الموضوع: الماروتى اللى حيلتى بااااااااظت

الحمد لله على كل حال

ربنا يعوض عليك
وتتصلح وترجع أحسن من الأول

الحمد الله ع كل شئ
و الف سلامة عليك و ربنا يعوض عليك ان شاء الله
و متقلقش مش هتكلفك كتيير ان شاء الله
الفوانيس سعرها رخيص
و بالنسبة حكاية الشاسيه حمل ع الباب ده مش الشاسيه ده تلاقيه الرفرف اللي قدام رجع ورا زنق ع الباب
الراجل يعدلهولك متجبش بس سيرة شاسيه قدامه و لا غيره عشان ميعملش فيها ابو العريف و فتح و نصب
كل القصة ديه مش هتاخد منه ساعتين تلاتة عند واحد كويس و يردهالك ع البارد ع حسب شرحلك

المشاركة الأصلية كتبت بواسطة alking_2006

شكرا كتير على الردود الجميلة دى
ربنا يخليكوا و يسترها مع الجميع

و بالنسبة ان الرفرف هو اللى زنق
لا انا اتأكدت بنفسى علشان انا فتحت الشنطة و كان فيه خشبة كدا بتتحط فوق الاستبن و بتدخل مرتاحة فى مكانها

دلوقتى الخشبة دى مش عايزة تدخل فى مكانها علشان مكانها ضاق من التحميله
اول ما بتفتح الشنطة بتلاقى فوق الاكصدام على طول شفه صاج بالعرض من جوا الشنطة
الشفه دى هى اللى اتعوجت و الحمد لله

بالنسبة للفوانيس كلها على بعض حوالى 250 جنيه

و بالنسبة للعربية انا هرشها كلها علشان كذا مره تتخبط و اسمكر على البارد فبقى منظرها وحش اوى

يا ريت حد يفيدنى فى ثمن رش الماروتى من الخارج بالكامل بصرف النظر عن السمكره

انا فاكرك بتكلم ع اللي الرفرف اللي قدام بالنسبة الجزء اللي ورا برده امره بسيط ان شاء الله
اما الرش فبصراحة مش عارف التكلفة هتكون في حدود كام دلوقتي بس عامة لو فرن هتبقي اغلي من اليدوي بس اولا واضح انك هترش نضافة و عربياتنا صغيرة يعني مش هتكلف اوي يعني في اعتقادي المفروض متعديش 1000
و حاول تشوف صنايعي محترم و عنده ضمير و شاطر و ناس عملت شغل عنده
و قبل ما يعملك حاجة خليه يكتبلك ورقة بكل اللي هتحتاجه و شوف هتكلف كام يعني البوية اد ايه و خلافه
و اعتفد افضل نوع بوية كابسي و الله اعلم

و شوف الحوار ده عند كذا واحد كويس

و بالتوفيق ان شاء الله