المشاركة الأصلية كتبت بواسطة ahmod
على فكرة يا جماعة زيت موبيل 1 ال 10 الف مش وحش زي مانتم متخيلين
انا من ساعت ماجبت العربية مش بحط غيره
ودلوقتي المفروض اني هغيره لانه بقاله كدة 10 الاف كيلو نزلت من يومين اقيس مستوى الزيت ليته فل وتمام يعني كمل معايا ال 10 الاف كيلو بدون مالزيت ماينقص ولا احتاج اني ازوده ولا اي حاجة زي ماسمعت ناس بتقول انها كانت بتزوده بعد 5 الاف كيلو
مع العلم اني اغلب سواقتي حرق على الغيارات والزيت مغيره من شهر 4 اللى فات يعني فضل معايا مدة طويلة لاني مش بتحرك بالعربية كتير
هو صحيح دلوقتي استهلاك البنزين زاد شوية وصوت الماتور علي نوعا ما بس تقدر تقول اني مابدأتش احس بالكلام ده الا بعد ماتقول كدة الزيت تم معايا 9 الاف كيلو
يعني قعد معايا 9 الاف كيلو بدون اي مشاكل نهائيا وحتى لما كمل ال 10 الاف ممتاز ماحستش بمشاكل
فانا هغيره خلال اسبوع ولا حاجة وهحط برضوا موبيل 1 برضوا لانه ممتاز على الاقل من وجهة نظري
وبعدين يا جماعة معلش لو الزيت مش كويس التوكيل ماكنش هيوافق بيه لانه مش هيخسر سمعته عشان فلوس هياخدها من شركة موبيل 1