ايه رأيكم في المعاهد العليا الخاصة للهندسة ؟ ليها لازمة و هل تعادل بكالريوس الهندسة

السلام عليكم اخواني و احبابي في نايل موتورز
كل عام وأنتم جميعا بخير و ربنا يتقبل منا جميعا صالح الأعمال في هذه الأيام المباركة

عندي سؤال محيرني بقاله فترة وهو
هل المعاهد العليا الخاصة اللي بمصروفات و المنتشرة بمحافظات مصر كويسة و الخريجين منها بيشتغلو ولا ايه نظامها
هل الدراسة فيها فعلا تعادل الدراسة في كلية الهندسة ؟
هل بالفعل بتقبلهم نقابة المهندسين و بيحملو كارنيه نقابة زينا و بيمارسو نفس أعمال المهندسين خريجي الجامعات الحكومية ؟

ياريت اللي عنده معلومة يفيدني لأني شغال في مجال الهندسة بقالي 7 سنوات و مقبلتش حد من خريجي المعاهد دي في حياتي العملية !!!!!!
و لو جت فرصه مثلا لحد قريبي انه يدخل معهد خاص و بيسألني أقول له ايه ؟
وياريت لو حد متخرج منها يعرفنا ايه النظام
وجزاكم الله خيرا

هو اصلا فى حد بقى حكومه دلوقتى !!!!!!

اقتباس:

---

المشاركة الأصلية كتبت بواسطة ahmed_nubira

هو اصلا فى حد بقى حكومه دلوقتى !!!!!!

---

أنا حكومة ودفعت مصاريف السنة دي 223 جنيه بالتمام والكمال

اقتباس:

---

المشاركة الأصلية كتبت بواسطة ahmed_nubira

هو اصلا فى حد بقى حكومه دلوقتى !!!!!!

---

يعني ايه ؟؟؟؟؟؟
امال الجامعات اللي معظمنا اتخرج منها و اللي مليانة ناس دي راحت فين ؟

اقتباس:

---

المشاركة الأصلية كتبت بواسطة yoko

أنا حكومة ودفعت مصاريف السنة دي 223 جنيه بالتمام والكمال

---

اهه موجود اهه و هيتخرج قريبا ان شاء الله و من جامعه حكومية

انا خريج جامعه حكوميه وشغال بقالي 13 سنه وكنت ف الاول واخد موقف من خريجي المعاهد العليا والجامعات الخاصه وبعتبرهم دخلاء او ما ينفعوش ولكن من احتكاكي بكتير منهم في الحياة العمليه لقيت فيهم مهندسين مستواهم اقوى بكتير من مهندسين خريجي جامعات حكوميه
يبقى المقياس الشاب نفسه لو عنده استعداد كويس انه يتعلم ويكون حاجه مفيده هيبقى مهندس كويس سواء من جامعه حكوميه او خاصه ولو معندوش استعداد وعايز يقضيها ورق وشهادات وخلاص هيبقى سئ جدا حتى لو متخرج من اعرق جامعه في مصر
نقطه صغيره تانيه المفروض الحكومه والمجتمع الاتنين يشجعوا الجامعات الخاصه والتعليم الخاص عموما علشان هوا ده الي هيكون عنده نقطة البدايه لاصلاح منظومة التعليم في مصر اللي هيا واقعه تماما سواء حكومه او خاص

الجامعات والمعاهد الخاصه كترت وانتشرت جدا جدا واعتقد من وجهه نظرى ان الحكومه اقل منهم حاليا
هندسه العاشر والشروق مستواهم كويس وبيخرجوا ناس كويسه جدا بالاضافه لجامعه مصر الدوليه والعبور ومودرن و و و
انا خريج القاهره 2009 ومعايا مهندسين كتير معاهد عليا وكلنا مستوى واحد
انا معرفش بالظبط نظام التدريس بيبقى ازاى فى الخاص
انما اللى متأكد منه ان انا واحد من الناس الدراسه مفادتنيش فى الشغل اوى
الشغل محتاج خبره

حسب التخصص ... فى معاهد عملت اسم فى تخصصات كتير بس عن نفسى فى تخصصى (الكترونيات) لسه مفيش حاجه خاصه عملت سمعه

طيب يا جماعه في معهد يسمي معهد القاهرة العالي للهندسة في التجمع الخامس ايه نظامه ده ؟

اقتباس:

---

المشاركة الأصلية كتبت بواسطة ehab_mansour

طيب يا جماعه في معهد يسمي معهد القاهرة العالي للهندسة في التجمع الخامس ايه نظامه ده ؟

