طب أدعيلنا بقى يا مولانا لو سمحت :)
عرض للطباعة
ربنا يكرمك ويثبتك انا بفضل الله مربيها من 2003 من قبل تخرجي من الجامعه وسافرت قطر سنتين ومن ساعتها اطلقتها تماما وبفضل الله مافيش مشاكل
بس من ناحيه معاملة الناس انا بقى بعاني ممكن ناس تحدف عليك بالعربية تخش قدامك يقول في نفسه ماهو شيخ مش هايعمل حاجه وساعات تلاقي ردود فعل غريبه يعني واحد داخل غلط وانا صح لو انا صممت على موقفي وما عديتوش تلاقيه عمال يبصلي ويقولي عيب على دقنك دا انت بدقن بس الواحد بيصبر ويحتسب
السلام عليكم و رحمة الله و بركاته
انا ملتحى من 2005 و الحمد لله و باسافر كتير منهم 3 مرات بعد الثوره و ماعملتليش مشكله خالص قبل الثوره ولا بعدها
هى مره واحده و انا راجع من الحج اخدو كل الملتحين على جنب و بعد 30 دقيقه اخدنا جوازاتنا تانى و مشينا من غير نص كلمه و الكلام ده كان فى 2009 و كانت المره الوحيده
بالنسبه لتصريح السفر بتاع الجيش باطلعه من الحلميه عادى و انا ملتحى و مافيش موشكله
اما البطاقه روحت اجددها و قولت ياواد انت ملتحى بقالك 6 سنين غير الصوره و خليها بلحيه علشان ماحدش يكلمك
سالت الشرطه اللى فى المكان اللى باطلع منه البطاقه هل لازم اتصور بدقنى و قالولى موش مهم
قومت مطلعها بالصوره القديمه عادى و السبب ان الكاميرا كانت بايظه و موش هاعرف اتصور
و اتوكل على الله ده حتى كتير من زمايلى فى الشغل سابو لحيتهم بعد الثوره و مافيش اى مشاكل
الحمد لله ربنا مسهل الحال وطبها مربيها ابتغاء لوجه الله تعالي واقتضاء بسنة حبيبه
اكتر اتنين كنت شايل همهم هما ابويا وامي بس شافوني متكلموش خالص مش عارف ليه
حتي لان مفيش اي تعليقات سخيفه غير انت هتربي دقنك ا انت هتبقي من الجماعه السلفيين والحاجات دي يعني
بس الواحد بقي محتاج يظبط بقية النواحي عشان ميبقاش ملتحي نص كم وخصوصا ان اهلي من الفلاحين واول مايشوفو واحد بدقن حتي لو لسه مربيها يقولو ياعم الشيخ ويسالوه في حاجات ويصلي بيهم ودي انا بعملها من غير حاجه بس انهم بيبقو شايفين ان اي ملتحي لازم يبقي فقيه ويسالوه في فتاوي ولو قلت معرفش يبقي نهارك مش فايت امال شيخ ازاي يعم ده انت شيخ نص كم
ربنا يثبتك بالحق
اللهم يرزقك الثبات على الحق
انا بسافر بمعدل كل شهر و نصف... مفيش مشاكل فى المطار دلوقتى خالص...قبل كده كان فيه شوية بس كانت بتعدى
وسافرت بيها سنغافورة و مفيش مشاكل خالص
توكل على الله
ثبتك الله على الحق
جزاكم الله خير الجزاء
افتكرت موقف تانى :biggrin24: .. مره كنت بركن فى شارع رمسيس .. جالى واحد بتاع باركنج شكله بلطجى كده .. و عاوز ياخد فلوس و أنا مصر مدفعش عشان أنا راكن فى الشارع .. المهم صوته بدأ يعلى و يبلطج .. و لقيت واحد صاحبه جاى من بعيد عشان يتخانق معايا هو كمان .. و بعدين سأله فى ايه و بتاع .. قال له مش عاوز يدفع.
المهم الواد بص لى كده .. و قاله يا عم متزعقلوش ده شيخ :biggrin24:
الشاهد .. اللحية بتجلب احترام الناس ليك من ناحية .. من ناحية تانية .. الفئة اللى هى فى مستوى اجتماعى قليل فى المجتمع و منها البلطجية و اللى بيكرهوا الفئة الغنية من المجتمع ... غالبا بيحترموا الشخص الملتحى ... يمكن لاحسساسهم بالذنب .. أو بيخافوا من ربنا لشعورهم ان الشخص الملتحى قريب من ربنا.
بس متخليش هى دى نيتك فى اللحية يعنى :original: