ازاي تعرف المصري في اي مكان !!

بسم الله الرحمن الرحيم
السلام عليكم و رحمة الله و بركاته

ازاي تعرف المصري في اي مكان ؟؟!!

و بما اننا في منتدي سيارات هبتدي بديه و ربنا يستر طريق الجميع ان شاء الله

- لما عربية تعمل حادثة و فى ثوانى تقف
لها يجي 20 عربية و اي شخص في الشارع او محل يجي يجري عشان ينقذوا المصابين و كل شخص يساهم اللي يجيب شنطة الاسعافات الاولية و اللي ينظم المرور عشان الدنيا متقفش و اللي يشيل البطارية عشان متتسرقش او ميحصلش حاجة و اللي يجري يجيب مية و اللي يجري يجيب طفاية و اللي يعرض انه يوصل المصابيين او يتصل بقرايبهم و يعدلوا العربيات او يشيلوها حتي ع جنب عشان الطريق و يفضل الجميع واقف جنب الحادثة لحد ما يتأكدوا انه كله تمام.
يبقوا المصريين

- لما واحدة عربيتها تقف في الشارع سواء عجلة او بسبب اي عطل و هي محتارة
تلاقي الجميع تطوع لتقديم المساعدة
يبقي دول مصريين

- لما الدنيا تقفل و الشوارع تقف في التقاطاعات و تلاقي كل شخص في الشارع نزل عشان يسلك الشارع و الناس تمشي
يبقي مصري

- لما تسأله ع عنوان و يقولك تعالي ورايا بدل ما تتوه و ساعات بيغير طريقه عشان يوريك الطريق
يبقي مصري

- لما تيجي تدفع الأجرة لواحد أول مرة تعرفه و يحلف عليك و يقولك : خلي بقي .
يبقي مصري

- لما واحد يركب مواصلات و معهوش فلوس يدفع تلاقي الناس تبرعت بتمن التذكرة ده لو السواق مقلش خلاص اجرتك عندي
يبقوا مصريين

- لما تلاقي خناقة فى المواصلات كل واحد فيهم بيحلف إنه يدفع الاجرة للتاني .
يبقي مصري

- لما يكون شغال في مطعم او صاحب مطعم و يجيله واحد غلبان عايز ياكل و معهوش فلوس ياكل و تلاقيه طلعله اكل.
يبقي مصري

- لما يكون فيه عيد او اي موسم و تلاقي الناس نازيين يوزوعوا عيش و لحمة و رز او اكل بشكل عام.
يبقوا مصرييين

- لما تلاقيهم عاملين موائد رحمن في رمضان و كله يساعد باللي يقدر عليه و يوزعوا ياميش رمضان.
يبقوا مصريين

- لما اتنين ينزلوا في وسط الشارع يتخانقوا و تلاقي كل الناس جريت و العربيات ركنت عشان ينزلوا يفضوا بينهم و يهدوهم و يصحلوا المشكلة.
يبقوا مصريين

- لما تلاقي شخص عاجز و بيحاول يطلع سلم او ينزل او يعدي الشارع و تلاقي واحد بيجري عليه يساعده او يوقف العربيات كله و يعديه و يعرض انه يوصله كمان لحد المكان اللي هو عايزه بالرغم انه مستعجل
يبقي مصري

- لو صليت في مكان وبعد الصلاة اللي جنبك مد ايده وقالك تقبل الله.
يبقي مصري

- إذا سمعته بعد أن يضحك كتير يقول " خير اللهم إجعله خير " .
يبقي مصري

- لو إتصلت بيه في التليفون , وقال لك من غير مناسبة " كل سنة وإنت طيب " .
يبقي مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه.
يبقي مصري

- لو دخلت عليه وكان بياكل ولو حتى عيش و ملح لازم يقولك اتفضل الأكل ويمسك فيك.
يبقي مصري

- لما تلاقي واحد بيقضي العيد فى المقابر مع حبايبه اللي ماتوا.
يبقي مصري

- لما تلاقي ست في الرايحة والجاية عمالة تدعي لأولادها وتخلى الدنيا
تدعيلهم.
تبقي مصرية

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام حطها جنب الرصيف.
يبقي مصري

-لما تلاقي ولاد الحتة الواحدة و جيه واحد يعاكس بنت من نفس الحتة بيبقي نهاره اسود من قرن الخروب
يبقي مصري

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه.
يبقى مصرى

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .
يبقي أكيد مصري ابن مصري


-. لما تلاقي ست البيت بتحوش البرطمانات الفاضية سنين السنين بدون استخدام مع انها بتنفع
تبقي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه
يبقوا مصريين

- ولما بيمر بأزمة كبييرة , مبينساش يضحك ويطلع نكت و افيهات
ويضحك اللى حواليه وكل العالم يتكلم عليه وعلى خفته

يبقى ده أكيد
شـــــعـــــب مــــــــصــــــر

واكييييييييييييد انت مصرى ابن مصرى

اقتباس:

---

المشاركة الأصلية كتبت بواسطة beautiful0mind

واكييييييييييييد انت مصرى ابن مصرى

---

ههههههههههههه عرفت منين :ma:

اقتباس:

---

المشاركة الأصلية كتبت بواسطة axel

ههههههههههههه عرفت منين :ma:

---

عشان ميكتبش الموضوع ده غير واحد بيعمل الحاجات دى

وكل سنه وانت طيب

جامد
كل سنه وانت طيب

كل سنة وانتا طيب فعلا جامدة جدا

ده كان زمااااااااااااااااااااااا اااااان

هي مصر بتاعتي غير مصر بتاعتكم ولا إيه

على فكرة إنت قلت ربع الكباية الفاضي وسبت التلت تربع الفاضي ده غير إن معظم إللي بتقوله مبيحصلش
يعني مثلا مقولتش إن أما إتنين يخبطوا عربياتهم ينزلوا يسبوا لبعض بالدين
يعني لما عربية تتحرق تلاقي الناس كلها نزلت تتفرج ومحدش راضي يطلع طفايته عشان مستخسر ال 100 جنيه
يعني لما مفيش أي مصلحة حكومية تخلص إلا بالرشوة
وكده يعني والقايمة تتطووووول

لما تلاقي الدنيا واقفة والميكروباص بس هو الي ماشي وطالع الكوبري عكسي

يبقي اكيد مصري


لما الصنايعي يديلك ميعاد ويخلص الشغل بعده ب 3 شهور

يبقي اكيد مصري

لما
لما
لما

انا اسف بس مش عايز افسد موضوعك الجميل بسلبيات المصري اكتر من كدة

والله المستعان
،
،

اقتباس:

---

المشاركة الأصلية كتبت بواسطة axel

[color=black]بسم الله الرحمن الرحيم
السلام عليكم و رحمة الله و بركاته

ازاي تعرف المصري في اي مكان ؟؟!!



- لما عربية تعمل حادثة و فى ثوانى تقف
لها يجي 20 عربية و اي شخص في الشارع او محل يجي يجري عشان ينقذوا المصابين و كل شخص يساهم اللي يجيب شنطة الاسعافات الاولية و اللي ينظم المرور عشان الدنيا متقفش و اللي يشيل البطارية عشان متتسرقش او ميحصلش حاجة و اللي يجري يجيب مية و اللي يجري يجيب طفاية و اللي يعرض انه يوصل المصابيين او يتصل بقرايبهم و يعدلوا العربيات او يشيلوها حتي ع جنب عشان الطريق و يفضل الجميع واقف جنب الحادثة لحد ما يتأكدوا انه كله تمام.
يبقوا المصريين

---

انا اتعرضت لحادثة قبل كده على الزراعى والعربيات اللى حواليا كلهم شافونى وانا العربية بتعوم وتلف منى ومحدش فيهم فكر انه يوقف يشوف ايه اللى حصل دا حتى لما العربية عرضت منى كانوا عمالين يزمرولى ومتضايقين كانى مثلا قاصد :(

بارك الله فيك
انا كنت بدات اكره البلد دي
بس انت فكرتني بحاجات هتخليني اراجع نفسي تاني

اقتباس:

---

المشاركة الأصلية كتبت بواسطة beautiful0mind

عشان ميكتبش الموضوع ده غير واحد بيعمل الحاجات دى

وكل سنه وانت طيب

---

و انت طيب :)
هههههههههههههه عرفت منين برده ههههههههه
متنكرش ان احنا بنعمل اغلب التصرفات ديه

اقتباس:

---

المشاركة الأصلية كتبت بواسطة medicalist

جامد
كل سنه وانت طيب

---

اقتباس:

---

المشاركة الأصلية كتبت بواسطة alfath8

كل سنة وانتا طيب فعلا جامدة جدا

---

و انتم طيبين

و نورتوا الموضوع

اتفضلوا معايا هههههههههههه

اقتباس:

---

المشاركة الأصلية كتبت بواسطة rosebox

ده كان زمااااااااااااااااااااااا اااااان

---

زمان !!!!

