فانتازيا فانتازيا ومش هتندم
عرض للطباعة
فانتازيا فانتازيا ومش هتندم
قبل اى حاجه ربنا يوفقك فى الاختيار الانسب لك,انا رشحت الفانتزيا لانى شايف انها افضل الاختيارات لان الفرنساوى بالرغم من ان كل عربياته ممتازه لكن يعيبه غلو قطع غياره ونفس الموضوع اعتقد بينطبق على الفولكس اما الفانتزيا فأعتقد انها منتشره اكتر ومحدش اشتكى منها خالص
تحياتى
فانتازيا هاى لاين
بص دايما عند شاء عربية و نصيحة المشترى ,يجب الرجوع للظروف المادية و الأسرية.
يعنى لو العربية هتجيبها هتكون العربية الاساسية للاستخدام و الأعلى فئة معاك و من الصعب التغيير أو شراء سيارة أخرى مماثلة فى الفترة الجاية, يبقى المفروض يكون ليك نظرة عملية شوية و تتجه للأكثر انتشار و قلة المشاكل و انتشار قطع الغيار و الأسهل فى البيع (فى حالة اتزنقت او زهقت من العربية) و طبعا مع عدم التضحية بحقك فى الحصول على الرفاهية و الأمان و الثبات, و هنا يبقى احنا بنتكلم على الفانتازيا و هى الأكثر تجربة و انتشاء و الاقل شكوى و بالتالى الأسهل فى البيع و الحفاظ على السعر.
لكن لو فى وجود لعربية فى نفس المستوى أو أعلى و العربية ديه هتكون اضافية ليك و مبلغها مش هيأثر معاك كتير فى حالة انك زهقت منها, ساعتها تقدر تفكر فى ال ستروين (معرفش عنها معلومات كتير بس متوقع مستوى الفخامة و ال options المتواجد بها و هى أكيد الأعلى بين المذكورين) أو الباسات (مع التحفظ على الفتيس ال DSG اللغاية دلوقتى أثبت فشل مع جزء كبير من ملاكه هنا فى المنتدى).
و ربنا يوفقك للخيار الصحيح ان شاء الله
لو انت بتحب التميز وعايز تبقى مميز في الطريق يبقى الستروين تحفة جدا وامكانيات اعلى من الباقي وموتور اقوى 156 حصان 240 نيوتن (تيربو)
دي المميزات
اما العيوب كلنا طبعا عارفينها وهيا سعر اعادة البيع واسعار قطع الغيار ومتنساش المصيبة الاكبر ان ( عز العرب ) وكيل ليها ههههههههههههههه
وكمان متنساش الفولفو s60 توكيلها بردو عز العرب وسعر اعادة بيع سيء وقطع غيار اسعارها اسوء
go for a Turbo-Charged Engine +DSG
باسات حتى لو بيزلاين!!
أنا اخترت باسات عشان تبقى طلعت فئة (شاسيه) أعلى من أخواتها الصغيرين (جيتا وأوكتافيا)
وكمان عشان لو شفت الفرق بين سحبة الـTSI منها وبين الـFSI القديمة.. هتفهم قصدى!!
فـ ماباك بعربيتين بطتين 1.6 SOHC MPi كمان
طبعا من برا الأختيارات: Volvo S60 أجمد من كل اللى أتقال..:wink14:
تربو+direct-injection+ فتيس فورد Power-Shift زى الـDSG بالضبط ديوال-كلتش
ورأيى الشخصى.. أشيك وmore Style عنهم!!:up:
ياباشا دى تتقارن بالباسات الـCC الـ1800cc TFSI مش بالباسات العادية!!
بالتوفيق isA
بالنسبة لل c5 انا العربية دية ركبتها بس ماسوقتهاش وفعلا العربية دية تحفة فنية من الداخل خامات وتقفيل وتكنولوجيا وشياكة وفخامة وشكل خارجى وكل حاجة انت بتحلم بيها موجودة فى العربية دية ماعدا ان العربية مع انها كبيرة جدا من الخارج الا ان ال c4 اللى اصغر منها اوسع منها لان فعلا ال c5 ضيقة من الخلف جدا مش عارف لية
قطع الغيار بتاعتها غالية طبعا كالعادة وسعر اعادة البيع نفس الكلام
الفانتازيا مع صاحبى شوف العربية كويسة مساحات واوبشن وشكل خارجى وخامات بس يعيبها حاجتين اتنين ( المحرك بتاعها - ناشفة فى المطبات شوية )
الجيتا نفس الكلام بالظبط اللى هيتقال على الاوكتافيا هيتقال عليها بس الفرق ان الجيتا الجديدة هتنزل خلاص
الباسات طبعا تحفة بس لو هتجيبها ال base line يبقى هتفقد فيها اوبشن كتير وبردة يعيب الباسات محركها
كل السيارات بتشترك فى ( غلاء قطع الغيار - سعر اعادة بيع سىء - الصيانة لازم تكون فى التوكيل )
انا عن نفسى بعد مارشحتلك دول يبقى انا لو مكانك اجيبب bmw 320 كسر زيرو
او لو انت مصمم على حاجة زيرو من دول يبقى الباسات 2012 انا والله ركبتها مالهاش حل بجد بس ياريت تبعد عن الفتيس ال DSG خالص وانت تستريح منها
تانى تفكير ليك هيكون الفانتازيا كويسة زى ماقالوا الاعضاء
فانتازيا