---

كايرو اكاديمى دى تعبانه اوى :ma: كتعليم
هى معاها معادله ؟

اقتباس:

---

المشاركة الأصلية كتبت بواسطة ahmed_nubira

كايرو اكاديمى دى تعبانه اوى :ma: كتعليم
هى معاها معادله ؟

---

مش فاهم يعني ايه معادله؟

علي العموم انا رحت هناك وكان واحد قريبي عايز يقدم فيه و رفضت وخليته يقدم في كلية الدعوة في الأزهر أفضل لأنه ثانوية أزهرية و كان المعهد ده أخر حاجه قبلت بيه وكانت أقل حاجه في التنسيق و كمان لو حب يحول مش بيوافقو ولو وافقو انه يحول لمعهد كويس بيسقطوه في مادتين عشان ميعرفش يروح قسم كويس

يعني حوارات كده حسيت منها انه ربع كم من نص حتي و مافيش حد بيحضر هناك أصلا واي كلام في الدراسة وده من كلام ناس فيه

المعادله يعنى معترف بيها فى النقابه ولا لا
اكاديميه القاهره الجديده دى كلها صيع مع احترامى للى فيها
تجمعات من الشباب اللى رايح يهزر والبنات اللى من غير هدوم :)
انا دخلتها مره...بالظبط بالظبط مركز شباب
تعليم اى كلام
والنجاح بسهوله جدا جدا
انا واحد صحبى كان فيها نظم ومعلومات ونجح من غير مايفتح كلمه وهو اصلا مستواه التعليمى مش اوى 60 فى الميه ثانويه عامه
الله يخربيت نظام الساعات المعتمده دة

اقتباس:

---

المشاركة الأصلية كتبت بواسطة ahmed_nubira

المعادله يعنى معترف بيها فى النقابه ولا لا
اكاديميه القاهره الجديده دى كلها صيع مع احترامى للى فيها
تجمعات من الشباب اللى رايح يهزر والبنات اللى من غير هدوم :)
انا دخلتها مره...بالظبط بالظبط مركز شباب
تعليم اى كلام
والنجاح بسهوله جدا جدا
انا واحد صحبى كان فيها نظم ومعلومات ونجح من غير مايفتح كلمه وهو اصلا مستواه التعليمى مش اوى 60 فى الميه ثانويه عامه
الله يخربيت نظام الساعات المعتمده دة

---

جميل اهو ده اللي انا عايز أوصله وده كان رأيي ان مش كل المعاهد دي بتخرج ناس تنفع في الحاة العملية ومع معرفتي ان الدراسة شيء و الحياة العملية شيء أخر ولكن دراسة الكلية بالنسبة للمهندس هي عبارة قاعده أساسية للهندسة عموما و الباقي هو الخبرات العملية و التي لا تأتي سوي بالاحتكاك العملي

علي فكرة انا كمان دخلته مرة واحده من اسبوعين وفعلا زي محضرتك حكيت بالضبط حسيت اني دخلت مكان غلط مش هو ده أبدا اللي يخرج مهندس يعتمد عليه خاصة وان المتقدم كان ابن أخي الأكبر فمش ممكن أسيبه يروح هناك لأنه أكيد هيفشل أخلاقيا في هذا الوسط
وموضوع معترف بيه في النقابة فدي دعاية كلهم بيقولوها ولكن لما يتخرج ؟؟؟؟؟؟؟ الله اعلم
وكمان حال البلد أكيد هيختلف كثيرا في كل شيء الفترة القادمة و يا عالم وقتها هيكون موقف الحاجات دي ايه

على حسب المكام وعلى حسب الشخص نفسه
على سبيل المثال اكاديمية طيبة ليا فيها 2 قرايبي
واحد عمارة هو مجتهد وماشي حاله لكن خليته يرسم لي رسم تصميمي لفيلا البلد والله ميرسمهاش عيل في اعدادي موهوب
انا رسمتها بنفسي ووريتها لمهندسين اشادوا بيها وصممناها هي
اخوه نظم ومعلومات ونجح سنتين هو تالتة دلوقت ميعرفش كلمة في الانجليزي ولا يعرف يفك قوس تربيع
زوجي مهندس شاف كتب المعاهد الخاصة بيقول ميجيش واحد على عشرة من اللي درسه
نفس الكلام قاله ناس تانية خريجين حاسابات ومعلومات على المعاهد المناظرة
لكن في اماكن زي معهد العاشر والشروق الناس بتشكر فيهم وكنت عاملة موضوع بسأل عن المعاهد دي ممكن يفيد
http://www.nilemotors.net/Nile/233894-a.html