اختتلف معاك بشدة لولا اني شوفت التصرفات ديه بعيني و انا اساسا بعمل اغلبها مكنتش كتبت الموضوع ده بل كمان فيه حاجات مكتبتهاش

اقتباس:

---

المشاركة الأصلية كتبت بواسطة رزق

هي مصر بتاعتي غير مصر بتاعتكم ولا إيه

---

لأ هي مصر بتاعتنا كلنا بس لو بصيت من الجانب المشرق او الجانب الابيض او الجانب المزهزه اختار اي جانب يكون فيه امل و هتشوف كل ده و هتعرف ان هي ديه مصر بتاعتنا :)

اقتباس:

---

المشاركة الأصلية كتبت بواسطة شاهين - بنز

على فكرة إنت قلت ربع الكباية الفاضي وسبت التلت تربع الفاضي ده غير إن معظم إللي بتقوله مبيحصلش
يعني مثلا مقولتش إن أما إتنين يخبطوا عربياتهم ينزلوا يسبوا لبعض بالدين
يعني لما عربية تتحرق تلاقي الناس كلها نزلت تتفرج ومحدش راضي يطلع طفايته عشان مستخسر ال 100 جنيه
يعني لما مفيش أي مصلحة حكومية تخلص إلا بالرشوة
وكده يعني والقايمة تتطووووول

---

و من قالك انا يعتبر قولتها وسط الكلام و اقولك بقي حاجة حصلت فعلا امبارح في جسر السويس بليل الساعة 1 و نص تقريبا بليل و اسأل اي حد هناك ساعتها اتنين نزلوا ضرب في بعض لكن عارف ايه اللي حصل ؟؟؟؟ اللي قولته فوق الناس كلها في الشارع تدخلت عشان تحوش بينهم و يهدوهم , شوفت بقي :)

بص يا ريس مش معني ان فيه اشخاص سيئيين يبقي الكل كده و الي بتقول عليه ده حالات فردية
طب انا واحد دخل في العربية عندي من ورا و نزلت و عادي و اتكلمنا و ضحكنا و سلمنا ع بعض و مشينا
موضوع عربية الطفاية برده غير صحيح و زي مقولت انا لولا اني شوفت كل ده او كنت بكون احد هؤلاء الاشخاص مكنتش كتبت الموضوع 100 جنيه في داهية قصاد انك تنقذ روح بني ادم
يا جماعة بصوا من الجانب المشرق بلاش التشاؤم و الضلمة ديه
و كذلك موضوع الرشوة مش معني ان فيه ناس ضميرها سئ يبقي الكل كده ع فكرة انا خلصت مصالح حكومية بدون مليم زيادة
و اقرب حاجة الرخصة انا طلعتها بدون ما ادفع مليم واحد زيادة
انما الناس اللي بتدفع رشوة دول الناس اللي هم مش صح
يعني مثلا واحد رايح يدفع رشوة عشان يطلع رخصة العربية عشان العربية فيها حاجة غلط مفيم او زينون او مش عايز يقف زي باقي الخلق و ماشي بمثل هين قرشك ولا تهينش نفسك كلها بتعتمد ع الشخص نفسه
و قبل ده كله بتكلموا كأن الموضوع ده عندنا في مصر و باقي العالم خلاص ملايكة فيه ايه يا عم الحج ههههههههههههه

و ع فكرة انا اللي بتكلم عليه في الموضوع اني بتكلم عن المميزات اللي موجودة عندنا و مش موجودة بره

و اقرب مثل الحادثة اللي حصلت في الصين البنت اللي داست عليها عربيتين والناس عدت و مشيت و لا كأنهم شايفين حاجة
بلاش في اوروبا او امريكا مش فاكر فين الواد صاحب الموتسيكل اللي نزل تحت العربية و العربية هتنفجر و الناس ادخلت و يا ريتهم كملوا جميلهم دول طلعوه و جريوا و لا يعرفوه ههههههههههه حتي مكلفوش خاطرهم يبعدوه عن العربية اللي خلاص قربت تنفجر


