شارك ولا بومة هل فعلا البومة انتاجها هيوقف 2012 وهى أحسن ولا الشارك فى كل حاجة
عرض للطباعة
شارك ولا بومة هل فعلا البومة انتاجها هيوقف 2012 وهى أحسن ولا الشارك فى كل حاجة
محدش عارف حاجة ولا ايه
شارك افضل من بومه لأنها تطوير تكنولوجيا لانسر
الشارك جنوط 16 يعنى ثبات اكتر و كماليات اكتر من بومه حساس مطر و نور و زينون و صب و ملتى فانكشن و مرايا صالون تعتيم اتوماتيك و تلاجه فى درج وصالون اوسع و افخم من بومه لكن شنطه شارك مش صغيره معقوله و عفشه ملتى لنك يعنى افضل من عفشه بومه على فكرة عفشه بومه حلوة لكن اقصد شارك عفشتها اتطورت اكتر و فيها كمبيوتر تحفه و موتورها موفر اكتر فى بنزين لأنها 1500 بس عدد حصانه و عزم اعلى من بومه غير انه مايفيك 2 كامه
دى حاجات اللى تميز شارك عن بومه فلو انا مكانك اختار شارك هاى لاين بدون اى كلام دة رأى و اتمنى اكون افادتك و لو فى اى استفسار تانى انا تحت امرك.
و كل عام و انت بخير
هو لو هتبقى شارك هتكون مانيوال وكذلك البوما
شارك اعلى فئه
الشرك أحسن في كل حاجة مع وجود بعض تحفظات ليا على الموتور (ومش حكايه إنه 1500)
يا جماعة انا بقولكم العربيتين هيكونوا مانيوال وحنا عايزين حاجة قطع غيارها موجودة لان العربية ان شاء الله بتقف فى شوارع غريبة وزحمة وكدة فمعرضة انها تتخبط وكنت قريت ان الشارك قطع غيارها مش موجودة غير فى التوكيل وانا من طنطا واقرب توكيل لى فى المنصورة
ماهو دة يا احمد بسبب الأتنين كامة وعلى فكرة واالله انا توقعت انك هتقول كدة فياتاوية زى بعض بقى
ياباشا اقصى عزم بيطلع عند 4000 زي اغلب العربيات, البومة على فكرة اقصى عزم عند 4500, السيفيك بتطلع اقصى عزم على 4200, الكورولا تخيل على 5200, العربيات الالمانى تقريبا هى اللى بتطلع اقصى عزم على RPM منخفض, زى vw 1.6 بيطلع اقصى عزم على 3800
وكل سنة والجميع بخير
مظنش ان فى شارك مانيوال !!
الشاهين العزم بيطلع عند 3000
بصراحه انا سقت الاتنين
البومه احسن بكتير جدااااااااااا في القياده
وقطع غيارها ارخص بكتير جدا جدا جدا
وموتورها اقوى بالنسبه لوزن العربيه
وسعر بيعها احسن بكتير
بس الشارك شكلها احسن وشياكه زي مانت شايف وكماليات بقى وجنوط والحركات دي
سعر بيعها في الضياع مابتتباعش الا بخساره جامده
بس الاتنين ميتسوبيشي يعني من ناحيه المتانه ماتقلقش
مشكور على ردك وفعلا كلامك صح بس انا مسقتش البوما ولا الشارك بس من ناحية قطع الغيار البوما ارخص بكتير فعلا من الشارك وكأعادة بيع أفضل
الشارك احلي واشيك واجدد ومتميزه اكتر وليها حضور اكتر من البومه بكتييييييييير
بس لو جبت شارك يبقي اعلي فئه اللي فيها سبويلر وعتب وجنوط اسبور عشان بصراحه اول فئه بيبقي شكلها عريان قوي ومش ظريفه خالص
ماهى الفكرة ان والدى عايز عربية مانيوال ومش عايز اوتو وكمان عايز حاجة قطع غيارها موجودة
انا عندي الاتنين ونصيحتي ليك
الشارك احسن بس تكون كامله , غير كدا مش هتستمتع بالعربيه
والبومه تسارع حلو تحت 100 بس بعد 100 الشارك تجميعها احسن وثبات عالي جدا
طبعا البومه برضو ثابته بس الشارك تحس بأنك مطمأن اكتر ومتحكم في العربيه اكتر
البومه الي عندي 2006 بس ما اعرفش بقى هل البومه الجديده ثباتها وامكانياتها اختلفت ولا زي ما هيا