اقتباس:

---

المشاركة الأصلية كتبت بواسطة نور القمر

على حسب المكام وعلى حسب الشخص نفسه
على سبيل المثال اكاديمية طيبة ليا فيها 2 قرايبي
واحد عمارة هو مجتهد وماشي حاله لكن خليته يرسم لي رسمة لفيلا البلد والله ميرسمهاش عيل في اعدادي موهوب
انا رسمتها بنفسي ووريها لمهندسين اشادوا بيها
اخوه نظم ومعلومات ونجح سنتين هو تالتة دلوقت ميعرفش كلمة في الانجليزي ولا يعرف يفك قوس تربيع
زوجي مهندس شاف كتب المعاهد الخاصة بيقول ميجيش واحد على عشرة من اللي درسه
نفس الكلام قاله ناس تانية خريجين حاسابات ومعلومات على المعاهد المناظرة
لكن في اماكن زي معهد العاشر والشروق الناس بتشكر فيهم وكنت عاملة موضوع بسأل عن المعاهد دي ممكن يفيد
http://www.nilemotors.net/nile/233894-a.html

---

جزاكم الله خيرا علي الموضوع ده و نقل المعلومات دي

بالنسبه للنقابه ممكن تسأل هناك لو حددت المعاهد اللى ممكن يروحها و تشوف اذا كانت معتمده ولا لأ

انا هاتكلم علي المعاهد و الجامعات الي اعرفها و اصحابي فيها

فيه معاهد قويه زي معهد العاشر كتير بيتخرجو منه و بيتعينو في شركات البترول
و معهد الشروق مستواه كويس بالنسبه لمدني و ميكانيكا

واحد صاحبي كان فيه جامعه سينا الي في العريش و سابها و راح جامعه اكتوبر لانهم تقريبا مابياخدوش حاجه و بينجحوهم و تعتبر بيزنس اكتر ماهي تعليم
جامعه اكتوبر مستواها كويس بس معرفش حد اتخرج منها لسه


انا بدرس في اكاديمية طيبة هندسه معماري و الوضع عندنا كالتالي
فيه جزء من الطلاب جايه عشان تتعلم و تاخد شهاده كويسه و تشتغل بيها
و الجزء التاني داخلها عشان اما يتخرج يبقى اسمه مهندس و معاه شهاده

ميزه الدفعه بتاعتي (دفعة سنة الفراغ ) ان معظمهم اما مخلصين كليه و رجع يدرس و يحسن مستواه
او كان في كليه تانيه و حول منها (زي حالاتي .كنت في علوم عين شمس) و بردو ياخد شهاده احسن و يبقى مستواه احسن

الميزه بردو الي اخدتها ان المجموعه بتاعتي كانت 120 طالب بس مش زي الحكومه بيبقى عدد كبير قاعدين فوق بعض
ف المتابعه سواء من الدكتور او المعيدين احسن بكتير من الحكومه و كل محاضره او محاضرتين فيه شيت بيتقدم او لوح بتتقدم و هكذا


ف قسم عماره احنا معتمدين علي المراجع في مواد الرسم و التصميم
الدكتور اول كلمه قالها عايز بحث عن كذا و هاتشتغلو بيه و من المراجع الفلانيه

الي بيدور علي مراجع و يشتغل بيها علي طول و يذاكر اول بأول و يحاول ينمي نفسه بيبقى مستواه كويس
غير الي داخل عشان ياخد كلمتين و يرصهم في الامتحان و ينجح بمقبول

ناس كتير اعرفهم اتخرجو السنادي و الي قبلها و شغالين في مكاتب كبيره و فيه منهم الي سافرو برا و فيه الي اتعينو معيدين

بس الرك علي الطالب في الاول و الاخر
بس بالنسبه لطيبه اكاديمي فيه اقسام كويسه و اقسام ضعيفه
الاقسام الكويسه و معتمده هي عماره و اتصالات
و فيه حاسبات بس قسم ضعيف شويه
و مدني قسم لسه جديد بس اتحسن مستواه عن السنين الي فاتو

اقتباس:

