فيه اشاعات كده ان الفواتير جاية عالية شويتين الشهر ده
يا ترى حد شاف حاجة من كده ولا دي مجرد اشاعات ؟
عرض للطباعة
فيه اشاعات كده ان الفواتير جاية عالية شويتين الشهر ده
يا ترى حد شاف حاجة من كده ولا دي مجرد اشاعات ؟
جات عاليه 3 شويات
عاليه فعلاً بس هي تراكميه
شهرين اقل من المعتاد والمره دي الضعف 3 مرات
عاليه بافترا و عند كل اللى اعرفهم
370 جنيه !!!!!!!!!!!!!!!!!!!
بس
عالية هبل أوى
90 جنيه بدل من 40
طب وده من إيه بقى إن شاء الله
الكهربا غليت الشهر دة يعني ولا إيه
كانت بتجيلي 90 بالكتير جت الشهر ده 320 والشهر اللي فات 315
انا جايلي ٧٠٠ جنيه في شهرين و احتمال ٥٠٠ كمان الشهر الجاي
دا افترا طبعا
فيه يا اخواننا اشاعة بتقول ان شركة الكهربا طنشت شهر من غير ما تحصل الفواتير و جت الشهر اللي بعده و طبقت الشرايح على استهلاك شهرين و بالتالي طبعا كل الفواتير جت اضعاف !
اللى سمعته انهم كبروا قراية شهر
وتبقى شرايح شهرية مش تعلى شريحتك فى القاتورة دى
لسه مجاش الفاتورة الراجل بيجي بعد يوم 6
عالية بعبط
عالييييييية 400 سحتوت
واللى جاية عالية ولما كلمت المحصل قالى ان الشركة
عملت حركة نقص وتجاهلت بعض الناس وكومتهم ف فاتورة واحدة
وقالى معلش الفاتورة اللى جاية ف حدود 200 والتالتة هتبقى معقولة .. قلت لة على استهلاكى الحالى المعقول كام
قالى 150 ج يخربيت ام الشرايح دى
انا جالي 460 و 470 الشهرين اللي فاتوا ليه حرااااااااااااام ده هو تكييف واحد و سخان واحد :(
قارن استهلاك الكيلوان بين فاتوره قديمه و الفواتير الجديده ... لو الاستهلاك اعلى يبقى هما ضمو قرايتين تلاته على بعض و دخلوك شريحه اعلى ... لو نفس الاستهلاك و الفاتوره اغلى يبقى الكهربا غليت
ده حاجه معتمده بقه 340 جنيه
هو فيه ايه
اولا:الشرايح دى انا مش عارف التسعيرة بتاعتها بالظبط بس هى بتبتدى اول 100 كيلو ب5قروش
وتنتهى الكيلو بخمسين قرش
ثانيا:التركمات دى بتيجى من انهم بينزلو فى الفاتورة استهلاك اقل من الاستهلاك اللى فى العداد كام شهر بقى عندك تراكمات فى العداد ويجبهالك مرة واحدة فى فاتورة محترمة لان فى الحالة دى انت بتتحاسب على اعلى شريحة
الحل اية بقى؟؟
الحل انك تاخد كعب الوصل وورقة بيضة تكتب على طلب تشريح للوصل
وصيغة الطلب هى سطر واحد ارجو تشريح الوصل رقم ... او ترفق صورتة اوالوصل وبص وبتودية
الحسابات او التحصيل مش فاكر
الفاتورة العالية دى بتتقسم على6 فواتير قبلها فبتقل حوالى النص لانها بتدخل فى شريحة حساب اقل
انا المتوسط عندي في المحل كان من30 :40 جنيه
جم اتهبلوا كام شهر كده وفي اوائل السنه وعليت شويه خصوصا اني بدفع 15 جنيه زباله
وكل زباله المحل عندي هو تراب الشارع برجعهولهم تاني معاه كام عقب سيجاره
---------------------------------------------------
اخر افتكاسه بقي جت بالصدفه
علشان انا بفتح متاخر والمحصل بييجي بدري فقعدت حوالي 7 شهور مدفعش
ولما جه اخد القرايه قولت اكيد حتفحت
بس لقيتها 154 جنيه كلها
انك مهما دفعت شهور حتي لو سنه
بييجي في الوصل زباله شهر واحد
يعني بدل ما ادفع 105 جنيه بتوع ال7 شهور زباله
دفعت 15 بس
فنويت اني ادفعلهم كل 6 شهور واريح دماغي
450 ج عببببببببببببببببببط
530 جنيه
وروحت علشان اعمل كشف على العداد قالي تدفع الاول
المهم داخلت في جدال مع شخصية مقززة شغال مدير الأدارة الفنية في الكهربة الي قدام مترو فيصل
انا اقوله ادفع ازاي حاجة مشكوك في صحتها و هو يقولي ما هي ممكن تكون صح
قولتله خلاص الي يفصل في الموضوع واحد يجي يكشف الاول
راح قالي لاء تدفع الاول
أخر كلمة قالهالي ( أنت هتعلمني اتكلم ازاي ) روحت سبته و مشيت
السنة الي فاتت نفس الشهر كان جايلي 750 جنيه
المضحك اني اصلاً مش بقعد في الشقة أصلاً غير على النوم تقريباً
200 جنيه بدل 90
دول حلال فيهم نفصل العدادات و نعمل كوبري !!!!!!!!