بلاش تشاؤم يا جماعة

اقتباس:

---

المشاركة الأصلية كتبت بواسطة syd

لما تلاقي الدنيا واقفة والميكروباص بس هو الي ماشي وطالع الكوبري عكسي

يبقي اكيد مصري


لما الصنايعي يديلك ميعاد ويخلص الشغل بعده ب 3 شهور

يبقي اكيد مصري

لما
لما
لما

انا اسف بس مش عايز افسد موضوعك الجميل بسلبيات المصري اكتر من كدة

والله المستعان
،
،

---

شكلي هضيف حاجة وا قول ان لما تلاقي الناس متشائمة و معندهمش امل يبقي نص مصري ههههههه
انا موضوعي واضح اني بتكلم ع المميزات اللي موجودة هنا و مش موجودة برة و ذكرت المثل فوق
اما اللي بتقوله زي مقولت حالات فردية مش سلبيات المصري لأ ديه سلبيات الشخصيات
متجبش التصرفات ديه ع المصري لكن جيبها ع الشخصيات
لكن اللي بتكلم فيه في الموضوع ميتجبش غير ع المصريين هههههههه
الميكروباصات اينعم مخلوقات غريب ههههههههه بس برده فيه ناس منهم بتمشي صح زي الملاكي منهم اللي يمشي الطريق كله غلط و اللي يمشي صح
كل ديه حاجات محتاجة حزم و شدة بس مش اكتر
انما بنتكلم ع اللي بنتميز بيه
اخدت بالك من قصدي :)

انا شوفت ناس عايز اقولك مش هتشوف اسوء منهم في كل حاجة انما لما بتحصل مصيبة بتلاقي رايح يجري يساعد ديه النقطة اللي بتكلم فيها مهما كانت الشخصيات لكن برده العرق المصري ظاهر :)

اقتباس:

---

المشاركة الأصلية كتبت بواسطة ainshouka

انا اتعرضت لحادثة قبل كده على الزراعى والعربيات اللى حواليا كلهم شافونى وانا العربية بتعوم وتلف منى ومحدش فيهم فكر انه يوقف يشوف ايه اللى حصل دا حتى لما العربية عرضت منى كانوا عمالين يزمرولى ومتضايقين كانى مثلا قاصد :(

---

حادثة ازاي يعني لا قدر الله خبطت في حد او دخلت في عمود او طلعت فوق الرصيف ؟؟؟؟
و لا مجرد ان العربية عامت منك و وقفت
أصل الموضوع ده عادي ياما عربيات بتعوم و انا نفسي عامت و عادي مفيش اي مشاكل لأنها حاجة بسيطة
اما االلي بيزمروا دول أأؤكدلك انهم ناس مش شايفين اللي حصل
او ناس شايفين انها مش مستهلة يعني اركن ع جنب و انجز بقي مستعجليين ههههههههههههههه
انا من حوالي شهرين تلاتة كنت راكب جنب واحد و دخل في عربية تانية و الخبطة كلها كانت عندي و يا دوب سلكت نفسي من العربية و نزلت بطوح و كنت هقع الشارع كله جيه جري و شالوني و اللي جابلي مية و اللي يشوف لو فيه اي كسور في ايدي او رجلي و اللي جيه من المحلات و الكافتيريا و اللي راح يجيب دكتور من الصيدالية غير السكان اللي نزلوا من العماير جري و اللي لم حاجتي اللي طارت في الشارع و حطوها كلها في العربية زي مهي بدون ما تنقص حاجة و لا مليم حتي نقص
ها ايه رأيك ؟؟؟
و ديه مش اول حادثة اكون فيها و يحصل كده و اكتر او اكون احد الاشخاص اللي يجروا عشان يساعدوا المصابيين

:ma:

فيها حاجة حلوة . حاجة حلوة بينا

حاجة كل ما تزيد زيادة فيها إنة

فيها نية صافية .فيها حاجة دافية

حاجة بتخليك تثبت فيها سنة سنة
----------
يارب تبقى كده فعلا وترجع أيام زمان الجميلة - تسلم على الموضوع

اقتباس:

