انا شايف ان ال 1600 كفاية اوي الصراحه
عرض للطباعة
انا شايف ان ال 1600 كفاية اوي الصراحه
طب ماتقولي يا باشا ايه اخبار الجنط ال 17 معاك ؟ وعامل ايه في العفشة ؟ وكمان انت مهبط العربية ازاي ؟ قصيت السوست ولا ركبت سوست ومساعدين اسبور ؟
وبرضوا ايه الاخبار مع المطبات ؟ وماتورينا كدة صورة
انا كنت عايز احط الجنط ال 17 بس خفت من العفشة
والماتور ال 1500 مش محتاج دعامات ولا اي حاجة لان كدة كدة العربية بداية من موديل 2009 فما فوق بقت بتنزل بالماتور ده استوك
وهو بيطلع 105 حصان وعلى وزن الياريس بيدي اداء جامد اوي
بيديلك تسارع من 0-100 في حدود ال 9 ثواني تقريبا
انا مش مع حضرتك في الموضوع ده على فكرة
لان وزن الياريس يعتبر قريب من وزن الكورولا الشكل القديم والشاسيه متقارب بشكل كبير
ومع ذلك الكورولا الشكل القديم بتنزل برة بالماتور ال 1.8 استوك عادي جدا !
كل اللى محتاجه ممكن شوية دعامات بس عشان يبقى في الامان
الفرامل طبعا هتحتاج تعدلها ومش محتاج جنط 18
والعفشة تركب عفشة اسبور ومات الكلام في قصة الثبات
وفي الاخر انا مانصحش انه يسقط الماتور ال 1500 لانه كدة كدة مش هيديله الاحساس اللى في دماغه لانه اصلا بينزل استوك هو طبعا افضل من ال 1300 بس مش الفرق اللى يدفع فيه فلوس ويسقط ويتعب نفسه
ويعتبر قريب من العربيات ال 1600 اللى في السوق يعني مش هتحس انك سقطت لان الفرق مش كبير
اه هتعلم على اغلب ال 1600 اللى في السوق بس مش بكتير لو عربية جراية هتلاقيها جمبك او وراك بحجات بسيطة
يعني هيديلك مثلا فرق ثانيتين في التسارع من 0-100
لو انت شايف ان ده الاداء اللى انت عايزه يبقى توكل على الله
لان الموضوع في التسقيط بيبقى معتمد اساسا على انت عايز توصل العربية لكام حصان ؟ وعايز الاداء يبقى عامل ازاي ؟ ؟
هو قصده انك طالما كدة كدة نويت تسقطاقتباس:
معلش هو يعنى ايه عربية project ?? و بعدين هو الماتور ال1800 ده بيدى كام حصان على كده لوحده ؟
يبقى سقط وركب تربو وعفشة سبور واظبط الدنيا على الاخر وخليها تعلى فوق ال 200 حصان ! بس طبعا دي كلها حجات هتفتح الميزانية معاك بكتير
الى غير اني افضل ان يبقى معاك مكنة استوك من تويوتا افضل من تعديلات التربو والكلام ده << مجرد وجهة نظر
هيعمل كام فلوس مش عارفاقتباس:
طب هو ال1500 ده هيعمل كام فلوس وهل هيحتاج دعامات والكلام ده ولا بيتسقط وخلاص ؟؟
بس اعتقد القصة دي ممكن تتعمل في التوكيل طالما العربية بقت بتنزل بالماتور ده
ومش عارف اذا كان فيه امكانية ياخدو ماتورك ويدولك الماتور ده وتدفع انت الفرق
طبعا التوكيل اضمن واحسن بس هتدفع اكتر :plusone1:
ممكن تتصل بفرق ابورواش تسال ولو ينفع قلنا القصة هتكلف كام
و الله الجنط ال17 زى الفل و حسيت فعلا بفرق فى الثبات , بس الطارة تقلت شوية عن الاول , و بالنسبة لتوطية العربية انا الاول كنت قصيت السوست و بعدين الحوار ما عجبنيش رجعت جبت سوست تانية اقصر وانشف شوية و دى العفشجى هو الى جابهم .
