ايه رأيكم في المعاهد العليا الخاصة للهندسة ؟ ليها لازمة و هل تعادل بكالريوس الهندسة

**ahmad--ezzat** · 03-11-2011 12:49 PM

المعادله يعنى معترف بيها فى النقابه ولا لا
اكاديميه القاهره الجديده دى كلها صيع مع احترامى للى فيها
تجمعات من الشباب اللى رايح يهزر والبنات اللى من غير هدوم :)
انا دخلتها مره...بالظبط بالظبط مركز شباب
تعليم اى كلام
والنجاح بسهوله جدا جدا
انا واحد صحبى كان فيها نظم ومعلومات ونجح من غير مايفتح كلمه وهو اصلا مستواه التعليمى مش اوى 60 فى الميه ثانويه عامه
الله يخربيت نظام الساعات المعتمده دة

**ehab_mansour** · 03-11-2011 01:12 PM

المشاركة الأصلية كتبت بواسطة ahmed_nubira

المعادله يعنى معترف بيها فى النقابه ولا لا
اكاديميه القاهره الجديده دى كلها صيع مع احترامى للى فيها
تجمعات من الشباب اللى رايح يهزر والبنات اللى من غير هدوم :)
انا دخلتها مره...بالظبط بالظبط مركز شباب
تعليم اى كلام
والنجاح بسهوله جدا جدا
انا واحد صحبى كان فيها نظم ومعلومات ونجح من غير مايفتح كلمه وهو اصلا مستواه التعليمى مش اوى 60 فى الميه ثانويه عامه
الله يخربيت نظام الساعات المعتمده دة

جميل اهو ده اللي انا عايز أوصله وده كان رأيي ان مش كل المعاهد دي بتخرج ناس تنفع في الحاة العملية ومع معرفتي ان الدراسة شيء و الحياة العملية شيء أخر ولكن دراسة الكلية بالنسبة للمهندس هي عبارة قاعده أساسية للهندسة عموما و الباقي هو الخبرات العملية و التي لا تأتي سوي بالاحتكاك العملي

علي فكرة انا كمان دخلته مرة واحده من اسبوعين وفعلا زي محضرتك حكيت بالضبط حسيت اني دخلت مكان غلط مش هو ده أبدا اللي يخرج مهندس يعتمد عليه خاصة وان المتقدم كان ابن أخي الأكبر فمش ممكن أسيبه يروح هناك لأنه أكيد هيفشل أخلاقيا في هذا الوسط
وموضوع معترف بيه في النقابة فدي دعاية كلهم بيقولوها ولكن لما يتخرج ؟؟؟؟؟؟؟ الله اعلم
وكمان حال البلد أكيد هيختلف كثيرا في كل شيء الفترة القادمة و يا عالم وقتها هيكون موقف الحاجات دي ايه

**ehab_mansour** · 03-11-2011 01:17 PM

المشاركة الأصلية كتبت بواسطة نور القمر

على حسب المكام وعلى حسب الشخص نفسه
على سبيل المثال اكاديمية طيبة ليا فيها 2 قرايبي
واحد عمارة هو مجتهد وماشي حاله لكن خليته يرسم لي رسمة لفيلا البلد والله ميرسمهاش عيل في اعدادي موهوب
انا رسمتها بنفسي ووريها لمهندسين اشادوا بيها
اخوه نظم ومعلومات ونجح سنتين هو تالتة دلوقت ميعرفش كلمة في الانجليزي ولا يعرف يفك قوس تربيع
زوجي مهندس شاف كتب المعاهد الخاصة بيقول ميجيش واحد على عشرة من اللي درسه
نفس الكلام قاله ناس تانية خريجين حاسابات ومعلومات على المعاهد المناظرة
لكن في اماكن زي معهد العاشر والشروق الناس بتشكر فيهم وكنت عاملة موضوع بسأل عن المعاهد دي ممكن يفيد
http://www.nilemotors.net/nile/233894-a.html

جزاكم الله خيرا علي الموضوع ده و نقل المعلومات دي

**saadelden** · 03-11-2011 02:47 PM

انا هاتكلم علي المعاهد و الجامعات الي اعرفها و اصحابي فيها

فيه معاهد قويه زي معهد العاشر كتير بيتخرجو منه و بيتعينو في شركات البترول
و معهد الشروق مستواه كويس بالنسبه لمدني و ميكانيكا

واحد صاحبي كان فيه جامعه سينا الي في العريش و سابها و راح جامعه اكتوبر لانهم تقريبا مابياخدوش حاجه و بينجحوهم و تعتبر بيزنس اكتر ماهي تعليم
جامعه اكتوبر مستواها كويس بس معرفش حد اتخرج منها لسه

انا بدرس في اكاديمية طيبة هندسه معماري و الوضع عندنا كالتالي
فيه جزء من الطلاب جايه عشان تتعلم و تاخد شهاده كويسه و تشتغل بيها
و الجزء التاني داخلها عشان اما يتخرج يبقى اسمه مهندس و معاه شهاده

ميزه الدفعه بتاعتي (دفعة سنة الفراغ ) ان معظمهم اما مخلصين كليه و رجع يدرس و يحسن مستواه
او كان في كليه تانيه و حول منها (زي حالاتي .كنت في علوم عين شمس) و بردو ياخد شهاده احسن و يبقى مستواه احسن

