عفريت فى الفليشيا... مش مصدق ... طيب ادخل وشوف
انا عربيتى مسكونة يا جماعة
يجعل كلامنا خفيف عليها ... هيا فليشيا 2000 انجكشن
امبارح قلت اروح احميها واغسلها فوق وتحت ومن الجهات الاصلية كلها
فالمهم رفع العربية وضرب المسدس وقعد يغسل ويرش جاز لحد ما بقت فلة
نزلناها ... ونشف بالهوا اكتر من ربع ساعة لحد بجد مفيش نقطة مياه
وندور ... دارت وبالظبط 5 متر والعفريت صحى
ندور .. مش عاوزة تدور
ولانه عفريت غلس بقي يعمل حاجات غريبة تجننى
يعنى مثلا احط المفتاح فى الكونتاكت وانور التابلوه الاقي الار بي ام ينط على 7.50 كانها دايرة سلانسيه وهيا واقفة ... اه وربنا وهيا واقفة
وتم عمل الاتى :-
1 - تبديل الموبينة ... والعيب مش منها
2 - تبديل حساس الكرنك ... والعيب مش منه
3- تبديل كتاوتات العربية (كتاوت الطرمبة والكتاوت العمومي ) ... والعيب مش منهم
4 - تنظيف جميع الحساسات (حساس الهوا - حساس الكرنك - حساس النوك - حساس المرشدير - حساسا الكسجين ) ... والعيب مش منها
5 - تنظيف البوابة بالدابليو فورتى وتنظيفها بالهوا وبقت فلة ... والعيب مش منها
6 - طرمبة البنزين شغالة وبترمى بنزين تمام ... والعيب مش منها
المهم العربية مشيت بعد كده وقالولى هاتسخن وتنشف وتبقي تمام ... مشيت بيها 50 كيلو وبرضه بتقطع وتنتش وازود بنزين تبطل ومكتومة وحاجة تقرف
الملاحظات :-
1 - المروحة بتشتغل والعربية باردة والغريب بقي انى شلت فيشة الترموستات بتاعها ولسه شغال ... وربنا العفريت ده برنس مش كده
2 - العربية بتكون ماشية كويس ازودلها بنزين يجيلها صرع وتبطل وتتكتم
ياجماعة عيبها ايه او اللى يعرف شيخ كويس فى الاشباح والعفريت والجو ده يقولى اعملوا معروف
طولت عليكوا بس انا فى الحوار ده من الساعة 7 لحد 2 بالليل