز في 6 اكتوبر .. حاولت اخده بكل الطرق لازم احك فيه .. و كل الناس .. لدرجة بقيت الف لفة غريبة عشان اجي من الاتجاه المقابل و معديش عليه

    اما بيبقي معايا حد في العربية بنزله و اخليه يركب تاني بعد المطب
    هو ده المطب الحرارى

    مين اللى يستحمل كل ده



  •  
    صفحة 1 من 2 1 2 الأخيرةالأخيرة

    المواضيع المتشابهه

    1. أنواع المطبات المصرية
      بواسطة OMAR61995 في المنتدى المنتــــــدى العـــــــــــام للسيــارات
      مشاركات: 12
      آخر مشاركة: 18-12-2012, 12:07 AM
    2. أنواع المطبات فى مصر :)
      بواسطة mohabelnegm في المنتدى المنتــــــدى العـــــــــــام للسيــارات
      مشاركات: 24
      آخر مشاركة: 19-06-2010, 09:52 PM
    3. منقول: أنواع المطبات فى مصر
      بواسطة wael_adel31 في المنتدى المنتــــــدى العـــــــــــام للسيــارات
      مشاركات: 11
      آخر مشاركة: 20-02-2009, 06:59 AM
    4. أنواع المطبات فى مصر (منقول)
      بواسطة y_omran في المنتدى المنتــــــدى العـــــــــــام للسيــارات
      مشاركات: 7
      آخر مشاركة: 17-11-2008, 01:11 PM

    الكلمات الدلالية لهذا الموضوع

    المفضلات

    المفضلات

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •  

    Content Relevant URLs by vBSEO 3.6.0 PL2