الموضوع: عملت حادثة على الدايري - الحمد لله

أولا حمد الله على سلامتك
بس بدون ما نبرر لناس معظمها معندهاش ضمير
هي مش المرايات في النقل دلوقت بوضحله كل حاجة وبعدين كان على مهله يعني ممكن يصبر مش لازم يعوّر الناس











والا رأيكو إيه؟

المشاركة الأصلية كتبت بواسطة ahmod

السلام عليكم ورحمة الله وبركاته

في الاول الحمد لله على كل شئ والحمد لله انها جت على قد كدة

الطريق كان واقف ومش بيمشي تماما وتقريبا ماشي على سرعة 5 او 10 كم

كان قدامي ترلا بتغير فاردة كاوتش وعلى شمالي ترلا تانية

وفي مساحة تسمح اني اعدي من قدام الترلا اللى على شمال دست شوية ورحت معدي

تقريبا تلت اربع العربية عدت لكن بتاع الترلا اللى على شمالي ربنا يسامحه مستناش اني اعدي وراح داخل فيا مدمرلي الباب

صحيح اني اللى غلطان بس هو لو على الاقل لمس الفرامل ماكنش كل ده هيحصل ده ساب الترلا تجيب العربية عندي من اول الاكصدام اللى ورا لحد الباب

نزلت لقيته جاي بيقولي يعني ينفع حد يجي من اليمين كدة انت مش شايف في ترلا تانية واقفة بتغير فاردة كاوتش

انا بصيت لمنظر العربية رحت سايبه وراكب ومدور وماشي

الحمد لله على كل شئ كلمت الاستاذ كريم منير وان شاء الله هودي العربية للورشة عنده في الحرفيين

دي صورة الخبطة








هي طبعا كدة محتاجة تترد على السخن والباب يترش بالكامل ؟

هل ينفع اردها على البارد والقط مكان البويه اللى طالع ده ؟ وممكن لو طلع فيه اختلاف في اللون احط استيكر كبير على البابين

وتقريبا التكلفة لو افترضنا هنرش الباب بالكامل مع شغل السمكرة هتكلف كام تقريبا ؟ لان كريم قالي لازم اشوفها الاول

فاعمل حسابي على كام تقريبا ؟

في النهاية برضوا الحمد لله ومحدش يحاول يهظر مع تريلات تاني لانهم بيدوسو على العربيات اكنهم بيدوسو على نمل ماشي في الارض

بتاع التريلا كان شايفك وشايفك كويس اوى بالذات لو كان من العربيات الجديدة(بص على اى عربية نقل جديدة وشوف مرايتها عاملة ازاى بيبقوا 3 منهم واحدة موجه للارض ناحية اليمين) و متعمد يخبطك وهما نفس الكلمتين اللى قالهوملك كل سواقين النقل حافظينهم ..باختصار كدة سواقين النقل بيبقوا متغاظين من كتر ما بتتعمل فيهم الحركة دى فبيتعمدو يخبطو اللى بيغرز عليهم لكن لو انت عديت منة وجبت العربية قدامة بتلاقية فرمل غصب عنة وشغال كلاكسات ونور لان لو خبطك من ورا يبقى هو الغلطان لكن من الجنب دى فرصتة وردهم جاهز (زى اللى قلهولك كدة)

الحركة دى حصلت مع واحد صاحبى قبل كدة كان بيعدى زيك كدة وانا كنت راكب ورا بتاع النقل راح قارص وكاسر ناحيتنا كمان ونفس الخبطة بتاعتك كدة وزيادة عليها كسر ازاز الباب ...دة غير بتاع عشر حوادث شفتهم بنفس الطريقة منهم كورولا 2010 بس بتاع النقل كان غشيم لف الكورولا قدامة

اما بالنسبة للتصليح فا من شكل الصور لازم تسخين وها ترش الرفرف والباب

قدر الله و ماشاء فعل
الحمد لله علي كل شيىء
أنا شايف أن حضرتك تعملها سمكرة و بوية
لكن علي البارد و استيكر و تلقيط و الكلام ده مش هيرجعها زى الأول

دولا ولاد %^#^%$##$$# انا ركبت تريلاا مرتين بالظبط مرة مان ومرة اسكانيا وبدون مبالغه فعلا السواق قاعد فى الرووف اول مرة فى حياتى اشوف الجيب زى الماروتى وفعلا مرايتهم كتير جدا وجايبه ابعاد العربيه بالكامل معادا كام نقطه و السواق من ساعه ملعنا من ميناء السويس وهو بيرخم على الملاكى بيسيبه يجى جنه وقبل ميعدى منه يكسر عليه ويرجعه وراة تانى وهكذا بقله متمشى عدل بيقلى بسلى الطريق اتخانقت معاة و مشيته عدل ومسبتوش يبلبع اى حاجه حكالى بلاوى على الرخامه اللى بيعمولها فى الملاكى و المبداء اللى بيخاف يروح وعلى فكرة بيبقو معليين الكاست لدرجه انه ممكن ميسمعش كلاكساتك اساسا و اللى يعدى تريلا يعديها من الشمال مش من اليمين



والف سلامه على العربيه اهى شالت عنك او عن حد من اهل بيتك متزعلش