الموضوع: تقرير رحلة جبل موسي بكاترين+دهب

أولا و قبل كل شيء الحمد لله على مرواحنا و رجوعنا جميعا بالسلامة....
و الحمد لله أن الكل اتبسط....

المجموعة اللي طلعت كانت رائعة.... الناس كلها متشجعة و عايزين يعملوا كل حاجة فعلا....و دي اكتر حاجة تخلي الواحد يستمتع بالرحلة....

الرحلة كل حاجة فيها ورا بعض.... و دي ميزة و عيب....
عيبها انها متعبة... و ميزتها أن ساعة النوم بتكون كافية جدا لأنه بيكون نوم عميق...


كريم.... وصفك هايل جداااا صورت الرحلة بأدق التفاصيل فعلا..... سواء في وصف الموضوع أو في الصور,,,,,,

الرحلة كانت حلوة بجد بكل الناس اللي طلعت.... كل واحد أضفى لون معين و شخصية معينة... خلوا الرحلة جميلة في الآخر... :)

المشاركة الأصلية كتبت بواسطة fahdebnyonis

رائعة جدا

تسلم ايدك يا فندم

مينفعش تتعمل رحلة مجمعة كبيره للمنتدي

هتبقي لمة حلوة وفي المقابل اعتقد ممكن التكلفة تقل

انا نفسي اطلعها بجد بس موضوع 600 جنية ده هيعمل هزة محترمه في المرتب

فكرة حلوة موضوع الرحلة المجمعة.... بس هيعوز ترتيبات كتير شوية.... و استطلاعات رأي.... عشان الرحلة دي فيها اختيارات كتيرة.....

و بعدين من غير ما نعمل رحلة كبيرة أو حاجة.... انت تنورني و تبقا ضيفي.... و متفكرش في الفلوس.... :)

المشاركة الأصلية كتبت بواسطة ahmed_su

حمدا لله على السلامة ...

طبعا مافيش حاجة تتقال غير رحلة روعة .. روعة .. روعة

شكرا على الوصف الجميل والصور الرائعة - وتحياتى لنجم الرحلة مينا ...!!!!!

تحياتي ليك يا أحمد باشا.... و نتمنى تكون معانا في المرات اللي جاية بإذن الله

المشاركة الأصلية كتبت بواسطة amr mokhtar

حمدلله على السلامة
انا عملت نفس الرحلة دى من حوالى 4 سنين
جبل موسى ثم دهب
جمال لا يمكن وصفه ...

أخبار الطريق إيه .. عليه اى لجان او تواجد أمنى و لا فاضى؟؟

الطريق عليه لجان جيش و حرس حدود.... و قبل النفق تفتيش من الجيش.... و كذلك في الرجوع.... دا غير تواجد مدرعات في أماكن كتيرة.....

الدنيا أمان بس أهم شيء وجود بطاقة أو باسبور مع كل اللي موجودين في الرحلة

الكماين الشرطية قليلة مقارنة بكماين الجيش من ناحية الكثافة....

المشاركة الأصلية كتبت بواسطة aif

كيمو ..............
ورزين ...................
وقاسم ملك التصاوير ...............
في ضيافة مينا ملك الجاز .........
.....
.....

جدي
وبراشيح
وزعتر
وفحم
وشوي
و 5 تحت الصفر
...
كدة كتر أوي أوي
.....
بجد بجد
رحلة تحفة
...
بس الكاميرا الملظلظة ام زلومة بتعت دامسري عاملة شغل عالي جدا بسم الله ماشاء الله ....
صور تحفة .... سواء صور كريم او قاسم
بجد الله ينور
السفاري الجاي عاوزينه في الواحات .... بس اكون معاكم

حاج أحمد حبيب الملايين.... الطلعة كانت ناقصاك فعلا.... و ان شاء الله الطلعة اللي جاية تكون معانا و تنورنا... :)

قاسم.... صورك خرافية بجد..... بتتكلم عن نفسها...... لازم تستغل الموضوع ده.....


هاني بيك... :) نورتنا بجد في الرحلة.... و ما شاء الله اللياقة 100% فعلا ....

بجد انبسطت جدا بالناس اللي اتعرفت عليهم جديد.... و اللي كنت أعرفهم و عرفتهم أكتر.... و هو دا المكسب الحقيقي بجد عشان دي الحاجة اللي بتدوم...

عقبال كل الرحلات اللي جاية.....