نصيحه اخويه اوعى تسمع كلام حد و انت بتركن

فعلا يا جماعه ديه حاجة مستفزة اللي حصل كالتالي جاي بركن تحت البيت و المفروض اني هركن بالطول بين حديدتين و كل يوم بقالي بتاع شهرين بركن فيها و يصادف ان جاري الرخم يكون موجود انا برجع بضهري وبيقولي تعالا فانا بصيت في المرايه و لقيت في المرايه لقيت الحديده قريبه قولت اضمن الف عجلي شمال و اطلع سنه و ارجع لاقيت ده جايلي عند شباك العربيه و بيقولي ارجع ارجع قولتله لأ اضمن اطلع قدام قالي لأ انا واخد بالي قولت ماشي يادوب رجعت يادوب خبطت لاقيته جالي بيقولي حاسب هشتيل الحديده طبعا كان نفسي امسك في زمارة رقبته :10_9_133: بس راجل كبير بقى اعمل ايه و بعديها بيقولي بقى انت المفروض تطلع قدام !!!!!!!!!!!!!!!!!!!!!!!!!!!!!!!!!!!!!!!!! و ترجع سنه سنه و اداني درس في السواقه و انا سمي و موتي حد يعدل عليا و انا طبعا نزلت فاكر انها يادوب في الاكصدام و محصلش حاجة و كانت المفاجأه

http://img11.imageshack.us/img11/762...1102202243.jpg

المفروض من الخبطه دي البويه مكنتش وقعت و هو بصباعه وقعها و انا في العربيه مخدتش بالي

و بعديه المكانيكي بيقولي معلش اصل نظره على قده !!!!!! طب نظرك على قدك متفتيش بقى

كام سؤال بقى قبل اما اطق
..................................

2- ليه ده يحصلي قبل اما والدي يجي بيوم يعني هتعلق من الاخر لأني في الاول والاخر انا اللي غلطان ؟


بجد مش عارف اقول ايه غير حسبي الله و نعم الوكيل

و قدر الله و ماشاء فعل

و نصيحه اخويه اوعى تسمع كلام حد و انت بتركن

........................................
لقد حصلت علي تحذير مصاحب بوقف يوم لمخالفه القاعده 12 من قوانين المنتدي

يرجي مراجعه قوانين المنتدي

7.55م
4/11/2011

مشرف 14 ب

معلش يا عم خالد محدش عارف الخير فين بس الصراحه انا لو فى الموقف ده هقفل الازاز واركن مع نفسى

متزعلش نفسك والحمد لله انها جت على قد كده وبيحصل معايا الموقف ده كتييييييييييير اما بكسفه بقوله يعنى انا مش عندى عنيين اتنين زيك اما بروح معلى الكاسيت لو راجل كبيييير

مين اللي حط الحديتين دول فالشارع؟؟؟؟؟؟؟؟؟؟

هاقولك يا سيدي على الحوار واحده عملت حديدتين بلطجه و اي حد يكلمها تشرشح و بما ان البرج اللي احنا فيه معظمه حريم صحيت مره الصبح لقيت كل الشارع متقفل كل واحد عملوا حديدين و سلسله و اتبقى مكان واحد فضلت سايبه اسبوع لحد اما في يوم اتنرفزت لقيتها راكن عربيه نص نقل قعدت اسبوع راكنه في المكان و قافله مكانه بالسلسله و راكنه بره !!!!!!!!!!!! روحت اول ما طلعت النص نقل روحت حاطط حديده و سلسله عشان عارف ان الحي مش هيعمل حاجة

يعني خلاك تخبط العربيه و كمان قشر البويه بصباعه؟؟؟؟ :majd(4):

مش قادر اقولك غير ربنا يعوض عليك و حسبى الله و نعم الوكيل فى الراجل دا لانه بجد راجل مستفز

طيب لو ابنك بقى مكان الراجل ده حتعمل فيه إيه
نفس الحركة اتعملت معايا من كام يوم بس كان ابنى بيقوم بنفس الدور بتاع الراجل الكبير وطبعا كان فيه خسائر فى الرفرف مع وش فانوس حاجة كده على الماشى بصيت له وقلت له (( إنت كويس يا بنى)) ربنا يكتر من أمثالك

هههههههههه حصلى موقف مشابه من كااااام سنة كدة ... بركن عند حد رايحله وبحضن العربية بجانب حديدتين محجوزين لحد من العمارة وكنت مقدر مسافتهم كويس الاقى بقى بواب العمارة دى بيقولى ارجع ومتخفشى انت بعيد ارجع ارجع وهوب حكت العربية فى جنب الباب الخلفى يمين للأسف وكنت عاوز ابهدله لانى اعتمدت عليه مع انى مش محتاجله .

المهم طلعت للناس اللى كنت رايحلهم وبحكيلهم القصة دى لاقيتهم بيضحكوا سألتهم بتضحكوا ليه كدة قالولى أصل البواب أحول شوية ومبيشوفشى كويس . :majd(4):

انا الحمد له بسوق بقالي اكتر من 10 سنين الحمد لله
المرة الوحيدة اللي سمعت كلام حد وانا بركن حكيت الاكصدام الوراني هههههههههههههههه
تقريبا الناس دي مبتعرفش حاجة ! هما بيحاولوا يساعدونا بس بالطريقة الغلط
ميعرفوش ان المرايات بتقلنا كل اللي احنا عايزينه بكل وضوح وبدون كدب !

