الموضوع: سؤال عن التأمين

اه عادي يعني
بعد لا قدر الله الحادثه سواء غلطان او لأ بتروح تخترع محضر عند قسم الشرطه اللي جنب البيت بمثلا العربيه اتخبطت و هيا واقفه او واحد خبطني و جري اي حاجه يعني وتخلي اللي بيكتب المحضر يثبت الاضرار اللي نتجت عن الحادث و تاخد رقم الصادر بتاع المحضر و بعدين تاخد العربيه التوكيل و صوره من بوليصة التامين و التوكيل حيبلغ ان العربيه رقم ..... وثيقة تامين رقم ..... جت التوكيل مخبوطه و عايزه تتصلح و حيعمل مقايسه بالتصليحات بعد ما المقايسه ماتخلص التوكيل حيبلغ التامين ان المقايسه خلصت و في انتظار مهندس التامين لمناقشة المقايصه و التامين من حقه يرفض الحاجات اللي مش مستاهله انها تتصلح و بقوم مهندس التامين بتصوير السياره قبل الحادثه و بعد الانتهاء من الاصلاحات
ثم لو حضرتك معاك فلوس الفاتوره بتدفع الفلوس و تاخد الفاتوره لشركة التامين علشان يصرفوا التعويض لحضرتك بعد شهر تقريبا
لو معكش الفلوس يتاخد صوره من الفاتوره لشركة التامين حتي يتم الصرف و تروح تطلع العربيه من التوكيل مع دفع ارضيه للعربيه في التوكيل



ياريت من الاداره تثبيت هذا الموضوع لاهميته و اني مش اول مره اجاوب علي الموضوع ده فمن الواضح انه مهم و الناس مش عارفه ايه اللي بيحصل مع شركات التامين


اي استفسار اخر ياباشا ازعق عليا بس :)