شركة الكهرباء بترفع سعر الكيلو كل شهر اكتوبر في هدوء ومن غير تشهير ، وبتعدي على الناس كل سنة محدش بيراجع
الكلام ده من واحد شغال في شركة الكهرباء
أحب أهنى صاحب الموضوع...لأنى فعلا بصوت..أنا اللى كان بيجيلى حوالى 70 جنيه بالكتير وفى عز الصيف أخر شهرين مرة 200 جنيه والتانية 190 جنيه ومش عارف الشهر ده ايه نظامه..أهلى بئه فى عز الصيف بتيجى الفاتورة 500 جنيه المرة دى جاتلهم 800 جنيه...بجد حرااااااااااااااااااااااا ااااام... ده خراب بيوت والله...عاوزين نشوف موضوع تشريح الفاتورة ده..ماكنتش أعرفه
about l.e. 350
الموضوع عايز وقفه الناس هتجيب منين احنا دافعين 300 وشويه بعد ما كنا من سنتين تلاته بندفع 20 جنيه
يا لهوي انا بفالي 4 شهور ما جاليش وصل كهربا ------------يبقي حيدبحوني
الشهر اللى فات جالى 600 جندى و الشهر دة تقريبا شكلها زيهم
جارى جالة الشهر اللى فات 1500
عمر ما استهلاكي كسر ال 50 جنيه ابدا
وفي الصيف لما كان بيجي 70 بنستكترهم ودي طبيعة استهلاكنا
شهر 8 جه 140 جنية
شهر 9 عمل 115 جنية
فعلا مش طبيعي ولسه فاتورة 10 ماجاتش
اذن فالشائعة صحيحة و احنا بيتنصب علينا للمرة المش عارف كام !
اهلا وسهلا بكم يا حضرات :d 200 جنيه وزعلانين انا دافع في الشقة هنا الشهر ده 862 جنيه بالتمام والكمال :d دفعتهم وانا فيه ابتسامة غير طبيعية على وشي للمحصل حقيقة :d
جالي شهرين مع بعض في الايصال الاول دفعت مبلغ اقل عشان مكتوب في القراءة العداد " تعذر القراءة " تقريبا كشاف النور مراته كانت بتولد فمعداش عالينا ياخد قراءة العداد ...!!! الايصال الثاني اتنفخت فيه ده غير ان الدمغة والضريبة اعلى في الايصال الثاني ............. لازم نعذرهم برضة الغاز والسولار اللى بيشغل محطات الكهرباء غالي " اسرائيل منوره بغازنا ومصر منورة بأهلها "
مفيش شائعة و لا حاجة يا استاذ تامر
شركة الكهرباء بتدفعك استهلاكك و استهلاك ناس تانية معاك
الكلام ده اكده لى ناس مسئولة فى شركة توزيع الكهرباء بحكم عملى فى انظمة توليد الطاقة
اللى حصل انه مفروض بيخش لهم مبلغ معين بعد الثورة المبلغ ده اتقص منه التلث ( ناس مبتدفعش + سرقات كهرباء اكثر لغياب الامن ) , و الشركات دى ( نقل و انتاج و توزيع ) بتتعامل بنظام مكسب و خسارة و بيطالبوا بعض الفلوس
فبيلجىء انه يعلى كل سنة بمعدل ثابت بسيط لتحقيق الربح و او انه يزود فى مدة معين علشان يلم خسارته
الاخ شنورى : انا قعدت سنة مبتدفعش فلوس الكهرباء نتيجة ان فلوس الزبالة كانت بتيجى تناسبية قبل حوار ال 3 جنيه لانها استهبال و فلوس تجمع عنوة بدون حق لحد ما المحصل جالى على البيت شال فلوس الزبالة من الوصلات كلها و جمع مبلغ استهلاكى و دفعته توتال لانهم فى الاول او الاخر عاوين فلوسهم و تولع هيئة النظافة
لكن علشان تضمن حقك جمع الفواتير شهريا علشان تبقى عارف المبلغ المطلوب و علشان لو خد القراية مرة واحدة هيدخلك فى شريحة عالية و هتدفع بزيادة , ثانيا لو حد جالك قالك هنقطع الكهرباء تانى يوم جواب بعلم الوصول لمدير الادارة التابعة لمنطقتك انك عاوز تدفع لكن مبلغ الزبالة ده غير عادل و غير صحيح و يجب ان يتم الغاءه لكن متكتبش عبارة انك ممتنع عن الدفع او معناها
و كل سنة و انتم طيبين