الله ينور يارجالة على المنتدى بتاعكم --بجد جامد --ارجو الافادة

السلام عليكم
بصراحة انا لسة عضو جديد بس قرات شوية فى المنتدى وعجبنى الكلام كتير
انا لسة مشترى هوندا سيفيك موديل 91 كاملة من شهرين وكنت عايز اعرف لو عايز اركب جنط 15 لازم اعمل حاجة فى العفشة ولا لا.والجنط استيراد هيكون فى حدود كام ومنين ممكن اجيبو وممكن اعمل اية علشان ماتعبش العربية على الجنط ال 15 وشكرا ليكم يارجالة .....
انا اعرف مكانيكى كويس تخصص هوندا فى المعادى

لا مش لازم تعمل حاجه مع الجنط الـ 15 وممكن تلقى استيراد في الحرفيين في حدود 1000 جنية تقريباً يقل أو يزيد حاجه بسيطة حسب الحالة والصناعة بالتوفيق ان شاء الله

مبروك واهلا في المنتدي
بالنسبة للجنط زي ما قال أ- نبيل مفيش اي تعديل
الجنوط السبور الهوندا الاصلي في بورسعيد عند نور الاسلام في حدود 700
انا جايب 14 ب 500

شكرا على الردود يارجالة