تاخير فى الدوارة

**astra** · 04-11-2011 07:05 PM

الاخوه الاعزاء
كانت شكوتى الاساسية ان السيارة لاتدور من اول مرة فلابد ان استمر بالضغط على المفتاح لتستجيب من اول مرة خلاف ذلك كانت تقوم وبعدين تبطل
والان قمت بفك كلا من حساس الايدل والاكسراتير ونظفتهم تمام ثم قمت برش wd40 ثم قمت بالتنشيف
وبعد التركيب وجدت ان صوت السيارة هدى تماما والسحب جميل فطفيت السيارة ثم اعدت تدويرها وجدت ان الrpm مش مظبوط والصوت على فقلت اعمل بيها مشوار على السريع واقرص على الموتور لعل بالبوابة بواقى من سوائل التنظيف وبالفعل السيارة انتظمت ولكن عند رفع الرجل من على البنزين ال rpm بيرجع على مرحلتين والصوت على بسيط مع وجود رعشة بسيطة لكن مش مهم المهم ان الشكوى الاساسية زادت وهى ان السيارة اصبحت لا تدور الامن ثالث او رابع مرة مع الاستمرار بالضغط على المفتاح فا مش عارف زى مابيقولوا جه كحلها عماها هههههههه
موديل 2010 عاملة 30 الف كم من اسبوعين مغير بوجيهات وسلك بوجيهات وفلتر بنزين وهواء مع فك خرطوم الهواء وبخ سائل تنظيف اثناء الدوارة
معلش اسف جدا على الاطالة

**Ahmed Nasser** · 04-11-2011 07:27 PM

فية دخنة سودا معاك
لو فية يبقى رشاشات

**astra** · 04-11-2011 09:04 PM

المشاركة الأصلية كتبت بواسطة a333

فية دخنة سودا معاك
لو فية يبقى رشاشات

مفيش دخنة سوداء ولا بيضة وبتعمل190 كم فى ال20 لتر بنزين داخل البلد وهذا هو معدلها من يوم ما اشتريتها وبحسب المعدل عن طريق تفويل العربية وقراءة العداد ثم التفويل هل ممكن يكون السبب ضعف فى البطارية مع العلم ان فى كل مرة لا تدور المارش بيقوم ويتحرك الموتور ثم تتوقف

**Ahmed Nasser** · 04-11-2011 10:48 PM

وعلى الطوالى الاستهلاك عامل ايه
والبوجهات اخبارها ايه

**astra** · 05-11-2011 01:47 AM

على السريع بتعمل حوالى 220 كم فى ال20 لتر والبوجيهات زى ماقلت مغيرها من اسبوعين ب n j k الكترونى واحد شمعة

**XGoGoX** · 05-11-2011 06:44 AM

جايز قوي تكون مشكلة طرمبة البنزين
إستخدم سائل منظف دورة البنزين وأقرص عليها في مشوار طول
وقولنا عالنتيجه

**astra** · 05-11-2011 11:08 AM

بصراحة انا تعبت من يوم ما ركبت عربيات ومفيش مرة اروح لصنايعى اقوله على مشكلة فى السيارة الا ويجرب فيه والتجربة معناها فلوس ثمن قطعة غيار وتركب الجديدة ونفس المشكلة ولما تعاتبه يقولك لأ ماهى برضه كانت بايظة ويحسسك ان العيب سببه تلف مجموعة من القطع وليست واحدة وطبعا تغيير مجموعة من القطع معناها مصنعية اكبر يعنى من الاخر الصنايعى اللى مش فاهم بيتعلم فيه وبياخد فلوس كتير ويبهدل العربية ولسة العيب زى ما هو علشان كده انا بقول تعبت وقرفت وخطر لى فكرة ان عربيتى تساوى 60 الف جنية لو حطيتهم فى بنك فيصل الاسلامى بيدى حوالى 6 % فى السنة يعنى حوالى 300 جنيه فى الشهر بالاضافة الى 300 جنيه حق البنزين والجراج يعنى 600 جنيه فى الشهر اركب بيهم تاكسيات واريح نفسى من السواقه فى الزحمة والمخالفات واصابات السير وما يستجد

**XGoGoX** · 05-11-2011 03:23 PM

المشاركة الأصلية كتبت بواسطة astra

بصراحة انا تعبت من يوم ما ركبت عربيات ومفيش مرة اروح لصنايعى اقوله على مشكلة فى السيارة الا ويجرب فيه والتجربة معناها فلوس ثمن قطعة غيار وتركب الجديدة ونفس المشكلة ولما تعاتبه يقولك لأ ماهى برضه كانت بايظة ويحسسك ان العيب سببه تلف مجموعة من القطع وليست واحدة وطبعا تغيير مجموعة من القطع معناها مصنعية اكبر يعنى من الاخر الصنايعى اللى مش فاهم بيتعلم فيه وبياخد فلوس كتير ويبهدل العربية ولسة العيب زى ما هو علشان كده انا بقول تعبت وقرفت وخطر لى فكرة ان عربيتى تساوى 60 الف جنية لو حطيتهم فى بنك فيصل الاسلامى بيدى حوالى 6 % فى السنة يعنى حوالى 300 جنيه فى الشهر بالاضافة الى 300 جنيه حق البنزين والجراج يعنى 600 جنيه فى الشهر اركب بيهم تاكسيات واريح نفسى من السواقه فى الزحمة والمخالفات واصابات السير وما يستجد

والله ياصاحبي أنا مقدر دوختك وتعبك لأني دخلت في حوارات زي دي كتير وصرفت كتير
وبرضو بتفضل المشكله موجوده وبيغيظك إن الصنايعي بيتعلم فيك وعلى حسابك
حاجه تحرق الدم بجد
بس في رأيي ميكونش الحل إنك تبيع العربيه خالص
أنا شايف إنه طالما ركبت عربيه صعب تتحرك من غيرها
بس ممكن لو قفلت منها خالص نفسيا
بعها وهات زيرو

**astra** · 08-11-2011 06:54 PM

ماهى اللى معاية تعتبر زيرو لانها 2010 وعاملة 30 الف كم يعنى ده مش رقم كبير فى عمر اى عربية والمشكلة ان حتى الزيرو بيخرج من المصنع برضه فيه عيوب والتقفيل بيختلف من عربية للثانية زى ما يكون بيقفلوها تحت بير السلم علشان كده انا كنت فتحت موضوع بعنوان ( سعر مبالغ فيه ) لان امكانيات العربية وتقفيلها ميستهلش السعر ده