المختصر المفيد فى الزواج الغير سعيد

**Ghosts** · 06-11-2011 02:29 PM

المشاركة الأصلية كتبت بواسطة koheya

بص يا سيدى دى اهم اسباب المشاكل الزوجية من وجهة نظرى:
1- ان كل ما تحصل حاجة فى البيت الست تحكيها لما متها او الراجل يحكيها لمامتة.
2- الندية فى التعامل ويعنى الست تعمل راسها براس الراجل وكل موضوع هايف ما يسواش يفضل يكلمها ويناقشها ساعة لحد ما تقتنع على مضض.فى زوجات بيعز عليها تقول لجوزها حاضر.مع ان حاضر دى كلمة سحرية بتخلى الراجل لو ضايقها مرة بيراجع حساباتة قبل ما يضايقها تانى.بس ما تكونش حاضر علشان تريحة بس وبردة تعمل الى فى دماغها لان الراجل لو حس انها بتهاودو بس حايضايقها زيادة وحيحس انها بستخف بعقلة.
3- تدقيق الراجل فى كل صغيرة وكبيرة فلا بد للرجل ان يتغافل قليلا عن بعض اخطاء زوجتة او سهوها.
4- اعتياد كل طرف على عطاء الاخر.يعنى لما الزوج يكون داخل من برة وشارى اكل بيشترية كل يوم يا ريت الزوجة تقولة كلمة حلوة علشان يحس انة دايما بيضيف لبيتة.ولو الست طبخت اكلة بتعملها كل يوم يا ريت الزوج يقولها كلمة حلوة تحسسها انها مش خدامة وان مجهودها كل البيت مقدرة.

5- عدم احترام اى منهما لاهل الاخر.
6- اعجاب الرجل باى انثى عمال على بطال حتى ولو كانت انثى السلعوة.

7- البخل من جهة الرجل والاسراف من جهة المراة.

8- مقارنة الرجل زوجتة بزوجة حد تانى او حتى باخواتة البنات واحساس الزوجة ان الزوج ينظر اليهم على انهم افضل منها.او العكس مقارنة المراة زوجها بزوج اختها او ابيها او اخيها.

9- اهمال المراة فى نفسها يعنى مينفعش يدخل بيتة بعد يوم عناء طويل يلاقى عربية مقلوبة قاعدة فى البيت

.وبردة اعتناء الرجل بنفسة .

واخيرا ثقافة كلا الزوجين بالحقوق الزوجية التى نص عليها الدين فهى مفتاح السعادة.

أستاااااااااذ و رئيس قسم ....
أية دة يا koheya دة أنت معلم كبير ....

مشاركة فى الصميم ....

نورت المنتدى ....

بالنسبة للنقطة السادسة الخاصة بأنثى السلعوة ....
مفيش حاجة ممكن تتقال تعقيبآ عليها غير أن النفس الشبعانة تدوس العسل ....

**koheya** · 06-11-2011 02:59 PM

[QUOTE=Ghosts;3873914544]أستاااااااااذ و رئيس قسم ....
أية دة يا koheya دة أنت معلم كبير ....

مشاركة فى الصميم ....
نورت المنتدى ....

بالنسبة للنقطة السادسة الخاصة بأنثى السلعوة ....
مفيش حاجة ممكن تتقال تعقيبآ عليها غير أن النفس الشبعانة تدوس العسل ....

الف شكر دة من بعض ما عندكم.
اسال الله السعادة للناس جميعا وان تقل مواضيع الطلاق لانها فعلا اصبحت شيئا مؤلما جدا و كابوسا على المجتمع.ويا ريت كل راجل يحاول مع مراتة مليون مرة قبل ما توصل الحياة للطلاق ومش ممكن يكون الراجل فى شغلة وفى حياتة بيتعامل مع ناس كتير جدا وينجح وما يقدرش يتعامل مع مراتة .
وعيب على كل واحدة انها تكون بؤرة اهتمام الجميع وكتير جدا يمدحوا فيها ومتقدرش تخلى جوزها هوة كمان يهتم بيها ويمدح فيها.
وعيب على كلا الزوجين ان يتهم كل منهم الاخر انة المقصر وانة لا يلين فهى ليست حرب وانما حب ومودة ورحمة وليس من الرحمة ان ينهار بيت بسبب العناد والكرامة الزائفة فليس من الكرامة ان تكون مطلق بسبب قصر نفسك او ان تكونى مطلقة بسبب كبريائك انما الكرامة كل الكرامة ان تمشى الزوجة واضعة يدها فى يد زوجها مستعينة به على الدنيا والامها. ومستعينا بها على ثقل الايام.ولنستعين بالله جميعا.

**Ghosts** · 06-11-2011 03:58 PM

[QUOTE=koheya;3873914568]

المشاركة الأصلية كتبت بواسطة Ghosts

ويا ريت كل راجل يحاول مع مراتة مليون مرة قبل ما توصل الحياة للطلاق [/COLOR[/COLOR]

فى ستات دماغها زى ....
ولا بلاش ....

مهما الراجل حاول معاها ....
مفيش فايدة ....

فى الحالات اللى زى دى ....
الطلاق بيبقى حل ....

