الموضوع: ....................* ميكانيكى اسبيرانزا ....................*

الاخ العزيز
jant
لو متابع الموضوع بتاعي عن لمبه ال اي بي سي انه بعد اللف والدوران علي الورش والتوكيل
وبعد الذهاب للشخص الاليط احمد مهران
تم التشخيص باني محتاج بدال بنزين وتم الشراء وغيرته
وكانت الكارثه ان اللمبه نورت تاني
يعني غيرت كنترول
وبوابه
وبدال بنزين
ونفس العيب موجود والعربيه مخنوقه وبتقطع ومبرجله علي الاخر
ونا شخصيا اتخنقت وبقيت مش عارف اعمل ايه
الكلام ده كان يوم السبت الماضي ماشي في شارع القصر العيني
وجدت ميكانيكي بيصلح في عربيه 28
سالته ماتعرفش حد بيفهم في اسبرانزا
قالي اطلع علي حموكشه
خلف مشرحه زينهم
ورشه انما ايه كبيره جدا اكتر من محل وهو زي الباشا مش بيمد ايده في حاجه
وصنايعيه كتير شغالين عنده
المهم شرحت له الحكايه من اول للا خر
شغل جهاز السكانر وقالي العربيه محتاجه بوابه
قولت له لا مش بوابه انا لسه مغيرها في التوكيل
قالي الجهاز مسجل بوابه وانا ليه اللي قدامي
قولت له نفس الكلام ده اتقال في التوكيل وغرموني 1200 جنيه بدون داعي
هو حب ما يوجعش دماغه معايا
قالي انا هاوصف لك واحد شغال في اسبرانزا وكان شغال في التوكيل
مكانه في اول شارع بورسعيد من السيده
طلعت عليه وحكيت له طبعا المشكله من الاول للاخر
سبحان الله
سيد ده اكتشف العيب وطلع عيب بسيط جدا بعد غرامه مبلغ وصل 3000 جنيه في اسبوعين
سسويتش البنزين كان فيه عيب بسيط جدا وهو ان الراجع بتاع البنزين من التنك كان يخلي البوابه تبرجل والكنترول يسجل خطاء
لغي الخرطوم بتاع الراجع وقالي ا ن كده هايوفر بنزين والسحب هايزيد جدا
وفعلا قد كان كلامه سليم
اللي انا شايفه انه فاهم جدا في العربيه
والحل طلع بسيط جدا الموضوع كله اتكلف 40 جنيه بعد تعب اكتر من سنتين و3000جنيه

المشاركة الأصلية كتبت بواسطة oyosof

برجاء توضيح المقصود بسويتش البنزين وكذالك كيقية توفير البنزين بالغاء خط الراجع لان كده كل البنزين اللى رايح للموتور بضغط طرمبة البنزين ها يتحرق بدون رجوع الفائض للتنك عن طريق خط الراجع

بص ياباشا
ميكانيكا مش هاقدر افيك قوي لانه مارضيش يقول بالتفصيل اللي عمله
علشان مانقلهاش لحد تاني من الميكانيكيه علي حد قوله
المشكله عندي ان الفايظ اوبخارالبنزين بتاع التانك بيدخل للبوابه عن طريق سويتش في خرطوم داخل واتنين خرطوم خارج
هو لغي الخرطوم بتاع الفايظ الداخل علي السويتش علشان ما يبرجلش البوابه ويخلي الكنترول يسجل خطاء
حسب مافهت ان الزياده في البنزين هاترجع التانك تاني بدون المرور علي سويتش التوزيع
وبكده يظبط العربيه
وفعلا اللي انا شايفه ان السحب بقي افضل لان في الاول كان 4 ار بي ام اخره معايا علي التالت مثلا كان 80 كيلو
بعد الشغل اللي عمله اصبح 4 ار بي ام علي التالت 90
الكلام ده استنتاجي الشخصي بناء علي فهمي للميكانيكا بحكم امتلاك عربيه من 15 سنه
لكن انا كلمته في التليفون وسالته علشان يقولي بالتفصيل الشغل اللي عمله
لاني حابب اكون فاهم كويس الشغل اللي بيتعمل
قالي استني اسبوع واقولك للتاكد من ان اللمبه مش هاتنور تاني

المشاركة الأصلية كتبت بواسطة jant

برجاء توضيح مكان الميكانيكى ده علشان عايز اروحله قبل العيد وكل سنه وانت طيب

لو انت جاي من ميدان السيده زينب في اتجاه شارع بورسعيد تمشي حاولي 300 متر علي اليمين تسال عن محل فتحي للكبده محل مشهور جدا وبنزينه مصرللبترول تقريبا
تدخل يمين
تسيب اول يمين بعد ما تدخل الشارع تدخل تاني يمين
تسال عن سيد ميكانيكي اسبرانزا