-
شهاده كفاءه تضاف للجين 2
ازيكم ياجامدين اوي يابروتناويه وخصوصا الجناويه
يارب تكونو بخير وبروتوناتكم تمام التمام
ووكل سنه وانتم طيبين
الحمد لله قدر الله وماشاء فعل
الناهرده كنت جاي من القاهره وماشي علي سرعه 170 كيلو وعارف انها سرعه عاليه وملهاش لازمه بس بصراحه الطيق بليل كان فاضي ومغري جدا
المهم مره وحده سمعت صوت رجرجه جامده اوي رحت مدي انتظار وركنت وده كان منظر الكاوتش اللي ورا شمال وطبعا انا كان المفروض اغيره من 3 الاف كيلو علي الاقل بس الكسل بقئ بعد ستر ربنا وفضله انا العربيه كانت ممكن تقلب او تعمل اي حركه وحشه معايا بس لا ولا لاقيت اي صعوبه ودي كفاءه من العربيه وخبره سواق :Oc_sun1[1]: بهزر طبعا كله من فضل الله
للاسف اتضريت ولاول مره احط الاستبن علي الارض
ودي صوره الكاوتش واحكم انتو وقلت لازم ارفعها واقولكم علي الموقف ده
http://img102.herosh.com/2011/11/02/76554925.jpg
-
حمد الله على سلامتك
وبالفعل هو ستر الله اولا له الحمد والشكر
-
الف حمد لله على سلامتك و فعلا ثبات العربية دي مفيش زيه ربنا يحفظهالنا
-
حمد الله على سلامتك .. بس هو عمر الإطار كام أصلاً؟
-
انا اسمع ان يفضل كل 40 الف و فى ناس بتغير على 60 على حسب حاله كاوتش و نوعه و هل فيه اخرام ام لا
-
الحمد لله ان هو اللى وراء مش اللى ادام
ولازم تغير الكاوتش كله فى اقرب فرصه
-
الله يسلمكم جميعا انا فعلا لازم اغيره الفرد كلها لانها كده عامله 52 الف
والتوكيل قالي لازم تتغير
-
الف سلامه عليك يا بطل ... ربنا يباركلك فيها ويكفيك شرها ان شاء الله .. صورتها اللي في توقيعك شغلك فيها حلو جدا وباين ما شاء الله
-
حمد الله على سلامتك
هو ستر الله اولا له الحمد والشكر
-
حمد لله على السلامة
انا دايماً بركب بريدجستون و بغيره كل 60 الف كم
-
حمد الله على السلامه ياباشا .... أنا كمان كنت سايق على 160 على الصحراوى وبنفس المنظر اللى فى الصوره بس كانت اللى قدام يمين .. حسيت الأول بخبطه كأنها طوبه جت فى العربيه وبعد كده تخبيط ورزع خدتها بالراحه بدون ماأستخدم الفرامل لحد ما ركنت على اليمين ... الكاوتش كان الأصلى بتاعها وكان عامل 47000 كم ... فعلى حسب اللى سمعته من حد فى المنتدى لو الكاوتش كورى ولا ماركه عاديه أخرك فيه 40000 كم ولو ماركه نضيفه ميشلان أو بريدجستون أو غيره ممكن لحد 60000 كم... وبيتهيألى بيبان من سعر الكاوتش ... وبالمناسبه محدش يتغر فى شكل العجله وأن النقشه لسه زى ماهى لأن النقشه اللى كانت فى العجله اللى فرقعت كانت زى الفل ... خلاصه الكلام ألحمد لله على كل شئ وخاصه على ستره فى المواقف دى وكمان بسم الله ماشاء الله على الجين ومواقفها مع صحابها
-
ما شاء الله فعلا, ربنا يحرصلك طريقك دايما.
-
الحمد لله
170 والعجله بالمنظر ده يبقي تسجد لربنا شكر
لاكن ماتنساش انك راكب بروتون فامتقلقش من اي حاجه
بس هل فيه حد هنا بيعمل دوران للكاوتش زي ما مكتوب في الكتالوج؟؟
-
الحمد لله انك بخير وكيس انك قدرت تتصرف
-
الحمد لله على سلامتك يا أستاذ ayman_83
وأنت اتصرفت الصح, وربنا سترها معاك..
بس ممكن أعرف ماركة الكاوتش أيه؟!! وتاريخ أنتاجه بعد أذنك؟؟!!!
حتى لو كان بتاع الفابريقة اللى جاى فيها.. لااااااااااااااازم ضرورى جدااااا..
مهمة أوى المعلومة دى..
Content Relevant URLs by
vBSEO 3.6.0 PL2