العربية اوبترا 2009 وانا بجرى بيها بحس ان الكبوت هايطير وكان ماشى معاى عربية ثانية فى السفر قالى شوف الكبوت مفوتح ولا اه من كتر ما عمال يتهز وفعلا انا لاحظت كده فهل ديه ليها علاج
عرض للطباعة
العربية اوبترا 2009 وانا بجرى بيها بحس ان الكبوت هايطير وكان ماشى معاى عربية ثانية فى السفر قالى شوف الكبوت مفوتح ولا اه من كتر ما عمال يتهز وفعلا انا لاحظت كده فهل ديه ليها علاج
أيوه قفل الكابوت عايز يتربط عليه كويس وكمان تشوف الصوابع بتاعت الكابوت وتتأكد من أنها موجودة وعلي نفس الإرتفاع
عليى الصوابع الجلد
لو العربيه مخرجتش من الضمان وديها ال 4.5..... حيدخلوها قسم الهياكل ..... انا عربيتي لانوس 2011... و كان عندي صوت خبط علي الشمال ادام عند االتابلوه في الشوارع المكسره .... وكنت فاكره مساعد و هما افتكروا حاجه في التابلوة و الصوت كان بيروح وييجي...و كان بيخاف منهم و بيستخبي و مبيظهرش .... و فييييين و فيييييين علي ما واحد منهم ابن حلال خد باله من الصوت و طلع ايده حطها علي طرف الكبوت و هوة سايق و لقاا الكبوت بيتهز ...... غيرولي مفصله و طلعت مبوشه خالص ..... و استغربنا جدا .........و انا حتي الان مستغرب !!!!!!!
وديها قسم الهياكل في الكيلو 4.5 و مشكلتك حتتحل
تحياتي
عمرو ابراهيم
يا جماعة الموضوع دع لسه ملاحظه من يومين و انا مسافر فى العيد و كنت ماشى على 140 تقريبا ( السيارة اوبيترا 2008 ) و وقفت العربية و نزلت ابص على الكبوت لقيته مقفول كويس و انا تفسيرى ان صاج الكبوت مش قوى و ضعيف جدا و ده حقيقى عموما مع السرعة العالية الهواء بيروح داخل تحت الكبوت من جوه و عامل خلخلة بتسبب ارتجاجه
0
يعنى العيب ده ملهوش حل
من وجهة نظرى الحل الوحيد هو ان مصنع السيارة يقوى الكبوت شوية , دا انت لو حملت عليه جامد بايدك بينزل لتحت:H_angry[1]:
السلام عليكم\
المشكلة دي موجودة عندي في مو 2010 ولما روحت التوكيل اسأل عنها راح المهندس جايب الراجل السمكري وقاله علي المشكلة فراح السمكري قال حلها ان التعصيبة (العصب )بتاعة الكبوت مش ملحومة في الصاج في منتصف الكبوت ولازم يعمل كده و عشان تقضي علي المشكلة ممكن يتلصق بمعجون حديد و بكده تقضي علي المشكلة ووقتها المهندس قالي منصحكش بالاجراء ده عشان لو بتبيع ممكن حد يفكر انه كان فيه مشكلة او حادثة و اتصلحت فمعملتهاش و تأقلمت علي هذا الوضع و علي فكرة هو بيبدأ الرجة بعد 120
مشكوووووررررررررررر
انا معايا اوبترا 2009 و الموضوع ده كان عندى لحد ما اكتشفت بالصدفة ان فيه مسمار الكبوت من عند القفل ربطت عليه بمفك عاده شويه و اصبح تمام التمام الاخ اللى بيقول موضوع ان الهوا بيدخل ده غلط لان الصاج مش بيطمط ده حديد اللى حاصل انه يطربط كويس و شيك على مفصلات الكبوت ممكن المسامير تكون محلوله و ده نادر جدا
اى سمكرى يحلها