---

المشاركة الأصلية كتبت بواسطة axel

حادثة ازاي يعني لا قدر الله خبطت في حد او دخلت في عمود او طلعت فوق الرصيف ؟؟؟؟
و لا مجرد ان العربية عامت منك و وقفت
أصل الموضوع ده عادي ياما عربيات بتعوم و انا نفسي عامت و عادي مفيش اي مشاكل لأنها حاجة بسيطة
اما االلي بيزمروا دول أأؤكدلك انهم ناس مش شايفين اللي حصل
او ناس شايفين انها مش مستهلة يعني اركن ع جنب و انجز بقي مستعجليين ههههههههههههههه
انا من حوالي شهرين تلاتة كنت راكب جنب واحد و دخل في عربية تانية و الخبطة كلها كانت عندي و يا دوب سلكت نفسي من العربية و نزلت بطوح و كنت هقع الشارع كله جيه جري و شالوني و اللي جابلي مية و اللي يشوف لو فيه اي كسور في ايدي او رجلي و اللي جيه من المحلات و الكافتيريا و اللي راح يجيب دكتور من الصيدالية غير السكان اللي نزلوا من العماير جري و اللي لم حاجتي اللي طارت في الشارع و حطوها كلها في العربية زي مهي بدون ما تنقص حاجة و لا مليم حتي نقص
ها ايه رأيك ؟؟؟
و ديه مش اول حادثة اكون فيها و يحصل كده و اكتر او اكون احد الاشخاص اللي يجروا عشان يساعدوا المصابيين

:ma:

---

كنت لبست في رصيف علي سرعة كانت في منطقة مظلمة والعربيات اللي جاية في المقابل كانت قايدة العالي وكانت لحظات مشفتش فيها الرصيف

بس دا مينفيش وجود الناس الطيبة بس دلوقتي الوحش بقي كتير برضه

شكرا على الموضوع الجميل دة

اقتباس:

---

المشاركة الأصلية كتبت بواسطة mustafavet

بارك الله فيك
انا كنت بدات اكره البلد دي
بس انت فكرتني بحاجات هتخليني اراجع نفسي تاني

---

طب الحمد الله

يا ريت تقول للاخرين الكلام ده

اكيد كل واحد بيمر عليه لحظة غضب من اي موقف عدي عليه لكن بيرجع تاني في كلامه لما بيفكر في هنا و برة

اقتباس:

---

المشاركة الأصلية كتبت بواسطة محمد فريد

فيها حاجة حلوة . حاجة حلوة بينا

حاجة كل ما تزيد زيادة فيها إنة

فيها نية صافية .فيها حاجة دافية

حاجة بتخليك تثبت فيها سنة سنة
----------
يارب تبقى كده فعلا وترجع أيام زمان الجميلة - تسلم على الموضوع

---

يا رب تزيد اكتر من الأول

اقتباس:

---

المشاركة الأصلية كتبت بواسطة ainshouka

كنت لبست في رصيف علي سرعة كانت في منطقة مظلمة والعربيات اللي جاية في المقابل كانت قايدة العالي وكانت لحظات مشفتش فيها الرصيف

بس دا مينفيش وجود الناس الطيبة بس دلوقتي الوحش بقي كتير برضه

---

اولا الف حمد الله ع سلامتك
و هو ده اللي اقصده فيه ناس سيئة لكن برده حتي الناس السيئة برده تلاقي الطيبة المصرية فيهم
يعني تخيل اتنين اتخانقوا و ضربوا بعض و اول ما واحد فيهم بيقع في مأزق التاني بيجري عليه يلحقه

اقتباس:

---

المشاركة الأصلية كتبت بواسطة ahmedbasto

شكرا على الموضوع الجميل دة

---

نورت يا باشا الموضوع :)

يا جماعة مصر فيها 85 مليون ( ماشاء الله لاقوة إلا بالله )

لو فيها 10 مليون فاسد هايبانوا كتيييييييير

ولو فيها 10 مليون صالح هايبانوا كتيييييييير

أنا حصلي حادثة في طريق اسكندرية سنة 2008

والله شفت العجب

من اسر وشباب وقفوا مخصوص عشان يتطمنوا عليا وطبعا مش محتاج اقول ان فيهم مسلمين ومسيحيين وفيهم الشال العربية رجابها على جنب وفيهم القعدت مع مراتي وابني تهديهم وتطمن عيهم وفيهم الشال تراب عشان يغطي على الزيت الاتكب والكان بيجري فعلا بطفاية غير البيواسيك و يقولك في ستين داهية الحديد المهم سلامتك