---

معهد الشروق مستواه كويس بالنسبه لمدني و ميكانيكا

---

مفيش ميكانيكا فى الشروق

من وجهة نظري الجامعات الخاصة ممكن تكون شغالة وبتدي علم وبتطلع ناس بتفهم لكن المعاهد العجيبة زي نيو كايرو ده مستحيل تخرج مهندس كويس لاني شفت منهج اكاديمية نيو كايرو (واحد صاحبي داخلها ب75%) ومناهجهم قمة في التفاهة وميعرفوش يصممو عشة فراخ
مع احترامي ليهم هما آخرهم يقفو تنفيذ ودا اي حد بيتعلمه لكن تصميم مستحييييييل دول بيدرسو قشور القشور
بس اعرف ان معهد العاشر مستواه كويس

اقتباس:

---

المشاركة الأصلية كتبت بواسطة saadelden

الميزه بردو الي اخدتها ان المجموعه بتاعتي كانت 120 طالب بس مش زي الحكومه بيبقى عدد كبير قاعدين فوق بعض
ف المتابعه سواء من الدكتور او المعيدين احسن بكتير من الحكومه و كل محاضره او محاضرتين فيه شيت بيتقدم او لوح بتتقدم و هكذا

---

قالولك كده !!
عموماً قسم مدني هو اكبر قسم في هندسة القاهرة والسكشن 34 واحد والمجموعة حوالي 200 بس المدرجات عملاقة ومش بنعد فوق بعض انا عن نفسي غالباً بقعد في بنج لوحدي !!
والمعيدين بيتابعونا عالفيس بوك واحنا قاعدين في بيوتنا وفي شيتات بتتسلم كاد واكسل اونلاين كمان!
مش اي حاجة تتقالك تصدقها يا بشمهندس

اهم شيء غير المستوى ان تكون الشهادة متعادلة من المجلس الاعلى للجامعات علشان لو اتخرجت والشهادة مش متعادلة كانك لسه في ثانوية عامة والنقابة مش هتعترف بالشهادة علشان المتخرجين من معهد العاشر من رمضان فرع المنيا الشهادة متعادلتش ومدخلوش الجيش السنة دي
المعهد في الاول كان تبع معهد العاشر الله يسامحةصاحب المعهد كان ابن عم سوزان مبارك فصله عن المعهد العاشر فاصبح غير معادل ادي اخرة البيزنس انا ابن خالي معهد المنيا وهنقله لمعهد العاشر علشان الشهادة تبقى معترف بيها وارجع اقولكم تاني اتاكدوا من النقابة ومن المجلس الاعلى للجامعات ومدى اعترافهم بيها

اقتباس:

---

المشاركة الأصلية كتبت بواسطة amr100

اهم شيء غير المستوى ان تكون الشهادة متعادلة من المجلس الاعلى للجامعات علشان لو اتخرجت والشهادة مش متعادلة كانك لسه في ثانوية عامة والنقابة مش هتعترف بالشهادة

---

ده الي كنت داخل اقوله

وتقدر تعرف قرار المعادلة من الكتاب اللي بيتوزع على الطلبة مع اوراق التنسيق
بيبقى في كتاب مخصص للمعاهد الخاصة بيوضح عنوانه والتخصصا اللي فيه وغذا كان ليه قرار معادلة او ملوش

ده موقع النقابه هتلاقى على الشمال تحت كلمه دليل و لجان
دليل الجامعات المقيده ادخل عليها هتلاقى فيها الجامعات الخاصه الموجوده فى النقابه
الموقع الرسمى للنقابة العامة للمهندسين ,ن
و انا خريج معهد العاشر دفعه 2011 لو فى اى سؤال تحت امرك

يان بالجامعات والمعاهد الخاصة المقيدة بالنقابة
1
المعهد العالي للتكنولوجيا بالعاشر من رمضان
26
الجامعة البريطانية بمصر
2
المعهد العالي للهندسة المعمارية وتكنولوجيا إدارة الأعمال بمدينة 6 أكتوبر
27
المعهد العالى للتكنولوجيا - جامعة بنها
3
جامعة أكتوبر للعلوم الحديثة والآداب
28
معهد كيما العالى للتكنولوجيا بأسوان
4
جامعة مصر الدولية
29
المعهد العالى للطاقة بأسوان - جامعة جنوب الوادى
5
الجامعة الأمريكية
30
معهد القاهرة العالى للحاسب والمعلومات والإدارة
6
الأكاديمية العربية للعلوم والتكنولوجيا والنقل البحري بالإسكندرية
31
المعهد العالى للهندسة والتكنولوجيا بالتجمع الخامس
7
معهد العبور العالي للهندسة والتكنولوجيا
32
المعهد العالى للهندسة والتكنولوجيا بالعريش
8
المعهد العالي للهندسة بمدينة 6 أكتوبر

