صوت ونة فى الكورونة

**magdi mina** · 20-05-2008 12:17 AM

من اول ماشتريت العربية وفيها صوت ونة كورونا على الرابع والخامس .. مزعجة فى السفر .. تلاثة ميكانيكية (اثق فى خبرتهم ) سمعوا الصوت دة وقالوا دة عادى .. برضة انا مش مقتنع .. لأن لادا 1200 مو 94 لم يكن صوتها كدة !! علما بأن العربية روسى 1500 مو 2004 وناعمة وسحبها ممتاز .. هل دة عيب فى الموديل دة ؟؟؟ ارجو الأفادة ..وشكرا

**sab3aawy** · 20-05-2008 12:20 AM

ممكن يكون الكورونا فيها بلى بايظ

هل الصوت مصحوب بخشونة وللا العربية ناعمة؟ هل حصل ان الزيت فضى من الكورونا قبل كدة؟

لو الصوت مصحوب بخشونة يبقى ممكن تكون الكورونا تروسها بايظة، لو ونة بس فغالبا بلى

لن يتضح الأمر سوى بفك الكورونا والكشف عليها عند ميكانيكى كويس

**mohamed ibiza** · 20-05-2008 12:38 AM

المشاركة الأصلية كتبت بواسطة sab3aawy

ممكن يكون الكورونا فيها بلى بايظ

هل الصوت مصحوب بخشونة وللا العربية ناعمة؟ هل حصل ان الزيت فضى من الكورونا قبل كدة؟

لو الصوت مصحوب بخشونة يبقى ممكن تكون الكورونا تروسها بايظة، لو ونة بس فغالبا بلى

لن يتضح الأمر سوى بفك الكورونا والكشف عليها عند ميكانيكى كويس

مفيش كلام تاني

**hazem_khidr** · 20-05-2008 08:00 PM

اعتقد ان الكورونا باظت
لان في ال 125 برضه كانت بتبقي هاديه و من اول الرابع كانت تطلع الونه اللي بتفكرني بصوت الطياره كده :).
عموما يمكن تبقي بسيطه زي ما الباشمهندس سبعاوي قال .
شوف ميكانيكي محترم

**magdi mina** · 20-05-2008 08:07 PM

عزيزى سبعاوى باشا .. اجمل تحياتى .. العربية ناعمة , وغيرت زيت الكورونة مرتين , وعمر الزيت مافضى ولانقص .. يبقى مافيش غير رولمان بلى الجربوكس .. طيب لية الميكانيكية بيقولوا علية عادى !!!

**Xpert** · 20-05-2008 08:11 PM

احب اقول اضافه صغيره بس ...
العفشه الخلفيه و اجزائها عامه للادا غاليه .. فلو هاتفك و مصاريفك هاتعدي ال 700 جنيه (و غالباُ هاتعدي لو احتجت كرونه او حاجه) .. انصحك ساعتها بانك تروح لواحد حداد عفشه و تخليه يجيبلك كرونه بتاعه ياباني (بتبقي تيوتا) بنفس المقاس (عرض العفشه الخلفيه) و بيلحم القواعد الحديد بتاعه اللادا و يركبها ورا ... المهم يكون نفس المقاس - نفس السره بتاعه الجنط - و نفس الratio بتاع الكرونه ...و ميزتها انها بتبقي عمليه و قليله الصيانه و في نفس الوقت رخيصه ... يعني كرونه الفيات او اللادا عامله في حدود 2500 جنيه .. في حين ان الياباني عامله في حدود 700 جنيه ...

**magdi mina** · 20-05-2008 08:45 PM

بيشو يامعلم .. يعنى العربية مو 2004 ولم تكمل 40 الف واغير الكرونة بيابانى واعمل فييها كدة !!! طيب ماابيعها .. واحيب زيرو احسن !!

**Xpert** · 20-05-2008 08:47 PM

انت مش لسه قايل موديل 94 :d

**magdi mina** · 20-05-2008 09:04 PM

لأ .. ياعزيزى دى كانت معايا قبلها , وقلت انها ماكانش فيها الصوت دة .. رغم انها مو . قديم .. وعلى فكرة يسعدنى جدا مشاركتك وردك واهتمامك .

**Xpert** · 20-05-2008 09:09 PM

اه تصدق ... العتب علي النظر بقي :d
لاء كده ابقي فك و شوف .. لان مش هايبان غير من الفك و التركيب .. و عامه ايوه يا سيدي بنعل كده في عربيات زيرو كمان (الشاهين طبعاُ ) علشان بيكسر اكس و بيعمل ونه في الكرونه ... كل المنتج المصري تعبان يا بوب ..