السلام عليكم ورحمة الله وبركاته
يارب يكون الجميع بخير وتكونو روحتو بدري مع اني معتقدش
النهارده يوم مختلف جدا ومش عادي زي كل الايام
في حاله من اسوء الحالات المروريه اللي شفتها ومرت عليا
طريق مصر الاسماعيليه زحمه بعد الظهر بقليل وتحديدا عن اللجنه المروريه اللي قبل العبور في زحمه بسبب اللجنه وللعلم مفيش اي شئ غير ان العربيات بتعدي اتنين اتنين فقط
الدائري تجاه الهرم من المرج زحمه اكتر وفي نقطة وقوف وتحديدا عند شبرا الخيمه وفي الاتجاه الاخر عند لجنة المرج
الطريق واقف بشكل بشع عند جامعة القاهره والدقي وكوبري الجامعه, والكورنيش والقصر العيني كالعاده
دي كانت رحلة الذهاب
اما رحلة العوده فكانت كالاتي
كوبري الجامعه والدقي وتجاه كوبري ثروت فالدائري كله واقف وزحمه بردو
والقصر العيني اوله زحمه , والكورنيش تجاه المعادي واقف وبيتحرك ببطئ شديد .
اما الدائري تجاه مدينه نصر زحمه بشكل كبير وبيقف في اماكن كتير بدون مبرر او بسبب المقطورات اللي بيمشو جمب بعض لكن مش طبيعي انهم يمشو بالشكل اللي شفته
وحصلت هناك حادثه قويه بسبب موضوع الزحمه والجري
طريق السويس زحمه بردو لحد ما تعدي التجمع الخامس بعد كدا كويس جدااااا لاول مره النهارده امشي كويس في الحته دي لحد الشروق
الملف اللي ادام الشروق مقفول من الجيش واجباري لازم تاخد الملف اللي بعديه وده اللي حصل
بصراحه النهارده اليوم كان مقفول غير كل يوم , امبارح اخدت نفس الرحله وكانت الدنيا هاديه جدا عن كدا وتقريبا في نفس التوقيت بردو , لكن الموضوع معداش بالساهل في دماغي واعدت افكر ليه ليه ليه ليه , وكالعاده مفيش سبب , وده رأي معظم اللي اتكلمت معاهم عن ان الطرق مقفوله وزحمه.
واخيرا المفاجأه , بعد ما طلعت على طريق الاسماعيليه تجاه الاسماعيليه ودخلت البنزينه امون وانا خارج قابلت
موووووووووووكب كبييييييييييييييييييييييي يييير
تقديري انهم من15 الى20 عربيه وحوالي 5 او اكتر موتوسيكلات
وسرعه جنونيه ومدخل الشروق 2 واقف تماما بسبب عبور الموكب
والعربيات وراء الموكب ما صدقت انها تجري أكيد عاوزين يعرفو مين ده .....
والموكب دخل المستشفى الطبي العالمي !!!
تساؤلات وافكار في دماغي مين وليه واشمعنا وووووووووووو
ومفيش اجابه كالعاده ! . :Ka_che1[1]: