الموضوع: الحل لمشكلة الكركرة مع تشغيل التكييف من شركة كيـــــا

السلام عليكم ورحمه الله,
كل عام و أنتم بخير و عيد سعيد,
أولا تعريف بموقع Kia Global Information System (KGIS) ده موقع متخصص فى حل المشاكل التقنيه و الفنيه بسيارات كيــــا و يعتبر من و جهه نظرى قاعده بيانات متكاملة لحلول جميع مشاكل سيارات كيــــا , لازم طبعا تعمل تسجيل فيه مجانى و تدخل و تبدأ البحث بأسم و موديل السيارة و نوع المشكلة اللى بتدور عليها , بيبدأ يطلعلك نتايج البحث و تفتح واحده واحده و تشوف...بيكون تصنيف المشاكل و حاولها اسمها Service Action و بيكون ليها كود 3حروف و 3أرقام كتعريف للService Action وكل Service Action ليه تاريخ اصدار.

نزل على الموقع ده Service Action بتاريخ اصدار November 2011 لحل مشكلة صوت الكركرة مع التكييف يعنى نازل لسه من 3 أيام , كود ال Service Action ده (( SA 105 )) ده عشان تبحثوا بيه داخل الموقع و الService Action بيقول ان حل هذه المشكلة بيكون فى تحديث السوفت وير لوحدة الECM بالسيارة و الخطوات بتاعت التحديث ده مكتوبه واحده واحده فى 6 صفحات.

المفروض دلوقتى ان التوكيل هنا فى مصر يبدأ فى تنفيذ الحل ده لكل السيارات اللى فيها المشكلة دى و على فكرة ده برضه اللى مكتوب فى الService Action ان لو الوكيل يكشف على كل السيارات اللى داخله صيانه و لو لقى انها محتاجه الUpgrade ده يعمله بدوووووون الرجوع للعميل او حتى انه يعرفه كنوع من انواع ارضاء العميل....طبعا ميعرفوش ان الكلام ده ممكن يحصل فى اى مكان الا مصـــــــــر ام الدنيا....فيلريت اللى بيعانى من هذه المشكلة يبدأ بالتوجه للوكيل و ممكن يطبع الService Action ده وياخده معاه.

طبعا 1000000000 شكر للأستاذ Moha4tech اللى تعب معايا فى البحث عن الحل و بصراحه الراجل ده اول من قال ان المشكله تتحل بالUpgrade لكن....هى دى مصـــر ياعبلة

انا كنت عاوز احط الService Action كله هنا لكن زى ما قلت لحضراتكم انه 6 صفحات , فأنا هحط بس اول جزء فيه اللى فيه تعريف المشكله و حلها لكن الخطوات مش هحطها و ببساطه الخطوات ان العربيه بتتوصل على جهاز كشف الأعطال و يبدأ بتنزيل التحديث على وحده ال ECM.

TECHNICAL SERVICE BULLETIN
COMBINED TSB / SERVICE ACTION: ECM UPGRADE – A/CON LOGIC IMPROVEMENT (SA105)
This bulletin provides information related to the ECM software upgrade of some 2012MY Forte/Forte Koup vehicles produced from June 1, 2011 to October 31, 2011 that may experience A/C performance concerns. For confirmation that the latest reflash has been done to a vehicle you are working on, verify ROM ID using the tables in this TSB. To ensure maximum customer satisfaction Kia is requesting the completion of this Service Action on all affected 2012MY Forte/Forte Koup vehicles prior to delivery. For vehicles not on the Affected Vehicles List, but with a customer concern related to A/C performance issues, perform the following procedure outlined in this bulletin and submit a warranty claim per "customer concern" (Standard TSB) claim information on page 6.

شكرا...
حاتم

السلام عليكم

حد راح التوكييل وحل المشكلة دى بالطريقة المكتوبة بيتاعت el upgrade
ياريت لو حد عمل الحل دة يققول علشان نعرف و نررح

شكرا