الحمد لله شغلت لمبه الشنطه اللى فى العداد
العربيه فيرنا هاف اوبشن
لازم اشكر الاستاذ ahmedcar علشان لما شوفت الموضوع اللى كان عامله خلانى اعمله كمان
الموضوع سهل جدا
و
منك لله يا غبور يا بخيل
عرض للطباعة
الحمد لله شغلت لمبه الشنطه اللى فى العداد
العربيه فيرنا هاف اوبشن
لازم اشكر الاستاذ ahmedcar علشان لما شوفت الموضوع اللى كان عامله خلانى اعمله كمان
الموضوع سهل جدا
و
منك لله يا غبور يا بخيل
طب يا ريت شرح مفصل بالصور لو تسمح !
هو بصراحه انا معملتش صور بس الموضوع مش صعب خالص و ممكن تعمله لوحدك من غير كهربائى
اول حاجه تفك العداد
هتلاقى فى ظهر العداد فيشتين واحده كبيره و واحده صغيره
بص فى الفيشه الصغيره هتلاقى فى مكان سلك ناقص هتبقى تانى واحده
هات سلك 5 او 6 متر (1 ملى)
هتحط فرده فى الفيشه الصغيره و مد السلك لغايه اللمبه اللى فى الشنطه و وصل الفرده التانيه فيها بس مش عارف انهى سلك ممكن تجرب فى واحد
بس كده و انا ان شاء الله هحاول اجيبلك صور توضح اكتر
مبروووووووك ياباشا
هي شنطة العربية ليها لمبة غير لمبة الابواب العادية؟!
انا عندي لما بفتح شنطة العربية نور الصالون بينور ولمبة الابواب بتكون منورة في التابلوه -دا بعد تركيب السنتر !
لما ركبت السنتر الولد وهو بيركب هو اللي عمل كدة مش انا
فبقت نور الصالون ينور ولمبة الابواب تنور لما افتح شنطة العربية !
هو حضرتك فاهمنى غلط
لما الابواب مش فى لمبه بتنور ان الابواب مفتوحه
كمان لما تفتح الشنطه فى لمبه بتنور ان الشنطه مفتوحه
زى الصوره دى
http://store2.up-00.com/Nov11/YqQ96600.jpg
1000 مبروووك
الموضوع دا فى الانوس كمان
وهما مش مشغلنها لييييه ؟؟؟؟
ممكن حد يقوولي
السلام عليكم: الف شكر على الموضوع بس حضرتك عندي سؤال انا معايه فيرنا هاف اوبشن ممكن الاقي فيها الموضوع ده ولاد ده في الفل اوبشن بس والف شكر
الفيرنا الهاف اوبشن برضو ممكن تعمل فيها كده عادى جدا و ممكن تركب فيها كمان طقم عداد الار بى ام
الف شكر يا استاذ احمد وكل سنه وحضرتك طيب
لا شكر على واجب يا رجاله و كل عام و انتم بخير
حلوه اوي بس انا ميجليش قلب افك العداد :d :d
انتا فاكر انك ها تفك العداد بس ؟؟؟؟؟؟؟
انتا بالتحديد ها تضيع يوم كامل اجازة 1- بتفك العداد 2-وتوصل السلك بتاع اللمبة بالسيلك اللي انتا هاتجيبة 3-وتفك العتب اللي جنب البابين الشمال لغاية ما توصل ل ( سنسور الشنطة ) حساس الشنطة اللي ورا 4- وتعمل علية بريدج ( كوبري ) بالسيلك اللي انتا جايبة ... وترجع تجمع الكلبسات بتاعت العتب ... وفية كلبسين تلاتة ماركبوش كويس .. تقعد تحشر فيهم ....وتركبهم وفي الاخر .... اللمبة يمكن ماتشتغلش .. والله مش با احبطك .. بس لية تغامر ..(( انتا صح )) اصلا اية وجه الاستفادة .. هل انتا بتفتح الشنطة وانتا سايق ؟؟؟؟؟ هيا الشنطة مش بسست وهاتبان في المراية لو اتفتحت ؟؟
(( واو ))
يالة ( خد شهيق كبببير :duh::cat34: )
انت مصعب الموضوع قوى ليه
الموضوع تافهه جدا ممكن اللمبه ديه تكون انت شايفها ملهاش لزمه بس غيرك شايفها ليها لازم
و اولا ده اوبشن موجود فى العربيه بس ناقصله سلك مش اكتر
اولا الموضوع هياخد بالظبط 10 دقايق مش اكتر
1-هتفك العداد
2-هتحط السلك فى الفيشه
3-فك العتب و عدى السلك لغايه الكنبه و من الكنبه للشنطه
4-وصل السلك فى اللمبه اللى فى الشنطه
و اللمبه شغاله 200 % و مفهاش اى ابداع خالص
ردا علي هدوء سيادتك في الرد ....
الكلام دة سهل بالنسبة (( لمحترف )) زي حضرتك مش هاوي زي حالاتنا يفتقد الخبرة ((الراجل بيقول انه مايجلهوش قلب يفك وانا برد علية وبدعمة في وجهه نظرة ))
الموضوع دة لازمله ادوات ... مش مجرد مفك صليبة ( المنطق بيقول كده )
واخيرا (( اي لعب في كهرباء العربية فية احتمالية عمل short )) حتي ولو الاحتمال دة سيادتك شايفة بعيد
فكان ردي جي بناء علي (( عدم اهمية لمبة الشنطة )) في مقابل احتمالية حدوث اي تلفيات سيادتك ممكن تكون شايفها تفهه برجاء عدم احتكار الموضوع لوجهه نظر سيادتك لمجرد (( أبدائي الرئي مش اكتر وكل واحد شايف الموضوع دة من وجهه نظرة )) وقبول الرأى والرأى الاخر .....مش احنا ديمقراطيين بردة !! :question2:
يا باشا والله انا بحترم رأيك بس المشكله فى ناس مكنتش تعرف عن اللمبه وانا كنت منهم
و كمان خايفين يعملوها
انا بس عامل الموضوع ده علشان اقول للناس انه موضوع سهل و عن تجربه
اولا انا مش محترف ولا حاجه خالص انا زيك بالظبط هاوى و كمان اقل من الهاوى
انا كنت بخاف اشتغل فى العربيه بس ابتديت اتشجع و اشتغل بأيدى
الفكره ان انت لما تعمل الحاجه بأيدك بتعملها بضمير و نظافه اغلبيه الصنايعيه بتشتغل اى كلام مش فى كل حاجه و كمان انا لازم اعدل على شغل الصنايعى
انا بأتبع نظام ادي العيش لخبازه
والله الموضوع مش محتاج حاجه عندك الادوات مفك صليبه بس
و مفيش لعب فى الكهربه ولا شورت ولا حاجه
علشان حرام تروح لكهربائى و ياخد فلوس على كلام فارغ اللى انت ممكن تعمله بنفسك و من غير خسائر
و انا مش بحتقر الموضوع ولا حاجه رأيك على عينى و على رأسى
و لك منى فائق التقدير و الاحترام
حصل خير يا مومبية ....
طالما بتحب تشتغل بنفسك شوف موضيعي عن الحجات دي انا كمان عملتها بنفسي (( فيديو ))
1- تغيير تيل فرامل الفيرنا ashussein
2-صلحت ولاعة عربيتي بنفسي verna2008auto
3-تغيير زيت فتيس الاوتوماتك بنفسكashussein
وإنشاء الله فية افتكاسات كتير جاية ... لاني بحب اشتغل بنفسي وفعلا (( مافيش صنايعي بيعمل شغلتة تمام زي ما انتا بتعمل . ))..
الي اللقاء صديقي عن قريب إنشاء الله
السلام عليكم:على فكره يا جماعه انا بشكر صاحب الموضوع وبشكر كمان الاستاذ احمد وعلى فكره يجماعه انا عملت الموضوع ده بنفسي والحمد لله اللمبه اشتغلت وعربيتي فيرنا 2008 هاف اوبشن والموضوع سهل جدا ومفيهوش اي ضرر على العربيه ولا العدادات نهائي كل الادوات المطلوبه مفك صليبه و حوالي 5 ممتر سلك 1 ملي وشريط لحام وشكرا
شوفوا اللينك ده و قولوا رايكوا
http://www.nilemotors.net/Nile/111572-30000.html
احنا بنعمل المواضيع ده نفيد بيها بعضنا و اللى شايف نفسه يقدر يعملها اوك و اللى خايف ميعملها اومال ايه لزمه المنتدى
و الله انا داخل على سير كاتينه و غيرته فعلا فى عربيه ابن عمى و عاوز لما اغير عندى اصوره بس للاسف خايف حد يتهور و يعملها و انا مش قدها بصراحه انى حد يبوظها بس عموما هصور و امرى لله
سيارتي 2013 هل صيانة ال5000 اطلب منهم في التوكيل ولا مش هيعملوها...انا سالت قبل كده على الفوجات قالولي مبنركبهاش في التوكيل.....انا مش عايز اطلع من الضمان
غبور مش هيركب حاجه.....انا عملتها انهاردة في عربيتي والموضوع سهل
انا يا جماعة معايه فيرنا كامله مانيول 2014 وحاولت اعمل الموضوع ده فضربت فيوز