عندى كام سؤال

**moh_sobhy** · 04-11-2011 01:29 PM

السلام عليكم ورحمة الله وبركاته وكل عام وانتم جميعاً بخير وسلام

معلش عندى كام سؤال ؟
انا معايا عربية لانوس 2007
*معدل استهلاك البنزين 180 فى الصفيحه داخل المدينة فهل هذا معدل جيد ؟
*التكييف معطل لايوجد تبريد مع ان الكباس يعمل بعد الكشف عليه كان هناك رأيين احدهما ان الكباس يحتاج تغير والثانى ان الالكترون الداخلى للكباس يحتاج تغيير مع العلم انه تم قياس الفريون ووجد ان الشحن تمام.
*فى بداية سير السياره اجد انها مخنوقه لثوانى ثم بعد ذلك تكون تمام ؟؟
*لى صديق عنده نفس نوع سيارتى وقال لى انه استعمل ماده مع البنزين تعمل مفعول السحر على السيارة من حيث السحب وصوت الموتور واستهلاك البنزين توضع مع البنزين فى التنك عند اتفويل وتعمل هذه الماده على تسليك جميع مجارى البنزين وتنظيفها وقال لى ان السياره اختلفت كثيراً بعد اضافة هذه الماده بالمنسبة انا لا اعرف اسمها ولكنه قال انها تباع فى البنزينة فهل هناك من جرب هذه الماده؟

اشكركم ولكم منى خالص التهنئة بالعيد السعيد
كل كام وحضراتكم بخير وسلام

**Ahmed Nasser** · 04-11-2011 01:53 PM

المادة اللى بتضاف على التفويلة دى اسمها منظف رشاشات

**besso33** · 04-11-2011 02:05 PM

تقريبا مشكلة السحب والبنزين عند حضرتك جاية من الرشاشات لذلك هقولك علي منظف رشاشات كويس بيتباع في بنزينة موبيل اسمه اس تي بي

**Mahmoud.Fathy** · 04-11-2011 10:34 PM

معدل الاستهلاك معدل جيد داخل المدينة .... لكن الافضل تقيس الاستهلاك على الطوالى عشان تقدر تحكم

**mostafa mahmod** · 06-11-2011 12:53 AM

فى موضوع مثبت فى اهم موضوعات القسم شارح بالتفصيل موضوع الرشاشات ده

**nanoooooooooo** · 06-11-2011 03:36 AM

اشتريت منظف رشاشات من بنزينة وطنية ولاحظت فرق فى السحب

**mero100** · 06-11-2011 03:57 AM

تقريبا الماده اللي بيتكلم عليها العضو صاحب الموضوع اسمها octane booster و دي بيقولوا انها بترفع درجة الاوكتان .....و الله اعلم ....:-).....و كل عام وانتم بخير
عمرو ابراهيم

**MMamdouh** · 06-11-2011 06:47 PM

المشاركة الأصلية كتبت بواسطة moh_sobhy

*معدل استهلاك البنزين 180 فى الصفيحه داخل المدينة فهل هذا معدل جيد ؟

معدل كويس و ان كان مش مقياس للحكم على العربية

*التكييف معطل لايوجد تبريد مع ان الكباس يعمل بعد الكشف عليه كان هناك رأيين احدهما ان الكباس يحتاج تغير والثانى ان الالكترون الداخلى للكباس يحتاج تغيير مع العلم انه تم قياس الفريون ووجد ان الشحن تمام.

الكونترول بتاع الكباس عايز يتغير

MMamdouh