الموضوع: ارجو معرفة عقوبة وغرامة تفييم العربية

الفاميه مالهاش غرامه فوريه
بس لو محترم ممكن يدفعك 50 جنيه ويكتبلك فى الوصل اى حاجه
الرسمى يسحب الرخص وتدخل فحص

سحب رخص +ازاله الفاميه+ فحص

المشاركة الأصلية كتبت بواسطة ramyhekal

الفاميه مالهاش غرامه فوريه
بس لو محترم ممكن يدفعك 50 جنيه ويكتبلك فى الوصل اى حاجه
الرسمى يسحب الرخص وتدخل فحص

معلش يا أخي رامي

يعني أنت تقصد لو محترم يتغاضى عن تنفيذ القانون لواحد مخالف القانون !

ما هو ده اللي مخلي الناس تسوق على مزاجها و مفيش أي قانون في البلد اللي أحنا فيها
لو فيه تطبيق للقانون من أول طلوع الرخصة لتطبيق القانون في الشارع
مكناش هانشوف العيال اللي بتعمل غرز و الشمامين اللي بيسوقوا عربيات نقل و الميكروباظ اللي بيقف في أي مكان و خلاص علشان يركب ركاب

أنا شايف ان ضابط شرطة لو شاف مخالفة و عمل عبيط و قلل الغرامة للحد الأدني خصوصا مخالفة معمولة بالتعمد ........ يبقى مش محترم خالص ...بالعكس تماما .
أنا آسف يا أخواني إن كانت لهجة الرد مش خفيفة بس بصراحة السواقة في المحروقة مصر بقت تحرق الأعصاب و بجد الواحد مبقاش طايق يخرج بالعربية و زاد و غطى موضوع سرقة العربيات .

أستاذ عمرو
نصيحة لوجهة الله تعالى ....... أمشي عدل يحتار عدوك فيك .

المشاركة الأصلية كتبت بواسطة tutankhamoun

أستاذ عمرو
نصيحة لوجهة الله تعالى ....... أمشي عدل يحتار عدوك فيك .

كلام حضرتك مظبوط ولا غبار عليه
بس احب اوضح لحضرتك اننا المفروض نتعامل مع كل واحد على حسب ظروفه الخاصه مش على حسب القانون الرسمى يعنى القانون بيمنعنى انى ارخص سلاح علشان انا ملتحى وماليش ترخيص سلاح وبيمنعنى كمان انى احمى اهلى وعرضى ومالى واكون مامن نفسى حتى بحتة حديده اقدر ادافع بيها عن نفسى والقانون كتير منعنى من حاجات الناس كلها بتعملها لسبب بس انى ملتحى وكده انا كافر فى نظر القانون وده التعامل الصحيح معايا يعنى لما ابقى حاطط فيميه فى العربيه علشان حاجات كتير اوى تفيدنى والقانون بيقولك طالما انت مش ظابط او وكيل نيابه او حاجه من دول يبقى رخصتك تتسحب علشان القانون بالله عليك ده يبقى قانون
عارف النبى عليه الصلاة والسلام كان جالس فى المسجد وجاله رجل قاله هل للقاتل توبه قال له نعم وبعدها اتى رجل اخر وقال له هل للقاتل توبه قال له لا
سأله الصحابه عن هذا الاختلاف فى انفس الفتوى فقال الرجل الاول قتل بالفعل ويريد التوبه وندمان على ما فعل اما الرجل التانى سوف يقتل ويسأل عن التوبه بعد القتل فقلت له لا حتى امنع جريمة القتل

المشاركة الأصلية كتبت بواسطة ramyhekal

كلام حضرتك مظبوط ولا غبار عليه


مبدئيا شكرا جزيلا على لهجة الحوار المحترمة يا أستاذ رامي
بس احب اوضح لحضرتك اننا المفروض نتعامل مع كل واحد على حسب ظروفه الخاصه
مفيش في القانون ظروف خاصة و لكن فيه روح القانون


مش على حسب القانون الرسمى يعنى القانون بيمنعنى انى ارخص سلاح علشان انا ملتحى وماليش ترخيص سلاح وبيمنعنى كمان انى احمى اهلى وعرضى ومالى واكون مامن نفسى حتى بحتة حديده اقدر ادافع بيها عن نفسى والقانون كتير منعنى من حاجات الناس كلها بتعملها لسبب بس انى ملتحى
المثال ده بعيد شوية عن مبدأ مخالفة القانون بالعمد خصوصا في حاجة ملهاش أهمية زي الفاميه خصوصا الدارك أو الغامق قوي
وكده انا كافر فى نظر القانون وده التعامل الصحيح معايا يعنى لما ابقى حاطط فيميه فى العربيه علشان حاجات كتير اوى تفيدنى

القانون مش على مقاس كل واحد فينا يا أخي رامي لتفصيله لأفادته الشخصية
القانون مانع الفاميه ..... يبقى الصحيح .... الألتزام بالقانون .
لان لو كل واحد مش عاجبه حاجة في القانون و أتبع هواه ..... أنهارت أركان أي دولة.
والقانون بيقولك طالما انت مش ظابط او وكيل نيابه او حاجه من دول يبقى رخصتك تتسحب علشان القانون بالله عليك ده يبقى قانون

مفيش قانون في مصر بيبيح تركيب فاميه لأعضاء النيابة و الشرطة ولكنه العرف الفاسد ما بين مُطبقين القانون
أكرر ....... لا يوجد قانون في مصر يستثنى أعضاء الشرطة و النيابة من الفاميه
عارف النبى عليه الصلاة والسلام كان جالس فى المسجد وجاله رجل قاله هل للقاتل توبه قال له نعم وبعدها اتى رجل اخر وقال له هل للقاتل توبه قال له لا
سأله الصحابه عن هذا الاختلاف فى انفس الفتوى فقال الرجل الاول قتل بالفعل ويريد التوبه وندمان على ما فعل اما الرجل التانى سوف يقتل ويسأل عن التوبه بعد القتل فقلت له لا حتى امنع جريمة القتل

لازم كل مواطن يخضع للقانون الموضوع في المجتمع الذي يعيش فيه و إلا أصبحنا في غابة
و لما ولي الأمر يقول سرعة الطريق الفلانية 90 فقط يبقى لازم كلنا نلتزم بها
و لما ولي الأمر يقول ممنوع الفاميه يبقى لازم كلنا نلتزم (بما فينا أعضاء الشرطة و النيابة و يجب أن يكونوا أول الملتزمين مش أول المخالفين لأنهم مثال لبقية أعضاء المجتمع )