العربيه اتخبطت النهارده

**mahmoud_afifi** · 02-11-2011 06:11 PM

السلام عليكم ورحمة الله

كل سنه وحضراتكم طيبين وعيد اضحى مبارك عليكم جميعا

الموضوع وما فيه ان وانا راجع من مدينة العاشر من رمضان وداخل ميدان وسرعتي بطيئه لسه طالع من مطب وبتحرك واتأكدت ان طريقي سالك وبكمل , لقيت موتوسيكل طااااير بمعنى الكلمه وداخل الميدان بسرعه جنونيه !! انا اتخضيت وضربت فرامل (والحمدلله اني اخدت بالي منه وفرملت). ودخلت فيه بوش العربيه في جنب المتوسيكل بتاعه. شفت قطع البلاستيك بتطير قولت كده الفانوس بالسلامه. وطبعا قولت اكيد مش هاخد منه لا حق ولا باطل قمت شتمته وكملت شوية عشان ماوفش في الميدان واعطل الدنيا.

اول لما شفت العربيه من قدام لقيت كل حاجه سليمه ما عدا الاكصدام محكوك واللون طلع من بعض الاماكن و لقيت الكبوت جزء متطبق منه بس الحمدلله اللون موجود ماطلعش. بس اتخربش ولقيت الفانوس جزء منه اتخدش وهنا حمدت ربنا اني ضربت فرامل وإلا كان زمان الغبي دخل في الرفرف او اضعف الايمان كان اكل الفانوس.

دلوقتي انا عاوز اصلح الكبوت بس الخبطه جايه في مقتل. في بداية الكبوت ولما جيت افتح اشوف لو هعرف اردها لقيت ان في جزء حديد بيبقى ملحوم فيها دعامه بتخلي عملية سمكرتها اشبه بالمستحيل. بس بما اننا في مصر بلد اللامستحيل عاوز اعرف ينفع اعملها ولا لأ ؟ ولا مش مستاهله ؟
وربنا يبعد عنكم البهايم

**mahmoud_afifi** · 03-11-2011 07:21 AM

المشاركة الأصلية كتبت بواسطة heart_sugar

الاول الحمد لله على سلامتك
انا كانت نفس الخبطه دي عندي في الكبوت الي قدام في العربية القديمه نصحتي سبها لانها في عظم العربية ومش حتأسر عليها غير شويه الشكل
اما لو حبيت تعملها فدي ملهاش غير حلين وكل واحد اسوء من الثاني
الاول بيتخرم خرم من الكبوت من فوق وبيتشد الجزء وبعدين بيتسنفر ويترش
والثاني انه يقطع العظم من جوه ويدقهالك ويسمكر ويرش ويلحملك الجزء الي اتقطع من العظم
بس على فكره لما حتيجي تبيع ان شاء الله الي حيجي يشتريها حيقعد يزهقك بسببها وحيقلك وخده حدثه قوية وكلام عبيط كده وحتوقعلك العربية
لو حتعملها تبقا تصور العربية قبل وخلال وبعد عشان لما تبيع تبين ان مكنش فيها حدثه مؤثره
ونصيحه اخ سيبها ونساها

الله يسلمك وجزاك الله خير. كلامك مقنع فعلا وهي اسواء حاجه فيها انها مبوظه الشكل وكان نفسي اردها على البارد بس حته صعبه قوي. وكمان موضوع الشفط مش موجود في مصر عشان اعملها بيه او اسمه paintless dent repair.
أمري لله وحسبي الله في الناس الي مابتخافش من ربنا :((
متشكر جدا يا باشا

**mm_champion** · 03-11-2011 02:55 PM

فعلا كلاااام جميل جدا , روح لسمكري نضيف أو اي مركز معتمد لهيونداي , أبو غالي فيه مهندسين هياكل سيارات كويسين اوي خليه يشوف الخبطة لو هتنفع تترد على البارد يبقى خير وبركة , مش هينفع يبقى سبها وانساها خالص وهات بس بولش ولمع مكان الخدوش هتحس الدنيا احلى شوية , انا كنت في الأول أي خبطة صغيرة عايز اروح اعملها لحد ما واحد بيفهم قالي الحاجات دي سبها زي ما هي عشان اللعب فيها كتير هيوقع الدهان وهتضطر ترش وكدة قيمة العربية هتقل كتير
ربنا يباركلك فيها ويكفيك شر الطريق

**mody_mt2007** · 03-11-2011 03:35 PM

الحمد لله جت سليمة و الحمد لله انها جت على قد كدة

**mahmoud_afifi** · 03-11-2011 06:40 PM

المشاركة الأصلية كتبت بواسطة ahmed_mido1889

الحمدلله بسيطه انا لو مكانك ارجع اولع في المعهد :))

ههههههههههههههههههههههههه هههه والله يا ميدو كان نفسي خاصة ان كان عندي امتحان تييييت يومها !!

المشاركة الأصلية كتبت بواسطة mm_champion

فعلا كلاااام جميل جدا , روح لسمكري نضيف أو اي مركز معتمد لهيونداي , أبو غالي فيه مهندسين هياكل سيارات كويسين اوي خليه يشوف الخبطة لو هتنفع تترد على البارد يبقى خير وبركة , مش هينفع يبقى سبها وانساها خالص وهات بس بولش ولمع مكان الخدوش هتحس الدنيا احلى شوية , انا كنت في الأول أي خبطة صغيرة عايز اروح اعملها لحد ما واحد بيفهم قالي الحاجات دي سبها زي ما هي عشان اللعب فيها كتير هيوقع الدهان وهتضطر ترش وكدة قيمة العربية هتقل كتير
ربنا يباركلك فيها ويكفيك شر الطريق

ربنا يكرمك على الدعوه والنصيحه يا باشا. انا عملتها بكومباوند وبوليش والحمدلله احسن من الاول بس فاضل التطبيق وشايف اني لو عملتها في مركز معتمد او اي سمكري نضيف هتاخد مبلغ كبير . هسمع كلامك واسيب الحاجات الصغيره دي واعملها مره واحده.
جزاك الله خير يا باشا

المشاركة الأصلية كتبت بواسطة mody_mt2007

الحمد لله جت سليمة و الحمد لله انها جت على قد كدة

الحمدلله على كل شئ كان ممكن تبقى اسواء بس ربنا ستر. متشكر يا باشا :)

**bakkarahmed** · 04-11-2011 04:49 AM

tفداك وقدر الله وماشاء فعل..
نصيحه سيبها كده افضل ماتعملها

**mahmoud_afifi** · 04-11-2011 11:06 AM

المشاركة الأصلية كتبت بواسطة a333

حمدلله على سلامتك

الله يسلمك يا باشا

المشاركة الأصلية كتبت بواسطة bakkarahmed

tفداك وقدر الله وماشاء فعل..
نصيحه سيبها كده افضل ماتعملها

الحمدلله على كل شئ
بعد ما اتأكدت من صعوبة تصليحها وهتفتح موال وتقلل من ثمن العربيه انا رأيي من رأي حضرتك وهسيبها كده

-

الموضوع: العربيه اتخبطت النهارده

LinkBack

أدوات الموضوع

عرض

-

-

المواضيع المتشابهه

العربيه اتخبطت

العربيه اتخبطت

العربيه اتخبطت :(

الحمد لله العربية اتخبطت النهارده وعرفت أحسن سمكرى فى مصر (موضوع كامل)

الحمد لله العربية اتخبطت النهارده

الكلمات الدلالية لهذا الموضوع

المفضلات

المفضلات

ضوابط المشاركة