**eng/muhamad** · 06-11-2011 04:30 PM

الحياه الجامعية هى فتره الحريه الوحيده بين سيطرة الام و تسلط الزوجة

**ainshouka** · 06-11-2011 04:31 PM

موضوع ممتاز وياريت الناس ذوي الخبرات يشاركوا فيه لنستفيد

**koheya** · 06-11-2011 04:35 PM

[QUOTE=Ghosts;3873914598]

المشاركة الأصلية كتبت بواسطة koheya

فى ستات دماغها زى ....
ولا بلاش ....

مهما الراجل حاول معاها ....
مفيش فايدة ....

فى الحالات اللى زى دى ....
الطلاق بيبقى حل ....

انا معاك انة بيبقى حل بس مش كل الحلول.تعرف انا بقول كدة لية لانة بيصعب عليا اوى انى الاقى واحد اتجوز واحدة بعد حب كبير او رحلة بحث عن عروسة وطلع عينية لحد ما تجوزها وخلف اطفال ملهومش اى ذنب وبعدين........ فركش..حاجة بصراحة توجع القلب.والاكيد ان فيه حلول بس لما التصادم يوصل للطلاق يبقى الحل الوحيد التنازل من جهة الزوج والزوجةحتى الوصول لحل وسط ومتهيالى بدل المواضيع وصلت لغاية التفكير الجدى فى الطلاق يبقى الحلول دايما حتكون وسط و يمكن الحل ما يحققش الرضا الكامل للطرفين بس على الاقل الحياة حتمشى شويه لغاية ما سفينة الحياة تلف دفتها لفة ممكن تكون كبيرة بس مهمة علشان السفينة دى تمشى فى سكة تانية خالص افضل من السكة الاولى الى كان نهايتها رغبة هدم السفينه كلها.
وفى الاخر اهم حاجة هى اصرار الزوجين على الاصلاح
بسم الله الرحمن الرحيم " ان يريدا اصلاحا يوفق الله بينهما"
فلقد كان شرط التوفيق للاصلاح رغبة الطرفين له بلا كبرياء او تكبر.
نسال الله السلامة

**The_Last_Rebel** · 06-11-2011 07:38 PM

المشاركة الأصلية كتبت بواسطة أحمد كمال

ابوس ايدك ما تفتحنيش في الكلام .......

أؤيد هذا الرأي...

وعيد مبارك عليكم...

**Ghosts** · 06-11-2011 07:55 PM

المشاركة الأصلية كتبت بواسطة The_Last_Rebel

أؤيد هذا الرأي...

وعيد مبارك عليكم...

توقيعك رائع ....

**The_Last_Rebel** · 06-11-2011 10:46 PM

المشاركة الأصلية كتبت بواسطة Ghosts

توقيعك رائع ....

أشكرك على ذوقك أخي Ghosts

وأشكر لك مواضيعك الإجتماعية التي تبحر بنا في أعماق حياتنا الواقعية والمريرة أحيانا عن طريق الإستطلاعات التي تضعها في مواضيعك الشيقة...فتارة ينفعل الكثير من الأعضاء ويجد في هذه المواضيع المتنفس الذي من خلاله يعبر عما ثقل في صدره من تجارب شخصية ألمت به ربما يجد الراحة في كتابتها ومشاركة أناس لم يقابلهم في حياته إلا من خلال صفحات المنتدى...وتارة يكتفي البعض بالقراءة مما يخفف بعض ما يحمله في طيات صدره كما يتضح من الفرق بين عدد المشاركات وعدد المشاهدات...وقد يوجد من يقرأ... ثم يتنهد... ثم يقول في نفسه "لو علموا قصتي...لاختلف رأيهم كثيرا"...

وأشكرك مرة ثانية وكل عام وأنتم بخير...

**فتح الباب** · 06-11-2011 10:59 PM

المشاركة الأصلية كتبت بواسطة ghosts

أعتقد أن من أهم الأسباب اللى بتؤدى إلى حدوث أنهيار للحياة الزوجية هو الملل ....
أنا لما أتخيل أنى هقضى باقى أيام حياتى مع أنسانة لازم غصب عنى أستحملها عشان أولادى ببقى هتجنن ....

الظاهر كدة ....
أن أمرأة واحدة لا تكفى ....

هههههههههههههههههههههههه ياراجل واحد عنده تهمه يروح ويجيب كمان تهمه يانهار ابيض عشان مفيش بلاك ويبقوا تهمتين حرام عليك طيب انت عارف انا لو مراتى ماتت انا هبطل جواز للابد مشروع فاشل واجمل ما فيه الاولاد وزهور العمر عموما على اد ما انا مزاجى الان وحش الا انك خليتنى اضحك بجد ومن قلبى ياله نقفل على السيره دى ياعم كلها نكد وحزن ؟ تخيل اننى بسببك اصبح كويس ونسيت كل مافى اشكرك جدا وكل عام وانت بخير على كل حال

الموضوع: المختصر المفيد فى الزواج الغير سعيد

LinkBack

أدوات الموضوع

عرض

-

-

-

-

المواضيع المتشابهه

أشتريت قرطبه 2008 - وده المختصر المفيد !!

المختصر المفيد لشراء اوتومبيل مستعمل بحالة الجديد

المختصر المفيد في الإيبيزا 2006-2008

المختصر المفيد على المشككين بالصناعة الصينية

المختصر المفيد فى نقل الملكية والتجديد

الكلمات الدلالية لهذا الموضوع

المفضلات

المفضلات

ضوابط المشاركة