السلام عليكم
معلش انا معلوماتى ضعيفه شويه عن البى ام
كنت عايز اعرف ايه الفرق بين 316 و 318 و 320 ايه احسن واحده وهل الامكانيات وشكل التبلوه بيفرق ولا الامكانيات بتزيد ولا هى قوه موتور بس
عرض للطباعة
السلام عليكم
معلش انا معلوماتى ضعيفه شويه عن البى ام
كنت عايز اعرف ايه الفرق بين 316 و 318 و 320 ايه احسن واحده وهل الامكانيات وشكل التبلوه بيفرق ولا الامكانيات بتزيد ولا هى قوه موتور بس
ياباشا اهلا بيك فى منتدى البى ام اولا
كل سنة وحضرتك طيب ثانيا
ثالثا والاهم ان لو حضرتك اخدت جولة سريعة فى 5 دقايق كنت هاتلاقى اكتر من اجابه ومع ذك هاقول لحضرتك مادام ماعندكش خلق تدور وتبحث :)
ال 316 يعنى الفئة التالته بموتور 1600 سى سى
ال 318 يعنى الفئة التالتة بموتور 1800 سى سى
320 يعنى 2000 سى سى وقيس على كده كل الارقام اللى هاتقابلك
كل ما يعلى السى سى طبعا بتحس بفرق فى الاداء وفارق استهلاك البنزين بين كل موتور واللى قبله مش كبير
وخللى بالك فى مواتير 1600 قديمة وجديده
الفرق فى ان المواتير القديمة سير كاتبينة كاوتش وكودها m40 وتبدأ من سنة 91 لسنة 94
المواتير الجديده سير كاتينة حديد وكودها m43 وتبدأ من سنة 95 لسنة 98
تقسيمة وشكل التابلوه فى كل الموديلات واحده بتفرق بس فى شكل هوايات التكييف الجانبية وده فرق بسيط جدا وفى وجود عداد الار بى ام من عدمه وفى كمبيوتر العربيه اللى تحت التكييف وكمان التكييف ان كان تاتش ولا بكر ورسمة عداد البنزين ان كان بالكمية ولا بعدد الليترات
يعنى من الاخر مفيش فرق انما الفرق الملموس بيبقى فى عدادت الام 3 وتتلخص فى التحديد النيكل لداير العدادات وبعض ال functions اللى ما بتشتغلش الا على الموتور ال m3
وماتسالش عن ال M 3 لو اول مره تركب بى ام عشان ماتدخلش نفسك فى متاهات ووجع قلب هايبقى بالنسبالك كبير ومكلف بس انت هاتها من 16 ل 20 واهتنبسط باداءها وركوبتها ان شاء الله
اى استفسار هاكون تحت امرك ان شاء الله
اخوك محمد
شكرا ياباشا وكل سنه وانت وكل الناس هنا طيبين
بس انا بسأل عشان
انا معايا جولف 4 حاله ممتازه بس عبها انها 1400 وان حاجتها غاليه جدا جدا جدا بالنسبه للدبانه عشان كده انا عايز لو غيرت اعلى مش انزل لان الجولف امكانيتها عاليه ورغم موتورها 1400 بس سحبها فظيع بس التكيف بيضعف ادئها شويه وسمعت ان 1600 فى الدبانه نفس مشكله التكيف وانو ضعيف كمان انا اسمع انها من بعد 94 موتورها افضل وكمان نزل فيها abs وطبعا كل الامكانيات دى عندى بس انا بسمع عن e32 و e64 حاجات كده ومش عارف ايه ده وايه الفرق بنهم ويارت تقولى الفرق بين اسعار قطع الغيار وتوافرها بالنسبه 316i ,318i,320i ومعلش طولت عليك
بص يا باشا انواع الدبانة فية منها تسى تسى ( الى بتقرص و بتخلى الواحد ينام ) و فية كمان الدبان العادى الى فى الجو و فية الى بيقاوم الموبيدات :)
هههههههههههههههههههه
بهظر معاك :)
بص يا باشا احلى موديلات فى الدبانة 1996 و انت طالع علشان ب 2 ايرباج و تكييف تاتش و abs و الموتور الجديد
الأوتوماتيك سحبها ضعيف نوعا ما المانيوال كويسة اسرع من الجولف يعنى :)
اى استفسار تانى انا تحت امرك :)
هى موديل 95 مفهاش abs
تحديدا من موديل 95 يا فندم والفرق بينها وبين ال 96 وانت طالع التكييف التاتش فقطاقتباس:
بص يا باشا احلى موديلات فى الدبانة 1996 و انت طالع علشان ب 2 ايرباج و تكييف تاتش و abs و الموتور الجديد
الاتنين ايرباج فى موديل ال 98 فقط على حد علمى وماشوفتش قبل 98 اتنين ايرباج وان كانت موجوده فهاتكون نادرة والمانى بمواصفات معينه زى موضوع ال abs الموجود فى بعض موديلات ال 93
فيها يا فندم وانا عربيتى 95 فيها abs والموتور الجديد وفابريكة يعنى اللى نازل فيها من بلادهااقتباس:
هى موديل 95 مفهاش abs
أنا طبعاً ما عنديش أي إضافة لأن اللى ردوا عليك إثنين من عمالقة e36 في المنتدي هما مستر محمد والباشمهندس فهد ومعلوماتهم لا تقدر بالمال وأنا عارف إني مقصر جداً معاهم
فعلاً
95 فيها abs
انا شفت واحدة بعيني
ممكن سؤال بعد اذنكم انا معايا e32وكنت عايز اعرف الكيك داون فيها كهربا ولا واير