9
المعهد العالى للهندسة بمدينة الشروق

10
معهد الإسكندرية العالي للتكنولوجيا (بسموحة)

11
جامعة السادس من أكتوبر بمدينة 6 أكتوبر

12
معهد هندسة وتكنولوجيا الطيران إمبابة

13
جامعة مصر للعلوم والتكنولوجيا

14
الأكاديمية الحديثة للهندسة والتكنولوجيا بالمعادى

15
معهد طيبة العالى للهندسة

16
أكاديمية أخبار اليوم 6 أكتوبر

17
المعهد العالي للهندسة المدنية والمعمارية بمدينة 15 مايو

18
الجامعة الألمانية بالقاهرة

19
الجامعة الفرنسية بالقاهرة

20
المعهد الكندي للتكنولوجيا والهندسة والإدارة

21
معهد مصر العالي للهندسة والتكنولوجيا بالمنصورة

22
معهد ليوناردودافنشى

23
المعهدالعالى للهندسة والتكنولوجيا بالقليوبية
24
المعهد العالى للهندسة والتكنولوجيا بكفر الشيخ
25
الجامعة الحديثة للتكنولوجيا والمعلومات

العاشر ممتاز فى مجال هندسة باشاده ناس كثيرة جدااا

انا جامعة حكومية فى فنون جميلة فسم عمارة بدرس 5 سنين عمارة مش 4 سنين ( اعدادى هندسة عندنا جواها مواد عمارة و شايلين بعض الهلك بتاع اعدادى هندسة العادى )

جزاكم الله خيرا جميعا علي المعلومات الهامة
وربنا يبارك فيكم وكل عام وانتم بخير بمناسبة عيد الأضحي المبارك

بص فى معاهد بتكون معتمدة من الوزارة واللى بيتخرخ منها بيتخرج ببكالوريس هندسة زيه زى بتاع الجامعة الحكومية وبعض المعاهد بيكون معتمد من النقابة وخلى بالك ان اللى بيتخرج من معظم المعاهد العليا ممكن يكون مستواها أحسن من اللى متخرج من جامعة حكومى لانه بيتلقى مستوى تعليم أفضل .

اقتباس:

---

المشاركة الأصلية كتبت بواسطة eng_volto

مفيش ميكانيكا فى الشروق

---

تمام انا اتلخبط بينه و بين العاشر
العاشر الي فيه ميكانيكا و بيقبلوهم في شركات البترول الي بيجيب مجموع عالي
لان ميزته ان الدراسه عملي اكتر من النظري

اقتباس:

---

المشاركة الأصلية كتبت بواسطة ralliart

من وجهة نظري الجامعات الخاصة ممكن تكون شغالة وبتدي علم وبتطلع ناس بتفهم لكن المعاهد العجيبة زي نيو كايرو ده مستحيل تخرج مهندس كويس لاني شفت منهج اكاديمية نيو كايرو (واحد صاحبي داخلها ب75%) ومناهجهم قمة في التفاهة وميعرفوش يصممو عشة فراخ
مع احترامي ليهم هما آخرهم يقفو تنفيذ ودا اي حد بيتعلمه لكن تصميم مستحييييييل دول بيدرسو قشور القشور
بس اعرف ان معهد العاشر مستواه كويس

قالولك كده !!
عموماً قسم مدني هو اكبر قسم في هندسة القاهرة والسكشن 34 واحد والمجموعة حوالي 200 بس المدرجات عملاقة ومش بنعد فوق بعض انا عن نفسي غالباً بقعد في بنج لوحدي !!
والمعيدين بيتابعونا عالفيس بوك واحنا قاعدين في بيوتنا وفي شيتات بتتسلم كاد واكسل اونلاين كمان!
مش اي حاجة تتقالك تصدقها يا بشمهندس

---

والله يا فندم انا كنت في علوم عين شمس و دا الي كان بيحصل عندنا
مفيش شيتات و المعامل خلصانه و معظم الدكاتره بيدخلو المحاضره و يرمي الكلمتين و يمشي
مانكرش ان كان فيه ناس محترمه جدا و علي درجه كبيره من العلم
لكن دي السمه الي كانت غالبه

بالنسبه للتعليم الحكومي انا ماقولتش انه وحش و مش نافع
لكن التعليم الخاص مش وحش بالطريقه الي الناس متخيلاها
المشكله في الطالب نفسه