المشكلة فى الجنط ال17 والكاوتش الرفيع انه محتاج مشى بالهادى اوى فى الحتت الكسرة حتى لو تكسير خفيف , ودى حاجة مش فيا الحقيقة و مش عارف امشى بالراحة فكل شوية الاقى الكاوتش عمل بلالين و حركات ملهاش لازمة خالص فبضطر اغير الكاوتش , حتى انا لغاية دلوقتى عندى فردتين عايزين يتغيروا , رحت شايل الجنط و ركبت ال15 لغاية ما ربنا يكرم بفلوس اجيب فردتين جداد ..... غير كده الجنط ال17 مفيش منه مشكلة انا مركب 215\ 40 و تمام و زى الفل ... كنت ناوى برده اغير العفشة واجيب واحدة سبور بس لاقيت الموضوع هيعدى جامد و ماكنش فيه فلوس ساعتها , بس ان شاء الله ناوى تانى اعمل شغل فى العربية بس مستنى احوش مبلغ محترم علشان اعمل الشغل كله مرة واحدة
مانا كنت خايف من الجنط ال 17 عشان قصة البلالين دي
ومع العرض 215 لازم الطارة تتقل بكتير
بس مش بتحك عندك في الرفارف الداخلية ؟ ؟ اصل انت كدة عرضت بكتير
انا لما قررت اجنط حطيت 195/50/16 وشايف انه يعتبر احسن مقاس للياريس مدي شكل كويس للجنط وفي نفس الوقت مافيش خوف من البلالين والكلام ده
ومحسن الثبات بشكل معقول
اظن انه مش بينزل في اليارس اصلا ولله اعلم
طبعا ليه عفشته و كل حاجه بس وزن العربيه خفيف اصلا ايه فيده عجل بيتحجر و مفيش وزن و قاعده عجل عريضه تثبته مكانه يعني هتلقيها بتزحف و بردو مشيه :Copy of majd(4):
الدعامات دي بتتركب بين اجزاء الشاسيه بتاع العربيه بتخلي العربيه اكثر تماسك و صلابه و طبعا نشوفيه(زي الدعامات الي بيركبوها في البي م اي30 مكان الكنبه الي ورا لو شفتها ابل كدا لكن عندك بتبقا قطع جهزه بتتركب بس مش عارف فين و بكام الحقيقه
عن الوزن اظن ان اليارس كانت 1000 و حاجه بسيطه و الكورولا 1100و كسر علي ما افتكر يعني بردو مش فرق قليل
و اظن ان قاعده عجل اليارس اديق من الكورولا بفرق ملحوظ
و كمان مشكله اليارس الصعبه جدا انها علي دنجل و دي مصيبه لوحدها زي عندي :(
انا متفق معاك ان فعلا ال1.5 ممكن ميعجبهوش و هيبقا ملهاش لزمه الليله بس يبقا ال1.6 بتاع الكورولا ممتاز ما شاء الله كفايا لاني مش مفتنع الحقيقه ان لو اليارس اتحط فيها 1.8 بجبروته و عزم الرهيب العربيه هتقدر توقفه
انا اسمع ان اليارس بتنزل بره بحجات مختلفه هي بينزل فيها مواتير كبيره لان لو في يبقا اكيد في تعديلات بتفرق كتير بتتعمل لاني علي سوقتي ليها ريشه بس نفاسه :plusone1:
هيا من نحية ريشة فمعاك حق ريشة وصباح التعويم
اخطف الغرزة والعربية تعرض وحاول تعدل بقى يا معلم :oops2:
بس والله انا بعد ماركبت الجنط ال 16 وكاوتش 195 (اعرض من الاستوك) الموضوع اتظبط نوعا ما وبقت العربية ماسكة نفسها عن الاول بفرق ملحوظ
وده يعتبر مجرد تعديل بسيط مابالك بواحد هيسقط ماتور 1800 يبقى اكيد هيحط جنط 17 وكاوتش اعرض وهيهبط العربية ويعدل العفشة
اعتقد كل ده هيظبط الكلام بما فيه الكفاية
والياريس فعلا بتنزل برة فئة اسمها TS ودي اعتقد بتنزل بماتور 1800 ! ! وفيه كمان 1800 تربو :bump2:
Toyota Yaris TS 1.8 0-100 - YouTube
هي دي عربيه ولا طياره :( ما شاء الله العداد صاروخ d:
من نحيه الثبات اكيد هيزيت كتير لكن مش هيوصل للدرجه المطلوبه مع قوه زي دي و الفرامل صعب انها تبقا قويه بردو بسبب الوزن لاني شايف ان من اهم اثباب قوه فرامل السيراتو وزنها و مع الوزن ده كله و الجنط ال17 في تعتبل سياره غير ثابته بسبب الدنجل :(
ارجح بعد النقاش ده الموتور ال1.6 و بردو يهبط و يجنط 17 عشان اليقدر يسيطر عليها كويس ان شاء الله
علي فكره انا باليارس كنت باخد بيها غرز علي 180 و دي ميزه الدنجل لو كنترولك حلو عليه و مش بتكسر اوي بيبقا معاك زي الفل d: