زى النهارده 2/11
من 3 سنين بالظبط
الساعه 10.30
استلمت العربية من الدكتور
كانت عامله 180000
النهارده كملت 245800
و الحمد لله
وربنا يهديها علينا
عرض للطباعة
زى النهارده 2/11
من 3 سنين بالظبط
الساعه 10.30
استلمت العربية من الدكتور
كانت عامله 180000
النهارده كملت 245800
و الحمد لله
وربنا يهديها علينا
ياه
الايام بتعدى بسرعه قوى
انا 3 سنين ونصف شفتها في فاترينه المعرض لقيتها بتبصلي وحسيت انها بتندهلي كمان تاني يوم خلصت فيها والحمد لله استلمتها عامله 140000 كم النهارده عامله 265000كم وربنا يبارك .
ما شاء الله
ربنا يباركلك فيها
ما شاء الله
انت عامل قدى مرتين و انا باقول على نفسى مفترى
و عامل اللى ما يعمل فى العربية
طلعت انت بالصلاة على النبى
مظبطها
ياه الايام بتعدى بسرعه برده من 1-5-2009 اشتريت العربيه وكانت عامله 265000 والنهارده عامله 320000 وسبحان الله انا شوفت العربيه فى السوق وشوفتها من بعيد ودخلت قلبى على طول واخت الرقم وفضلت فى زهنى واشترتها بعدها من اسبوعين من الزقازيق
انا ملاحظ انى انا وطنانى وفادى العربيات جيبنها فى سنه واحده تقريبا
كل سنة وانتم طيبين
وربنا يباركلكم في عربياتكم
والله المستعان
،
،
كل عام وجميع الاوبلية بخير
يمكن السنة الي جاي وكام يوم زيادة اقول زي النهاردة اشتريت عربيتي الفكترا
طيار
ربنا يجعلهلكم خير و يكفيكم شر عربيتكم ان شاء الرحمن
( وأنا كمان أول ما شوفته كان بيبصلي وحسيت أنه بيندهلي وأتجوزنا على طول ) :s1[1]:- أنتوا حسستوني أنكم بتتكلموا عن قصة حب عاطفية رومانسية ونهايتها سعيدة زي الأفلام العربية - الله على الواحد لما يحب حاجة بجد بيكون فيه شعور جميل وأحساسه مرهف - ربنا يبارك لكوا ويبارك لنا فيها يكفيكوا ويكفينا شرها .
بس ممكن توصفوها أكثر يعني :
أنا عربيتي شيفورليه لانوس 2010 لونها فضي - حبيتها جداً أول ما شفتها لكن ظلمتها لأني ما كنتش لسه حاسه بيها وبمقاستها فخبطها في الفانوس اللي ورا - وكنت مضايقة أوي وحسيت أنها زعلت مني لكن حاولت أعوضها ( صحيح لسه ما غيرت وش الفانوس ) لكن دلعتها بشوية إكسسوارات ، وجبت لها سبحة كريستال زرقة وشوية سيديهات قرآن وشوية أغاني ، وربنا يخليلها لي هي عاملة 40000ك .
بالمناسبة - ناس كتير نصحتني أول ما أشترتها أني أدبح لها حاجة بأربع أرجل ووزع على الفقراء وأغسل العجل بدم الدبيحه - هل الكلام دا فيه حاجة صح ، ولا دي عادات ملهاش أساس في الدين من الصحة ؟
هاتلها تورته وطقم بوجيهات
ربنا يباركلك فيها
:)
هازى بازى زي تويو ..عقبال ال 100 سنة ياطنانى باشا و ربنا يباركلك فيها يارب ان شاء الله .....انا بردة اشتريت الاسترا فى 2009 كانت عاملة 115 الف كيلو كانت فابريكا وبنت ناس دلوقتى بقا مابقتش بنت ناس خالص :Oc_sun1[1]:
ايه الحكاية
هو الفسم كله اشترى عربياته فى 2009 و لا ايه
و انت بالصحة و السلامه
عقبال ما 102 سنة با طنانى
وانت كمان يا فادى
:)
يا باشا الف مبروك و عقبال ماتجيب اللى نفسك فيها لو آحلى من الفيكترا ايه
بس لو دى اول عربية تجيبها تبقى ليها طعم تانى خالص
انا اول عربية جبتها من فلوسى مش من فلوس ابويا ربنا يباركلى فيه طبعاً كان يوم مفيش اجمل منه مبدئياً ما كنتش مصدق نفسى و العيال كانوا طيرين من الفرح و صمموا يخرجوا بيها و تانى يوم الصبح صمموا اوديهم المدرسة بيها و كانت فرحتى بيها لا توصف
و جالى فيها سعر اغلى مما اشتريتها بـ5500 جنية ورفضت ابيع
تصدقوا بالله الموضوع ده عملى مشكله فى البيت
اصل افتكرت العربية
و نسيت ان عيد جوازى 1/11
قبلها بيوم
لأ
مش اول عربية
اول عربية جبتها كانت 127 توب المانى
اخويا قلبها على منزل كوبرى فيصل
و لسه متكومه عندى
بعدين جبت لادا 1984 جيش مصفحة ضد الرصاص بجد 1600 سى سى
و بعدين جبت 132 موديل 80 المانى
بعدها جبت البى ام 318 اى زيرو موديل 2001
فقرتنى و بعتها بعد 18 يوم
و رجعت جبت 132 تانى و قعدت معايا لغاية 2005
و جبت بعدها صنى 2005 سوبر صالون يابانى مش مصرى كسر زيرو
عشان كنت صرفت فلوس البى ام فى جوازى
خربت بيتى و بيت اللى بعدى و بيت اللى قبلى
عربية كان وش امها فقر
بعتها
و جبت يوم 2/11/2009 الأوبل دى بالصدفة البحتة
للأسف شاركت متأخر عموما كل سنة وأنت طيب يا طنانى باشا وعيد زواج سعيد ومتنساش إن فادى تاجر وبيسافر كتير فلازم العداد يجرى معاه
الحمد لله
ربنا مرضيش يكتيبى اليهدلة فى السقعة دى
ربنا بيستر برضوا
الأولى يا باشا
مش التانية
ههههههههههه
ياااااااه
سمعت الكلام ده
لغاية لما حفظته
فاهم يا عم سعيد
انا مش ابيض للدرجة دى