سعر فورد كا

**zakariaa** · 03-11-2011 11:16 AM

كنت عايز اعرف سعر فورد كا حاجة نضيفة جداااا (a1) تعمل في حدود كام ، و قطع الغيار بتعتها موجودة زي الاسكورت و الفيستا ولا مش موجودة كتير؟؟؟ ، و لو حد عندو راي في العربية دي يا ريت يقولي .

**ahmad--ezzat** · 03-11-2011 11:42 AM

مش موجوده كتير
خليك فى المضمون

**aYaBooY** · 03-11-2011 12:19 PM

توافر قطع الغيار زي الفيستا و يمكن اكتر و الدليل انه مفيش مواتير استيراد بتنزل للفيستا غير نادرا و كل الناس بتركب مواتير الكا مكانها
هو نفس الموتور مع اختلاف شكل قاعدة في الفتيس
بس عموما فرق السعر بين الكا و الفيستا مش عالى فانصحك تخليك في الفيستا اكبر و عملية اكتر
علشان الكا عربية سباق او عربية منظر مش عربية تعرف تعتمد عليها قوي

**egy_3assy** · 03-11-2011 02:27 PM

طب ولو هي دي بالظبط اللي انا عايزها .. العربية عموما بيتشكر فيها كعربية ليا لوحدي ولا فيها عيوب كتير ؟؟ .. انا بروح وباجي من الشغل كل يوم لوحدي ولو معايا حد بيبقي فرد واحد كمان او 2 علي الاكثر

**egytamer** · 04-11-2011 02:17 AM

المشكلة انها شكلها بناتي اوي مش هتبقي عملية لو معاك حد لانها بابين فعتبقي ديقة

**Mohab.Nabil** · 04-11-2011 03:05 PM

من و انا صغير و انا بحلم بالعربية ديه

شكلها مميز جدا و وقتها كانت ثورة فى التصميمات

و الله بفكر بعد شوية لو الظروف سمحت اجيب واحدة و اخليها للمشاوير اليومية

بس هل قطع الغيار متوفرة باسعار معقولة ؟ و سعر العربية حالة كويسة تعمل فى حدود كام ؟

**aYaBooY** · 04-11-2011 11:28 PM

يا معلم عاصي انت بتقول داخل على جواز و حوار تفتكر لو حماتك جت تركب معاك و لقت ان دخول العربية عندك متعب ( علشان اتنين باب ) تفتكر انت ممكن يحصلك ايه :)
اتوكل على الله و هاتها هعهعهعهعهعهع و ابقي احكيلنا