ميجان 2008 -2009 ولا سيراتو 2008

**engineer05** · 02-11-2011 06:45 AM

إيه رأيكم يا رجالة؟

**engineer05** · 02-11-2011 07:28 AM

آسف اختيار الموديلات اتقلب :)

ميجان 2007-2008 أوتوماتيك كاملة من غير فتحة السقف
ولا سيراتو 2009 2010 مانيوال كاملة

مع العلم إني مايفرقش معاية الأوتوماتيك من المانيول (المانيول يمكن أحسن بالنسبالي عكس معظم المصريين :) :) )

**mody3on** · 02-11-2011 07:36 AM

انا ارشحلك سيراتو اوتوماتيك بصراحة .. ولكن لو عايزها مانوال فلتكن
الا لو كنت راجل كييف فرنساوي وبتحب تصرف كتير على عربيتك :d

**engineer05** · 02-11-2011 08:38 AM

أنا بس مقلق من مشكلة سرقة السيراتو اللي انتشرت دي .. الميجان كمان شكلها أحلى من السيراتو بالنسبالي

**Abo_Abdullah** · 02-11-2011 10:16 AM

أنا من محبين السيراتو وكنت نفسي اجيبها ولكن قدر الله أن اشتريت ميجان 2006 الشكل الجديدالحقيقة انبهرت من كثرة المميزات والتقفيل والجودة في الخامات ، كل ده بالإضافة إلى موتور قوي وعفشة ممتازة أفضل من عفشة السيراتو الذي اشتكى منها الكثيرأما بخصوص قطع الغيار فلن أقول إنها رخيصة ، ولكنها معقولة بالمقارنة بالسيارات الجديدةوكثيرا ممن ركبوا السيراتو وركبوا معي قالوا إن تقفيل الميجان وجودة الصالون في الميجان احسن

**mikology** · 02-11-2011 10:26 AM

مفيش مقارنه
ميجان طبعا

**albasha** · 02-11-2011 11:15 AM

ميجان من غير كلام

**ugaritian** · 02-11-2011 11:31 AM

السيراتو ليست عربية اصلا، اي حد ممكن يجيب سيراتو او ريو....

**engineer05** · 02-11-2011 11:32 AM

دة رأيي برضه ...بس العربيات الميجان اللي بتتباع دلوقتي يا إما متهانة عالآخر يا إما أتكلم ألاقيها اتباعت

عالعموم أنا قررت أستني لغاية ما ربنا يكرم بحاجة تكون حالتها لقطة إن شاء الله

صحيح إيه هو أحسن موديل في الميجان 2 ولا كلهم زي بعض؟؟

**Ahmed Selim** · 02-11-2011 07:20 PM

السيراتو مش وحشة بس الميجان أحلى

المشاركة الأصلية كتبت بواسطة engineer05

دة رأيي برضه ...بس العربيات الميجان اللي بتتباع دلوقتي يا إما متهانة عالآخر يا إما أتكلم ألاقيها اتباعت

عالعموم أنا قررت أستني لغاية ما ربنا يكرم بحاجة تكون حالتها لقطة إن شاء الله

صحيح إيه هو أحسن موديل في الميجان 2 ولا كلهم زي بعض؟؟

2006 و ما بعدها.........و لو لقيت 2005 حالتها حلوة ما تفرطتش فيها.......

معظم التغييرات ما بين 2005 و 2006 حاجات أستهلاكية و هتلاقى معظمها إن مكنش كلها أتغير.

يمكن حاجة واحدة اللى مش بتتغير إلا بناء على طلب صاحب العربية و هى سوفت وير الفتيس.....و دى ممكن تعملها فى التوكيل لو مكنتش أتعملت.