هيونداى فيلوستر

**r2tarek** · 02-11-2011 03:36 AM

السلام عليكم

كنت عايز اخد رايكم فى هيونداى فيلوستر
لانى عايز اغير من الجين2 الى هيونداى فيلوستر

هل العربيه تستاهل 165 الف ؟

وشكرا

**superb** · 02-11-2011 04:22 AM

من نحية تستاهل .. هى تستاهل فى رأيى الشخصى دى المفروض تعدى يعنى توصل ل 190 و 200 .. العربيه تصميم عصرى جدا و عدت وقتها بكتير .. بس المشكله انها مش عمليه اوى .. يعنى اظن مينفعش تستعمل استعمال الجين .. مع انها اكيد عمليه و مش متعابه .. بس هى عربية خروج و فسحه اكتر منها عربيه شغل و استهلاك يومى فى المطبات و الموتسيكلات الصينى و بهدلة الشوارع .. بس هى تحفه فنيه وانا شايف انها تستاهل .. و اكيد الرد اللى بعدى او بعد بعدى هيقولك عكس كلامى .. كلها اراء .. و العربيه بتبيع و هو دا الطبيعى :)

**minicooper20** · 02-11-2011 05:36 AM

عربيه حلوه لاكن متستهلش 165 الف

**r2tarek** · 02-11-2011 05:55 AM

يعنى مثلا تركب bmw 316 ولا فيلوستر مش مهم السعر

المهم الشكل وراحه ومتعه القياده ؟

**minicooper20** · 02-11-2011 07:11 AM

اكييييييييييييييييييييييي يييييييييييييييييد بى ام

**mody3on** · 02-11-2011 07:43 AM

بص من ناحية السعر مفيش عربية في مصر تستاهل تمنها
فانت لما تشتري شيل حكاية السعر دي من دماغك وقول امري الى الله
انما بالنسبة للفيلوستر عربية تحفة جدا جدا بس فعلا عربية متنفعش لشوارع مصر الزبالة
تنفع للسفر والفسح والخروجات والمصايف انما تعتمد عليها كعربية اساسية صعب

**memo823000** · 02-11-2011 07:47 AM

المشاركة الأصلية كتبت بواسطة superb

من نحية تستاهل .. هى تستاهل فى رأيى الشخصى دى المفروض تعدى يعنى توصل ل 190 و 200 .. العربيه تصميم عصرى جدا و عدت وقتها بكتير .. بس المشكله انها مش عمليه اوى .. يعنى اظن مينفعش تستعمل استعمال الجين .. مع انها اكيد عمليه و مش متعابه .. بس هى عربية خروج و فسحه اكتر منها عربيه شغل و استهلاك يومى فى المطبات و الموتسيكلات الصينى و بهدلة الشوارع .. بس هى تحفه فنيه وانا شايف انها تستاهل .. و اكيد الرد اللى بعدى او بعد بعدى هيقولك عكس كلامى .. كلها اراء .. و العربيه بتبيع و هو دا الطبيعى :)

+11111111111
هيا انا شايف انها تستاهل )راى شخصى)
بس لو عايز حاجه عملية اكتر يبقى ممكن تستنى I30 الجديده انا شايف انها عملية اكتر من حيث الوسع - تكييف dail zoon - عفشة مالتى لينك فهتبقى مريحة اكتر- جنط وكوتش مش رفيع قوى لان الجنط ال 18 على بروفايل 40 اقل مطب هيتنى وكمان قيبقى غالى قوى - واعتقد هيبقى جنط 16 وحتى لو 17 فانت تركب كوتش محترم طرى غير الكورى الناشف والمقاس 17/45/225 والعفشه هتختلف تماما

لاكن لو مصمم على الفوليستر اعلى فئه يبقى تغير الكوتش بتعها على طول وتجيب كوتش المانى كونتيننتال على طول عشان تحافظ على العربيه والعفشه والجنوط وتستمتع بالسواقه وبالمقاسات الاتيه (وطبعا راجع الخبراء فى المقاسات)
18/45/225
18/40/235
والله المستعان