ما هى الفيشة

**astra** · 02-11-2011 03:19 PM

الاخوه الاعزاء قرأت فى بعض المشاركات عن ان الفيشة مضبوطة على 90 او 95 فما هى هذة الفيشة وما فائدتها واين تكون

**mailo** · 02-11-2011 03:31 PM

باختصار الفيشة دي بتحدد للكمبيوتر امتى يدي شرارة الاشعال بناء على رقم ال أكتين بتاع البنزين
وهتلاقي موضوع مفصل في الشرح في اهم موضوعات القسم

**XGoGoX** · 02-11-2011 04:02 PM

والله أنا لسه جاي من عند الكهربائي دلوقت حالا
وقربت يطلعلي ديل بسبب فيشة الأوكتان دي
الراجل عمل كونسولتو ولم ميكانيكيا وكهربائيا وكلهم أجمعو إن مفيش حاجه إسمها فيشة أوكتان أساسا
هههههههههههههههههههه
وإللي يقولك مكانش حد غلب بقه وبتاع
أنا قلت جوا نفسي أكيد الناس دي عايشين في زمن السياره الحجريه ومحدش فيهم ركب عربيه حديثه أساسا
وسبت المكان بسرعه قبل مايقيمو عليا الحد

بس خلاصة إطلاعي على فيشة الأوكتان عالنت
بتقول إن العربيات الحديثه بتيجي متظبطه على بنزين عالي يعني 90 أو 92
وتعديلها بيكون للناس إللي عايزه تحط بنزين 80
بس للأسف التعديل مش بينقي بنزين 80 من الشوائب إللي فيه
أما إذا كنت بتحط 90 أو 92 يبقى خليك زي مانت ومتلعبش فيها