الميزه بردو الي اخدتها ان المجموعه بتاعتي كانت 120 طالب بس مش زي الحكومه بيبقى عدد كبير قاعدين فوق بعض
ف المتابعه سواء من الدكتور او المعيدين احسن بكتير من الحكومه و كل محاضره او محاضرتين فيه شيت بيتقدم او لوح بتتقدم و هكذا

ف قسم عماره احنا معتمدين علي المراجع في مواد الرسم و التصميم
الدكتور اول كلمه قالها عايز بحث عن كذا و هاتشتغلو بيه و من المراجع الفلانيه

الي بيدور علي مراجع و يشتغل بيها علي طول و يذاكر اول بأول و يحاول ينمي نفسه بيبقى مستواه كويس
غير الي داخل عشان ياخد كلمتين و يرصهم في الامتحان و ينجح بمقبول

ناس كتير اعرفهم اتخرجو السنادي و الي قبلها و شغالين في مكاتب كبيره و فيه منهم الي سافرو برا و فيه الي اتعينو معيدين

بس الرك علي الطالب في الاول و الاخر
بس بالنسبه لطيبه اكاديمي فيه اقسام كويسه و اقسام ضعيفه
الاقسام الكويسه و معتمده هي عماره و اتصالات
و فيه حاسبات بس قسم ضعيف شويه
و مدني قسم لسه جديد بس اتحسن مستواه عن السنين الي فاتو

**eng_volto** · 03-11-2011 03:40 PM

معهد الشروق مستواه كويس بالنسبه لمدني و ميكانيكا

مفيش ميكانيكا فى الشروق

**Ralliart** · 03-11-2011 05:27 PM

من وجهة نظري الجامعات الخاصة ممكن تكون شغالة وبتدي علم وبتطلع ناس بتفهم لكن المعاهد العجيبة زي نيو كايرو ده مستحيل تخرج مهندس كويس لاني شفت منهج اكاديمية نيو كايرو (واحد صاحبي داخلها ب75%) ومناهجهم قمة في التفاهة وميعرفوش يصممو عشة فراخ
مع احترامي ليهم هما آخرهم يقفو تنفيذ ودا اي حد بيتعلمه لكن تصميم مستحييييييل دول بيدرسو قشور القشور
بس اعرف ان معهد العاشر مستواه كويس

المشاركة الأصلية كتبت بواسطة saadelden

الميزه بردو الي اخدتها ان المجموعه بتاعتي كانت 120 طالب بس مش زي الحكومه بيبقى عدد كبير قاعدين فوق بعض
ف المتابعه سواء من الدكتور او المعيدين احسن بكتير من الحكومه و كل محاضره او محاضرتين فيه شيت بيتقدم او لوح بتتقدم و هكذا

قالولك كده !!
عموماً قسم مدني هو اكبر قسم في هندسة القاهرة والسكشن 34 واحد والمجموعة حوالي 200 بس المدرجات عملاقة ومش بنعد فوق بعض انا عن نفسي غالباً بقعد في بنج لوحدي !!
والمعيدين بيتابعونا عالفيس بوك واحنا قاعدين في بيوتنا وفي شيتات بتتسلم كاد واكسل اونلاين كمان!
مش اي حاجة تتقالك تصدقها يا بشمهندس

**amr100** · 03-11-2011 05:53 PM

اهم شيء غير المستوى ان تكون الشهادة متعادلة من المجلس الاعلى للجامعات علشان لو اتخرجت والشهادة مش متعادلة كانك لسه في ثانوية عامة والنقابة مش هتعترف بالشهادة علشان المتخرجين من معهد العاشر من رمضان فرع المنيا الشهادة متعادلتش ومدخلوش الجيش السنة دي
المعهد في الاول كان تبع معهد العاشر الله يسامحةصاحب المعهد كان ابن عم سوزان مبارك فصله عن المعهد العاشر فاصبح غير معادل ادي اخرة البيزنس انا ابن خالي معهد المنيا وهنقله لمعهد العاشر علشان الشهادة تبقى معترف بيها وارجع اقولكم تاني اتاكدوا من النقابة ومن المجلس الاعلى للجامعات ومدى اعترافهم بيها

**أبو صلاح** · 03-11-2011 06:17 PM

المشاركة الأصلية كتبت بواسطة amr100

اهم شيء غير المستوى ان تكون الشهادة متعادلة من المجلس الاعلى للجامعات علشان لو اتخرجت والشهادة مش متعادلة كانك لسه في ثانوية عامة والنقابة مش هتعترف بالشهادة

ده الي كنت داخل اقوله

وتقدر تعرف قرار المعادلة من الكتاب اللي بيتوزع على الطلبة مع اوراق التنسيق
بيبقى في كتاب مخصص للمعاهد الخاصة بيوضح عنوانه والتخصصا اللي فيه وغذا كان ليه قرار معادلة او ملوش

-

الموضوع: ايه رأيكم في المعاهد العليا الخاصة للهندسة ؟ ليها لازمة و هل تعادل بكالريوس الهندسة

LinkBack

أدوات الموضوع

عرض

-

-

-

-

-

المواضيع المتشابهه

سؤال بخصوص المعاهد الخاصه

افضل كليات الهندسة في الجامعات الخاصة

أية رأيكم فى الفيات 124 لأنى شوفت أعلان عجبنى ليها

مرايه الجنب-هيا ليها لازمة !!!!!!

بخصوص الهندسة الخاصة

الكلمات الدلالية لهذا الموضوع

المفضلات

المفضلات

ضوابط المشاركة