انا محتار جدا بين العربيتن دول...اللوجان عجبنى شكلها وصالونها وواسع وناعمه على الارض..واللانوس يميزها قطع الغيار واعادة البيع....ياريت حد يفيدنى وطبعا بتكلم على الزيرو
انا محتار جدا بين العربيتن دول...اللوجان عجبنى شكلها وصالونها وواسع وناعمه على الارض..واللانوس يميزها قطع الغيار واعادة البيع....ياريت حد يفيدنى وطبعا بتكلم على الزيرو
انت جاوبت على نفسك .. شوف انت احتياجاتك ايه
عربية عالية ومواصفات امان واوبشن وعائلية .. بس قطع غيار غالية شوية ومش متوفرة اوي ومش جراية .. يبقى اللوجان
عايز عربية منتشرة وسهلة وصيانتها في اي حتة وقطع غياره سهلة واعادة بيع اسهل .. بس مش عائلية وواطية شوية وتابلوه فقير وعربية قديمة جدا وتقفيل مصري .. يبقى اللانوس
بس فكر في الفيرنا برضه
بس الفيرنا خفيفه جدا وكله بيشتكى من ان موتورها عالى عليها...علشان كده خرجتها من حسباتى...انا بتكلم بصفة عامله من كل النواحى اللانوس ولا اللوجان
اللوجان انتشرت و بالتالى قطع الغيار و اعادة بيع محترمة
توكل ع الله ف اللوجان
هو بالنسبة للأداء والوسع والعفشة اللوجان يعيبها فقط صاجها الضعيف جدا، وارتفاع أسعاء قطع غيارها بصورة غير مبررة، بس مع الوقت والانتشار هاترخص، اللانوس عن تجربة عربية محترمة بس للأسف اتلعب فيها من الأستاذ منصور، إنما الدايو لانوس كانت معايا حاجة تانية، قطع غيار رخيصة تكييف ممتاز موتور عمره طويل علشان ألماني، بس أضيق من اللوجان، واللوجان عفشتها متطورة أكثر لأنها مبنية على شاسية من نيسان نظرا للتوأمة بين الشركتين
اتوكل على الله فى اللوجان و متخفش, انا كنت فى نفس حيرتك و بعدين سألت و استخرت ربنا و حجزت اللوجان
احنا دايما كمصريين بنخاف نجرب اى شئ جديد و انا قريت كتير على اللوجان ملقتش حد عاب فيها غير انها مش منتشرة و قطع غيارها غالية سنة
جمد قلبك و اتوكل على الله فى اللوجان
اللانوس عربية قديمة قوى, تكنولوجيا من سنة 1999, توكل على الله و هات لوجان او شوف حاجة غير الاثنين, انا نزلت اتفرجت على byd موديل 2012 عجبتنى اوى خاماتها و الاوبش اللى فيها و زجاج فامية, كمان سالت كذا سواق تاكس شكرلى فيها, ممكن تحطها فى اعتباراتك و اسال عليها بردة الاول.
الفيرنا عربية مش وحشة واننت مش هتطيرعلشان موضوع الموتور
ال byd ممتازة وقطع غيارها منتشرة لانها عفشة تويوتا وموتور متسوبيشى
انا عامل مقارنة بين اللوجان والفيرنا فى قسم المقارنات ممكن تفيدك وتفيد ناس كتير محتارين بين الاتنين لكن اللانوس ما اقدرش افيدك اقوى