وعلى الجانب الاخر تلاقي واحد جايلك يقولم انا فلان الفلاني عندي قطع غيار واربع للعربية لو احتجت اي حاجة ويديك تليفونة ( بيتاجر في عز المصيبة)
وعسكري عايز حلاوة ان معملش محضر اتلاف ممتلكات عامة عشان دخلت في فاصل خرسانة ده غير بتوع الونش البيشتروا ويبيعوا فيك

با جماعة انها الدنيا والنفس البشرية بخيرها وشرها

وبرضه فيها حاجة حلوة ........ لا يمكن تلاقيها في اي بلد تانية
وكل سنة وانتم طيبين

1- لما تلاقى واحد واقف بيتبول فى وسط الشارع (ميدان رمسيس مثلا) دون حياء .
2- لما تلاقى سقف عربيتك بقى مزبلة لو ركنتها يوم ولا حاجة .


وعد كمان بقى

اقتباس:

---

المشاركة الأصلية كتبت بواسطة syd

لما تلاقي الدنيا واقفة والميكروباص بس هو الي ماشي وطالع الكوبري عكسي

يبقي اكيد مصري


لما الصنايعي يديلك ميعاد ويخلص الشغل بعده ب 3 شهور

يبقي اكيد مصري

لما
لما
لما

انا اسف بس مش عايز افسد موضوعك الجميل بسلبيات المصري اكتر من كدة

والله المستعان
،
،

---

يا عم هو لازم تفكرنا ....
ما كلنا عارفين
انت نفسك قلت بس مش عايز افسد موضوعك الجميل
انت بتسلم على زميلك فى الشغل وتبتسم فى وشه واحيانا بتحضنه وبتبوسه وانت ما بتحبوش
لو فكرنا نفسنا بكل السلبيات يبقى نموت احسن عشان ساعتها الدنيا هتبقى كلها سودا
شوفت فيلم عسل اسود
سمعت اغنيه فيها حاجة حلوة ....هى فعلا كده فيها حاجة حلوة رغم كل السلبيات وربنا يقدرنا ونغير السلبيات دى

جزاك الله خيرا ...موضوع رائع....وربنا يكتر من الموضوعات التي تبث فينا الامل من جديد ...وحتى لو في ناس وحشه كتير بالأمل ان شاء الله الوحش هيتغير ولكن بالصبر والعمل

عايز اقولك حاجة من يعمل مثقال ذرة خير يره ومن يعمل مثقال ذرة شرا يره
شوف انت بتعمل ايه مع الناس هتلاقيه بيحصل معاك قال ص الله عليه وسلم يا ابن ادم اعمل ما شئت كما تدين تدان
انا مثلا عشان عرف ان لسه فى خير
1-اول امس وانا مسافر لقيت ست وقفة جنب سيارتها ومفيش عربية عايزة تقف وقفت وكان معايا زوجتى وابنى وسالتها خير فى حاجة سالتنى على الطريق امشى كده ولا كده عرفتها الطريق الصح وماخدتش اكتر من دقيقة
2-امس رجعت من البحيرة وعامل 175 كيلو مستمر وقبل ما اروح البيت (القاهرة الجديدة) رحت مشوار فى مدينة الشروق 50 كيلو تانى وانا راجع بصيت على شاب من غير ما يشاور لى وقفت له سالته رايح قين؟ قلى اول طريق السويس قلت له انا هاكمل على الدائرى قالى انا رايح قلت خلاص كمل معايا
بالرغم من ان لسه مستلم عربيتى من اسبوع 2012
3 - من فترة وقفت انا واسرتى وغيرت استبن لسيدة وقفة مش عارفة تعمل حاجة
4- وبعدها غيرت لجارى فردة كاوتش فى سيارة اخته
5- وقبلها وقفت فى الدائرى لاسرة عطلانةفى نفق الدائرى ووقفت معايا عربية ماتريكس وكان معايا واير وشديناه لغاية البنزينة وخدنا ساعة من وقتنا وجهدنا
6- ومرة عربيتى الفرده نامت وكان معايا اسرتى وقف لى اكتر من3 او اربع سيارات للمساعدة وشكرتهم جميعا وغيرت
7 - ومرة كنت محتاج مفتاح عجل ربنارزقنى بعربية نصف نقل وقفت لى لغاية ما غيرت

