ما هى مخـــالفة الإنتظار فى الممنوع

السلام عليكم



نزلت امبارح طلعت حرب اشترى لبس وللاسف لقيت الاسعار ناااااااااار اكتر من عندنا في بورسعيد

المهم كنت راكن في شارع طلعت حرب وامامى عربيه وخلفي عربيه


خرجت الساعه 12 ونص لقيت ربع ورقه ملزوقه عل الازاز ومكتوب فيها سيريال نمبر طبعا فهمت انها كانت الورقه البيضا بتاعه المخالفات وحد ابن ...... قطعهالى


رحت كدا لعسكري واقف في نفس الشارع وسالته قالى المخالفه من 500 وانت طالع علي حسب المكان قولتله انا كنت راكن هنا (في طلعت حرب ) قالى كدا تقريبا 800 جنيه




انا عايز اعرف الله يكرمكم هو كدا فعلا صح (انا مدفعتش واخدت العربيه مشيت )



برجاء الافاده

ياراجل حكم عقلك 800 ج ايه ؟

منا لما حكمته كنت عايز اضرب العسكري - بس لما حكمت قلبي قلى امشي من هنا

بس انت مقولتليش هي كام بقي وهل بتختلف من شارع لشارع ؟

لا مبتختلفش من شارع لشارع هي المخالفة واحدة ومبتكونش 800 بتكون 250 لو دفعت فورا و 500 لو دفعت في نيابة المرور بس تلاقي العسكري كان عاوزك تظبطه في حاجه ويلغيها .

علي فكرة حصلتلي قبل كده وسالت عسكري قالي الدفتر بيقعد معايا شهر علي ما اسلمه بس قوليلي كنت واقفه فين بالظبط وانا الغيها طبعا طنشت ولحمد لله جيت ارخص ملقيتش مخالفات

ده بيستعبط .. عايز العيديه :(