يا مرايتي يا مرايتي ههههه يارب ينتهي حوار الحديتين والسلسلة وتتغلظ العقوبة فاقرب وقت لأنه بقي لا يطاق وفي ناس بتضطر انها تعمله وهي عارفة انه مش صح اطلاقا ,,انت عارف ياخالد باشا والله ممكن تكون ساكن في حته فيها اماكن ركنة كتير وتلاقي اللي يعملك حديد والباقي بيقلده وسبحان الله تلاقي الركنة ضاقت عليك مع انك كنت فبراح ربنا يكرمنا بحاكم عادل آمين يارب

اقتباس:

---

المشاركة الأصلية كتبت بواسطة mohssenrashed

يعني خلاك تخبط العربيه و كمان قشر البويه بصباعه؟؟؟؟ :majd(4):

---

تخيل بذمتك مش كنت خبطه بحاجة و خدت في 6 شهور !

اقتباس:

---

المشاركة الأصلية كتبت بواسطة ashraf_ibrahim

انا الحمد له بسوق بقالي اكتر من 10 سنين الحمد لله
المرة الوحيدة اللي سمعت كلام حد وانا بركن حكيت الاكصدام الوراني هههههههههههههههه
تقريبا الناس دي مبتعرفش حاجة ! هما بيحاولوا يساعدونا بس بالطريقة الغلط
ميعرفوش ان المرايات بتقلنا كل اللي احنا عايزينه بكل وضوح وبدون كدب !

---

ده ناس غريبه انا بعد كده هاقفل العربيه و اسيبها في نص الشارع و اقوله مش راكن

اقتباس:

---

المشاركة الأصلية كتبت بواسطة windsofchange

يا مرايتي يا مرايتي ههههه يارب ينتهي حوار الحديتين والسلسلة وتتغلظ العقوبة فاقرب وقت لأنه بقي لا يطاق وفي ناس بتضطر انها تعمله وهي عارفة انه مش صح اطلاقا ,,انت عارف ياخالد باشا والله ممكن تكون ساكن في حته فيها اماكن ركنة كتير وتلاقي اللي يعملك حديد والباقي بيقلده وسبحان الله تلاقي الركنة ضاقت عليك مع انك كنت فبراح ربنا يكرمنا بحاكم عادل آمين يارب

---

و الله فعلا انا عامل الحديدتين دول عند لا اكثرو يوم اما يتشالوا هاقلبها فرح

هات ورا هات ! تعالى على طول ! كمااان ------ تششششششششششش ، أيه خدمة يا فندم - فين الشاي!! - دا اللي حصل معايا في عربيتي القديمة - سايس عربيات مشيت ورا كلامه وخبت العربية اللي ورايا والحمد لله العربيتين محصلهمش حاجة - بس الإكصدام بتاعي أتنى لجوه شوية - ولما نزلت وزعلانه - الراجل قالي معلش هو فين الشاي بتاعي !!! طبعاً أديته ما أنا خوفت لما أرجع ألاقيها مخبوطة عيظ منه لو مبقششتوش .:b4_611:

انا عندى نفس المشكله مع اخويا الكبير
انا كل يوم بركن فى نفس المكان مكان ضيق اوى ولازم احضن العربيه جنب الحيط بحيث المرايه الشمال نخبط فى الحيطه ده لازم فى المكان ده
اخويا فى مره واقف ورا العربيه وعمال يقولى تعال تعالى وهب العربيه اتخبطت فى الحيطه بس الحمد لله مفيش خساير بسيطه اوى خربوش فى الاكصدام

حصلت معايا برضه في ملف ضيق معرفتش اخده قلت ارجع لورا وكان ورايا موتوسيكل
واحد ابن حلال في الشارع معرفش طلعلي منين شغال ارجع ارجع لحد ما لبست في الموتوسيكل والحمد لله كان مركون وصاحبه مش موجود .. كنت هنزل اشتم الراجل بس الدنيا كانت زحمة قمت جاري لبتاع الموتوسيكل يبهدلني :d

احلى حاجه فى الناس دى بتطلع منين مش عارف

اقتباس:

---

المشاركة الأصلية كتبت بواسطة mohammedabdallh

احلى حاجه فى الناس دى بتطلع منين مش عارف

---

ما هو ده اللي مدنني تلاقيه طلعلك زي الخ . . . .

اقتباس:

---

المشاركة الأصلية كتبت بواسطة ashraf_ibrahim

المرايات بتقلنا كل اللي احنا عايزينه بكل وضوح وبدون كدب !

---

مش في الركنة بس .... في كل حاجة .... و عجبي

معلهش تعيش وتاخد غيرها

اقتباس:

---

المشاركة الأصلية كتبت بواسطة No Comment

هههههههههه حصلى موقف مشابه من كااااام سنة كدة ... بركن عند حد رايحله وبحضن العربية بجانب حديدتين محجوزين لحد من العمارة وكنت مقدر مسافتهم كويس الاقى بقى بواب العمارة دى بيقولى ارجع ومتخفشى انت بعيد ارجع ارجع وهوب حكت العربية فى جنب الباب الخلفى يمين للأسف وكنت عاوز ابهدله لانى اعتمدت عليه مع انى مش محتاجله .

المهم طلعت للناس اللى كنت رايحلهم وبحكيلهم القصة دى لاقيتهم بيضحكوا سألتهم بتضحكوا ليه كدة قالولى أصل البواب أحول شوية ومبيشوفشى كويس . :majd(4):

---

هههههههههه جامدة يا ابو حميد :ma:

ههههههههههههههههه
و الله ياما ناس لبستنى

على فكرة أنا على طول وانا بركن لما يطلع لى عامل باركنج ولا حد .. يا اما اتجاهله تماما .. يا اما أقوله لو سمحت اقعد ساكت عشان أعرف أركن.

سايس عمالها معايا
وبصيت لقيت العربية التانية سليمة
خدت العربية ومشيت