وغيرها مواقف كتير
لازم نبص فى نص الكوب الممتلء عشان الحياة تمشى واكيد فى سلبيات وفى ناس مش كويسة بس لازم ما نفكرش فيهم لازم حنا نفضل اهل للخير لان الناس لو ما كانتش اهل الخير فانت اهل لفعل الخير

اقتباس:

---

المشاركة الأصلية كتبت بواسطة م.احمد زكريا

يا جماعة مصر فيها 85 مليون ( ماشاء الله لاقوة إلا بالله )

لو فيها 10 مليون فاسد هايبانوا كتيييييييير

ولو فيها 10 مليون صالح هايبانوا كتيييييييير

أنا حصلي حادثة في طريق اسكندرية سنة 2008

والله شفت العجب

من اسر وشباب وقفوا مخصوص عشان يتطمنوا عليا وطبعا مش محتاج اقول ان فيهم مسلمين ومسيحيين وفيهم الشال العربية رجابها على جنب وفيهم القعدت مع مراتي وابني تهديهم وتطمن عيهم وفيهم الشال تراب عشان يغطي على الزيت الاتكب والكان بيجري فعلا بطفاية غير البيواسيك و يقولك في ستين داهية الحديد المهم سلامتك

وعلى الجانب الاخر تلاقي واحد جايلك يقولم انا فلان الفلاني عندي قطع غيار واربع للعربية لو احتجت اي حاجة ويديك تليفونة ( بيتاجر في عز المصيبة)
وعسكري عايز حلاوة ان معملش محضر اتلاف ممتلكات عامة عشان دخلت في فاصل خرسانة ده غير بتوع الونش البيشتروا ويبيعوا فيك

با جماعة انها الدنيا والنفس البشرية بخيرها وشرها

وبرضه فيها حاجة حلوة ........ لا يمكن تلاقيها في اي بلد تانية
وكل سنة وانتم طيبين

---

كلامك مظبوط يا استاذ احمد و انا حصل معايا اكتر من كده انا مكتبتش الموضوع مجرد اهو موضوع بنزله و خلاص انا كتبت الموضوع عن اقتناع لأن ده اللي شفته بعيني و نقلته بالظبط و يمكن اقل
محدش يقدر ينكر ان فيه ناس سيئة و ناس كويسة
لكن اللي اقصده ان عندنا ميزات عمرك ما هتلاقيها غير هنا حتي من الناس السيئة برده هتلاقي فيهم نفس الكلام اللي قولته فوق ده بقي اللي بيميزنا :)

اقتباس:

---

المشاركة الأصلية كتبت بواسطة mesaharaty

1- لما تلاقى واحد واقف بيتبول فى وسط الشارع (ميدان رمسيس مثلا) دون حياء .
2- لما تلاقى سقف عربيتك بقى مزبلة لو ركنتها يوم ولا حاجة .


وعد كمان بقى

---

يا ريس انا بتكلم ع الميزات اللي بتميزنا عن غيرنا
و كمان فكرك يعني ان برة محدش بيعملها في الشارع و لا في الصحرا سيبك من ديه
هل حضرتك بتقلده و تعمل زييهم ؟؟
لو الناس كلها عملت كده و واحد بس اللي كويس يبقي فيه امل
يا جماعة خلوا عندكم امل بلاش الاحباط ده هههههههههه

اقتباس:

---

المشاركة الأصلية كتبت بواسطة wael30003

يا عم هو لازم تفكرنا ....
ما كلنا عارفين
انت نفسك قلت بس مش عايز افسد موضوعك الجميل
انت بتسلم على زميلك فى الشغل وتبتسم فى وشه واحيانا بتحضنه وبتبوسه وانت ما بتحبوش
لو فكرنا نفسنا بكل السلبيات يبقى نموت احسن عشان ساعتها الدنيا هتبقى كلها سودا
شوفت فيلم عسل اسود
سمعت اغنيه فيها حاجة حلوة ....هى فعلا كده فيها حاجة حلوة رغم كل السلبيات وربنا يقدرنا ونغير السلبيات دى

---

+11111111111111111

اخيرا :36_1_8[1]: :36_1_8[1]: :36_1_8[1]:

:ma: :ma: :ma: