| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 4 الأولىالأولى 1 2 3 4 الأخيرةالأخيرة
النتائج 21 إلى 30 من 39

  1. #21

    الصورة الرمزية م/محمد

    رقم العضوية : 1412

    تاريخ التسجيل : 12Jul2007

    المشاركات : 334

    النوع : ذكر

    الاقامة : مصر

    السيارة: sold

    السيارة[2]: . .

    الحالة : م/محمد غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة sameh_oo7 مشاهدة المشاركة
    عربيتى الهيونداى اللى فاتت كان مكتوب فى الكتالوج ان لو الجو بارد او العربية مركونة بقالها مدة التسخين ميزدش عن 30 ثانية ولو الجو حار متزدش عن 15 ثانية ،،،، لكن فى الصنى مش محددين المدة بالظبط ،،، بس اكيد موتور الصنى مدة تسخينة اطول لان الموتور اقدم ..... والله اعلم....وشكرا لكل اللى شاركوا فى الموضوع
    تحياتى
    والله جايز
    لو تقدر حضرتك تحطلنا لينك للكتالوج او سكان للورقه دي اللي بتقول انه ميزدش عن كذا يبقي تمام اوي حتي تعم الافاده
    اما بالنسبه لموضوع قدم تصميم الموتور فده ليس له علاقه بمبدا التسخين في حاجه


  2. #22

    الصورة الرمزية ahmedhawas

    رقم العضوية : 18719

    تاريخ التسجيل : 12Sep2008

    المشاركات : 725

    النوع : ذكر

    الاقامة : Cairo

    السيارة: سكوترابوعجل بينور

    السيارة[2]: سيارة الشعب 128

    دراجة بخارية: .

    الحالة : ahmedhawas غير متواجد حالياً

    افتراضي -

    اقتباس المشاركة الأصلية كتبت بواسطة م/محمد مشاهدة المشاركة
    في باطن الكلام انا شايف انك مش مختلف معايا اوي ولكن في ظاهره انت معارض بشده وانا صراحه مش ضد المعارضه لان كلها افاده بس ياريت تكون علي اساس علمي للافادة.
    فعلا ..لما بيكون على أساس علمي بيبقى " نقد بناء " وكلنا بنستفيد.
    اقتباس المشاركة الأصلية كتبت بواسطة م/محمد مشاهدة المشاركة
    وانت محددتش ايه الكلام اللي مش سليم يعني نوع الطرمبه بتاعه الزيت الصح ايه؟
    وان كان ليه بعض الاسئله علي الرغم من عدم وضوح ردك و المفهوم اللي انت عايز توصله ليه او للناس.
    أنا كلامي كان عال لمدا سينسور" بديل الشفاط " ، ومجبتش سيرة طرمبة الزيت في حاجة، بل بالعكس زي ما حضرتك تفضلت وقولت اني متفق معاك في حاجات كتير. وهي ان تسخين الموتور شيء أساسي ، لكن طريقة التسخين هي اللي أصبح فيها جدال كبير !!
    والموضوع ده بالذات قعدنا نبحث فيه شهرين في موضوع" تسخين الموتور الصح؟" في القسم التعليمي، وكان فيه العديد من المشاركات العلمية ، وأرجو أن يتسع صدرك للنقاش وانا لي الشرف ان في ناس عندها كم وافر من العلم معانا هنا .. زي حضرتك يا هندسة.
    اقتباس المشاركة الأصلية كتبت بواسطة م/محمد مشاهدة المشاركة

    1- ايه علاقه sticometric air ratio واللي هي نسبه الهواء علي الوقود بالكتله او بالحجم ...بدرجه الحراره القصوي و يعني ايه اصلا درجه الحراره القصوي ؟ يعني جهنم اللي بتولعها البوجيهات في الاوضه اللي اسمها السيلندر درجه حرارتها فيها عظمي وصغري ؟ ولاانت تقصد درجه حراره مية الرادياتير .
    لو الخليط عندك صح والحريق صح وتم تسخين الموتور بطريقة صحيحة فالموتور هيوصل للpeak combustion temperatureأسرع وبالتالي الخليط هيحترق داخل غرفة الحريق إحتراق تام يعني مفيش بقايا وقود غير محترق
    وبقايا الوقود الغير محترق بتتكثف وتتراكم على جدران الأسطوانات وراس البوجيهات مما يقلل من كفاءة الحريق فتقل درجة حرارة الحريق ويزداد معدل إستهلاك البنزين ويزيد من معدل تلوث الهواء .. حتى وإن كان بنسبة بسيطة.
    اقتباس المشاركة الأصلية كتبت بواسطة م/محمد مشاهدة المشاركة

    2- الكاتلتك عمر ما هيجراله حاجه طالما غازات العادم مفهاش مشكله و عمر ماهيبقا فيها مشكله طالما tps ,maf, lmdba sensor مفهمش مشكله و اللمدا سينسور هو اللي بيحل المشكله دي في التسخين.
    إحنا متفقين إننا لازم نسخن العربية لحد ما نوصل لدرجة حرارة التشغيل - تقريبا من 85 إلى 95 سيلزيوس
    بإحدى طريقتين:
    1- الطريقة الأولى: إنك تفضل بتسخنها عالسلانسيه لحد ما توصل لدرجة حرارة التشغيل.
    2- الطريقة التانية: إنك تفضل عالسلانسه 30 ثانية تقريبا ثم تبدا تتحرك بعد ذلك بسرعة متوسطة لحد ما توصل لدرجة حرارة التشغيل.
    لو عملت سيرش عل أغلب المواقع والمنتديات العلمية - إن مكنش كلها- هتلاقيهم بيقولوا الطريقة التانية هي الأصح
    وكاتالوج المستخدم لمعظم الموديلات اللي شوفتها - بيقولوا الطريقة التانية هي الأصح
    والكاتلتك لازم يوصل لدرجة حرارة عادم عالية نسبيا عشان يؤدي وظيفته صح- والطريقة التانية هتوصلنا أسرع للدرجة دي.
    طيب لو فرضنا ان أنا بمررعادم عالكاتلتك بإستمرار على درجة حرارة أقل من اللي هوبيشتغل عنده-يعني أقل من 400 إلى 800 سلزيوس تقريبا :هيحصل شيء؟؟
    هتتجمع أكاسيد الكبريتات اللي نتجت من إحتراق الوقود وخرجت مع العادم على جدرانه الألومنيوم فتتكون عالجدران كبريتات ألومنيوم مما يضعف من كفائته وأكيد ده هيقلل من عمره.
    اقتباس المشاركة الأصلية كتبت بواسطة م/محمد مشاهدة المشاركة

    3- اذا كان التسخين علي السلانسيه بيعمل مشكله يبقي التسخين بالمشي يعمل ايه مصيبه؟ مش هتفرق في حاجه خالص غير انه حمل صريح اوي ومباشر علي قلب الموتور.
    4- ايه مصدر معلومه ال 30 ثانيه تسخين دي ؟ و بناء علي ايه؟ و ها تحت اي ظرف ؟

    مصدر المعلومة:
    المصدر كتالوج المستخدم لسيارة الحج الوالد النيسان - محرك HR16DE- حيث ذكر بالحرف

    التسخين:
    "اترك المحرك في وضع اللاتعشيق لمدة 30 ثانية على الأقل بعد بدء التشغيل. قم بالقيادة بسرعة متوسطة لمسافة قصيرة أولا، وخاصة عندما يكون الجو باردا."
    بناءا على إيه:
    توصيات مصنعي السيارات
    تحت أي ظروف:
    تحت ظروف after start enrichment .. هيتم توضيحه لاحقا.
    اقتباس المشاركة الأصلية كتبت بواسطة م/محمد مشاهدة المشاركة

    5- انا معاك هو اللمدا سنسور تجاريااسمه حساس اكسجين بس ده ميلغيش وظيفته في التسخين !
    بصراحة من خلال اللي قريته ودرسته سابقا .. حساس الأكسجين ملهوش علاقة بالتسخين.
    لكن ده ميمنعش انه ممكن يكون في أنظمة جديدة بتستخدم السيجنال بتاعته في عملية التسخين .. ووارد جدا ان أكون أنا غلط ،
    ياريت حضرتك تنورنا!!
    اقتباس المشاركة الأصلية كتبت بواسطة م/محمد مشاهدة المشاركة

    6- ما علاقه ال maf sensor صراحه بتسخين السياره وهو مخصص لتحكم في كميه الهوا اللي داخله للموتور سواء في حاله التسخين او في المشي العادي يعني في التسخين مين اللي بيديله السيجنال لو مش اللمدا سينسور
    ال MAFsensor بيقيس كمية الهوا اللي داخلة عالموتور بس ، لكن مبيتحكمش فيها.
    واللمدا سينسور إستحالة يدي سيجنال لل MAF سينسور.
    إزاي يعني : سينسور يدي سيجنال لسينسور..هيستقبلها إزاي؟ ولوإستقبلها هيعمل بيها إيه؟؟
    السينسور بيدي السيجنال بتاعته ل control unit فتقوم بدورها هي كمان تدي سيجنال ل actuator .
    اقتباس المشاركة الأصلية كتبت بواسطة م/محمد مشاهدة المشاركة

    7- طالما لمدا سنسور مش بديل الشفاط وامال يبقي ايه؟
    معلش الرد طويل شوية .. إستحملني.
    لما تيجي تدور العربية أول مرة في اليوم.. بتمر بمرحلتين:(بدء الدوارة ، التسخين)
    1- cold start بدء الدوارة:
    فبيتم ضخ بنزين أكتر لفترة من الزمن ، وده بطريقة من اتنين:
    1-1 إما الرشاشات وبمساعدة من حساس مياه التبريد (الرشاشات بترش باستمرار لحظة بدء الإدارة ،وأول مالموتور يدور ترجع كما كانتsequential
    1-2 أو رشاش بدء الإدارة (رشاش خامس غير الأربعة التانيين) cold start injector بمساعدة thermo-time switch اللي شبه صباع الحرارة .. والثرموتايم بيحددلك الفترة الزمنية اللي بيفضل فيها cold start injector شغال.

    2- warm up التسخين:
    الرشاشات بترش بكميات أكبر من المعتاد لحد ما تعدي مرحلة ال after start enrichment اللي سبق ذكرها - بتاعة ال 30 ثانية.

    ثم بعد ذلك تقل كمية البنزين اللي بتخرج من الرشاشات تدريجيا لحد ما حساس مياه التبريد يدي السيجنال اللي كلنا منتظرينها " وهي : الموتور وصل بالسلامة لدرجة حرارة التشغيل 85 :95 درجة مئوية.
    نقطة الجدل هي : " الشوية اللي بعد ال 30 ثانية " مطلوب منك تخلي الحرارة تزيد بسرعة لحد درجة حرارة التشغيل.
    لو فضلت واقف سلانسيه هتاخد وقت أكبر من انك لو بدأت تمشي بالعربية بسرعة متوسطة.

    وده بالنسبة للبنزين .. طيب بالنسبة للهوا (مش إحنا زودنا بنزين .. يبقى لازم نزود هوا : إزاي؟)
    المسئول عن الهوا الزيادة اللي بيدخل للموتور هو ال auxiliary air device وهو باختصار بيعمل bypass للبوابة فيعدي هوا زيادة فيحس بيه ال maf فيدي سيجنال للكمبيوتر عشان يزود كمية البنزين كما وضحت سابقا.

    وبالتالي بديل الشفاط هو ال auxiliary air device وأعتقد إنه موجود في نيسان باسم AAC واختصارها Auxiliary Air Control valve بجوار الإيدلر.

    إثبات تاني أن ال لمدا سينسور ملوش علاقة برفع ال rpm لما تيجي تدوور العربية :
    حساس الأكسجين عشان يشتغل صح ويتم الأخذ بالقراءات بتاعته لازم درجة حرارة العادم تعدي 200 مئوية لو هو بسخان أما لو من النوعيات القديمة اللي بدون سخان لازم العادم يسخن عن درجة 350 مئوية.
    وبالتالي الكمبيوتر بيتجاهل قراءاته أثناء بدء عملية الدوارة ، فازاي يكون هو السبب وقتها في رفع سرعة الموتور !!!
    اقتباس المشاركة الأصلية كتبت بواسطة م/محمد مشاهدة المشاركة


    8- انا معاك ان العربيه هتبقي فيها بنزين زياده في بدايه التشغيل بس مش هتنط يعني و هو حضرتك فاكر الخلوصات دي قد ايه بارد /ساخن وتغيرها بيبقي قد ايه لدرجه انها هتقصف عمر الموتور ده اذا فرضنا ان الموتور البارد مش عايم في زيت لزج تني لسه بيسخن ؟
    أنا مقولتش هتقصف عمره .. لو رجعت لمشاركتي هتلاقيني قولت : "طبعا مش من يوم وليلة والموتور هيبوظ .. لكن تكرار الموضوع ده هيقلل العمر الإفتراضي للموتور ككل."
    حاجة تانية بردو ساعدت في تقليل زمن التسخين والموتور بارد ومتجبركش انك تقعد تسخن كتير .. وهي التطور الكبير في زيوت المحركات وخصوصا الزيوت التخليقية ثنائية درجة اللزوجة.. والمنتدى كله معندوش غير السيرة دي دلوقتي.
    اقتباس المشاركة الأصلية كتبت بواسطة م/محمد مشاهدة المشاركة

    في ناس كتير -وانا اعرف ناس شخصيا - ركبو عربيات حديثه علطول فبيدور بيلاقيها مظبوطه و100% بيطلع في ثانيه وعاملين 140 و 150 الف والموتور مشتكاش من حاجه خالص الموضوع مش مؤثر في حاجه غير البنزين الزياده لان لمدا سينسور معليا البنزين وانت مزوده بtps والخوف كله من thermal stress
    يمكن يكون الموتور فيه سخان في البلوك ، ويمكن السبيكة اللي متصنع منها البلوك ألومنيوم متكلفة وتستحمل إجهادات حرارية عالية.
    اقتباس المشاركة الأصلية كتبت بواسطة م/محمد مشاهدة المشاركة

    جاوب علي دول و انا هطلعلك بقي كتب الاحتراق الداخلي بتاعه الكليه
    هههههه ..سيبك من كتب الإحتراق الداخلي .. ودورلي على كتب Bosch بتاعة أنظمة حقن الوقود
    بس خلي بالك هتلاقي عليها تراب كتير ... هههه
    اقتباس المشاركة الأصلية كتبت بواسطة م/محمد مشاهدة المشاركة

    وهنقطع في بعض
    إذن ، فلتكن الحرب !!
    جمع ورقك وانزلي .. وانا هجمع ورقي واقابلك " الساعة خمسة أودام الهرم الكبير"
    بكرر تاني " الساعة خمسة أودام الهرم الكبير"
    وعلى رأي واحد عزيز عليا جدا ا: " متنساش تجيب معاك 2 شورمة كومبو وإزازة بيبسي حجم عائلي" عشان نتسلى في الحرب.
    اقتباس المشاركة الأصلية كتبت بواسطة م/محمد مشاهدة المشاركة

    انا طبعا مستني نستفيد من بعض ونفيد الاعضاء ونتعلم .
    أكيد طبعا ..وانا والله ليا الشرف اني اتحاور مع حضرتك و بأذن الله نوصل للأحسن لينا كلنا.
    اقتباس المشاركة الأصلية كتبت بواسطة م/محمد مشاهدة المشاركة

    من
    wikipedia
    A mass air flow sensor is used to find out the mass flowrate of air entering a fuel-injected internal combustion engine. The air mass information is necessary for the engine control unit (ECU) to balance and deliver the correct fuel mass to the engine. Air changes its density as it expands and contracts with temperature and pressure. In automotive applications, air density varies with the ambient temperature, altitude
    و خلاصته ان ال ماس وظيفته بيتحكم في كميه الهوا اللي داخله للموتور طبقا لدرجه الحراره والضغط والارتفاع اللي فيه السياره لاختلاف كثافه الهوا باختلاف العوامل دي
    كلام سليم بس هشيل كلمة "بيتحكم " واقول بدلها "بيقيس" وأكيد الفرق كبيييير.
    نفس الفرق بين actuator و sensor.

    اقتباس المشاركة الأصلية كتبت بواسطة م/محمد مشاهدة المشاركة

    wikipedia
    When the engine is under low-load conditions (such as when accelerating very gently, or maintaining a constant speed), it is operating in "closed-loop mode." This refers to a feedback loop between the ECU and the oxygen sensor(s) in which the ECU adjusts the quantity of fuel and expects to see a resulting change in the response of the oxygen sensor. This loop forces the engine to operate both slightly lean and slightly rich on successive loops, as it attempts to maintain a mostly stoichiometric ratio on average
    يعني في السلانسيه او المشي بالراحه بيقفل الهوا جزئيا طبعا ويعمل دايره مغلقه وبيخلي الخريق شويه فقير وشويه غني (يعني بالبنزين) لحد مال ecu يحس انها وصلت للاستايكومتريك فيعمل open loop مره تانيه والحركه دي بتحسها في هزه خفيفه اوي في الموتور علي فترات وهو بيسخن فبالتالي انا ضامن دايما احسن حريق ممكن تحت اي ظرف طالما العربيه سليمه
    كلامك سليم ..وترجمة الفقرة السابقة: ان الموتور وهو تحت حمل خفيف(تسارع بسيط أو ماشي بسرعة ثابتة)اللمدا سينسور بيبقى في ال closed loop يقوم الكمبيوتر يعدل كمية البنزين اللي رايحة للموتور ويستنى يشوف النتيجة بتاعة التعديل ده من خلال قراءة اللمدا سينسورشوية فقير وشوية غني لحد ما يوصل للنسبة الستايكومتريك .

    مصدر الصور السابقة : Bosch Automotive Injection Systems
    مزيد من المعلومات وتأكيدا لما سبق:
    http://www.cdxe....book.com/fuelSys/...coldstart.html


  3. #23

    الصورة الرمزية ahmedhawas

    رقم العضوية : 18719

    تاريخ التسجيل : 12Sep2008

    المشاركات : 725

    النوع : ذكر

    الاقامة : Cairo

    السيارة: سكوترابوعجل بينور

    السيارة[2]: سيارة الشعب 128

    دراجة بخارية: .

    الحالة : ahmedhawas غير متواجد حالياً

    افتراضي -

    مش عارف الموقع مبيظهرش ليه .. يمكن عشان تكست بوك.
    مزيد من المعلومات وتأكيدا لما سبق:

    http://www.cdxe....book.com/fuelSys/...coldstart.html

    عالعموم دي صورة للصفحة


  4. #24

    الصورة الرمزية Youssef.Awad

    رقم العضوية : 42730

    تاريخ التسجيل : 19Jun2009

    المشاركات : 6,353

    النوع : ذكر

    الاقامة : Riyadh - KSA // Banha - Egypt

    السيارة: NISSAN ALTIMA 2.5 SL '13

    السيارة[2]: FSO Polonez '88 - NISSAN SUNNY EX Saloon '10

    دراجة بخارية: 000

    الحالة : Youssef.Awad غير متواجد حالياً

    افتراضي -

    فى انتظار الرد وانعقاد الهدنة بين الطرفين ههههههههههههههههه
    فعلا مستمتع بالمناظرة العلمية المعملية الفذة دى اللى بتفيد المنتدى عامة والقسم هنا خاصة

    Y2Y1500 سابقا


  5. #25

    الصورة الرمزية م/محمد

    رقم العضوية : 1412

    تاريخ التسجيل : 12Jul2007

    المشاركات : 334

    النوع : ذكر

    الاقامة : مصر

    السيارة: sold

    السيارة[2]: . .

    الحالة : م/محمد غير متواجد حالياً

    افتراضي -

    معلش انا علشان في الشغل دلوقتي هرد علي نقطه واحده لحد مروح ان شاء الله
    وهي اعتراضك علي ان الاكسجين سنسور مبيرتبطش ب maf .
    من نفس المقاله
    When a MAF is used in conjunction with an oxygen sensor, the engine's air/fuel ratio can be controlled very accurately
    وده اللينك علشان تازاز في المقال الظريف ده
    Mass flow sensor - Wikipedia, the free encyclopedia
    ومعلومه الكتالوج دي انا معرفهاش هدور عليها ونكمل في وقت لاحق


  6. #26

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -

    المشاركات دى عاوزة تتنقل فى موضوع لوحده لان فى كلام قوى جدا .. عشان المشاركات دى متهوش فى الموضوع !!

    مستنين مناظرتكم للافادة الاعضاء

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  7. #27

    الصورة الرمزية Sameh_OO7

    رقم العضوية : 113757

    تاريخ التسجيل : 22Sep2011

    المشاركات : 600

    النوع : ذكر

    الاقامة : Cairo, Suez

    السيارة: Nissan Sunny {S.S} 2012

    السيارة[2]: Hyundai Elantra 2007

    دراجة بخارية: No

    الحالة : Sameh_OO7 غير متواجد حالياً

    افتراضي -

    اقتباس المشاركة الأصلية كتبت بواسطة م/محمد مشاهدة المشاركة
    والله جايز
    لو تقدر حضرتك تحطلنا لينك للكتالوج او سكان للورقه دي اللي بتقول انه ميزدش عن كذا يبقي تمام اوي حتي تعم الافاده

    للاسف واللهى انا اللى بعتله العربية اديته الكتالوج معاها ... على اساس انها زيرو يعنى

    اما بالنسبه لموضوع قدم تصميم الموتور فده ليس له علاقه بمبدا التسخين في حاجه
    جايز & تحياتى ليك

    [frame="7 50"]إن الله يعطيك ما ينفعك وليس ما تطلبه ، إلا أذا ما تطلبه هو النافع لك ، وذلك لأنك كثيرا ما تطلب ما لا ينفعك[/frame]


  8. #28

    الصورة الرمزية Sameh_OO7

    رقم العضوية : 113757

    تاريخ التسجيل : 22Sep2011

    المشاركات : 600

    النوع : ذكر

    الاقامة : Cairo, Suez

    السيارة: Nissan Sunny {S.S} 2012

    السيارة[2]: Hyundai Elantra 2007

    دراجة بخارية: No

    الحالة : Sameh_OO7 غير متواجد حالياً

    افتراضي -

    ايه الكلام الجامد ده يا رجالة ، وانا مع أ/ احمد مصطفىahmed.tv لازم المشاركات الجامدة دى تتنقل فى موضوع لوحده لان فى كلام قوى جدا .. علشان متتوهش فى الموضوع !!
    ومتاااااااااااااااابع انعقاد الهدنة وال2 شورمة الكومبو وإزازة البيبسي الحجم العائلي

    [frame="7 50"]إن الله يعطيك ما ينفعك وليس ما تطلبه ، إلا أذا ما تطلبه هو النافع لك ، وذلك لأنك كثيرا ما تطلب ما لا ينفعك[/frame]


  9. #29

    الصورة الرمزية م/محمد

    رقم العضوية : 1412

    تاريخ التسجيل : 12Jul2007

    المشاركات : 334

    النوع : ذكر

    الاقامة : مصر

    السيارة: sold

    السيارة[2]: . .

    الحالة : م/محمد غير متواجد حالياً

    افتراضي اللي عايز يتعلم ......يستحمل -

    حقيقه احترت كثيرا بين اني اشكرك او ادعي عليك لانك خلتني اذاكر بتاع 3 ايام- وانا مش فاضي خالص - و سالت طوب الارض وخاصه اني كنت ابن كار وليه معارف كتير فيه ولكن في مجال الديزل حيث عملت سنه في صيانه الكمنز والبيركنز قبل مااشتغل استشاري تكييف 3 سنوات واخيرا مهندس تصميات لمعامل وابار البترول وطبعا بحكم ان الواحد ركب عربيات بدري وكانت كلها من ماركه الشعب فيات دماغي كانت قافله عند نظام الكاربيراتير لاني فاهمه كويس من قبل ما الانجيكشن ينزل قبقي معايا الكاربيراتير والديزل فقلت اشمعني الانجيكشن فاجتهدت فيه فرديا لفتره مش بطاله بس مش عمليا
    المهم في الاخر قررت اني اشكرك لاني فعلا استفدت مش منك اه-هههه- بس من الاسئله اللي انا ردمت الناس بيها والاجابات اللي انا لقيتها علي النت واحب اقولك اني معنديش ادني مشكله ان الحاجات اللي كنت متلخبط فيها اعترف بيها بس الحاجات اللي متاكد منها مش هرحمك فيها –هههههههه-
    وانا صراحه بحييك انك دعمت ردك بحاجات مكتوبه و الا كان هيتحول الحوار الي سوفسطائيه وياريت لو تعرفنا بمجال شغلك ولا دي هوايه؟
    ليس معني كل رد هو معارضه او تاييد في كده وفي كده وفي توضيح زياده مش اكتر
    انا هقسم ردي ال 3 اقسام
    1- القسم الاول (وده اللي فتحه صاحب الموضوع اصلا ومطالش حاجه انا عارف)
    2- القسم الثاني (اللي انا وصلتله و بعض اقتباسات من ردك والردود عليها)
    3- القسم الثالث (اللي انا لسه بذاكره وهنكمله مع بعض ان شاء الله حتي تعم الافاده)

    1- القسم الاول (وده اللي فتحه صاحب الموضوع اصلا ومطالش حاجه انا عارف)
    انت : إحنا متفقين إننا لازم نسخن العربية لحد ما نوصل لدرجة حرارة التشغيل - تقريبا من 85 إلى 95 سيلزيوس
    انا :تمام اوي بس ده علشان نقدر نقرص بامان غير كده ممكن نمشي بيها بالراحه عادي جدا من ما تسخن 1 درجه حتي
    لان الزيت بيكمل دورته في فانيه
    [COLOR="blue"]انت : بإحدى طريقتين:
    1- الطريقة الأولى: إنك تفضل بتسخنها عالسلانسيه لحد ما توصل لدرجة حرارة التشغيل.
    2 - الطريقة التانية: إنك تفضل عالسلانسه 30 ثانية تقريبا ثم تبدا تتحرك بعد ذلك بسرعة متوسطة لحد ما توصل لدرجة حرارة التشغيل.

    انا: الطريقه الاولي هي المثلي والطريقه الثانيه مش غلط وخاصه اني لقيتها مكتوبه فعلا ف الكتالوج بتاع الاستخدام العادي
    ولكن انا كراجل مهندس ففي حاجه اسمها لغه المهندسين في الكتابه يعني لو انت بتصمم من كود او استاندارد عالمي وقالك ان البعد بين حاجه وحاجه x علي الاقل فمش من الهندسه ولا الشطاره اني اطبقها علي الحركرك ولكن اطبقها لما اكون مضطر اوي ليها بس اني اعديها ده مقبول علشان هدف تاني حتي لو جمالي اذا كانت المساحه تسمح

    انت : "اترك المحرك في وضع اللاتعشيق لمدة 30 ثانية على الأقل بعد بدء التشغيل. قم بالقيادة بسرعة متوسطة لمسافة قصيرة أولا، وخاصة عندما يكون الجو باردا."
    انا : فزي مانت ترجمت انا اسيبها علي السلانسيه- بلاش اللا تعشيق دي لا يقولك يعني ادوس دبرياج؟- 30 ثانيه علي الاقل ولكن انت كده زي مابيقولو في خانه اليك طبقت ال minimum بس معملتش الحاجه الperfect يعني عملت اكل يتاكل بس متستطعموش
    ومن وجهه نظري العمليه لا يوجد اي ضرر من التحرك علي البارد لو لم تسمح الظروف للتسخين بس ميبقاش كل مره يعني بس متشتكيش من البنزين
    انت (تاكيدا لكلامي ) : "طبعا مش من يوم وليلة والموتور هيبوظ .. لكن تكرار الموضوع ده هيقلل العمر الإفتراضي للموتور ككل."
    حاجة تانية بردو ساعدت في تقليل زمن التسخين والموتور بارد ومتجبركش انك تقعد تسخن كتير .. وهي التطور الكبير في زيوت المحركات وخصوصا الزيوت التخليقية ثنائية درجة اللزوجة.. والمنتدى كله معندوش غير السيرة دي دلوقتي.
    وده لا يمنع ان من وجهه نظر العلم لا بد من تسخين السياره 30 ثانيه علي الاقل و بعد كده اتحرك بيها بالراحه لحد ماتسخن او اروح لطريقتك الاولي " إنك تفضل بتسخنها عالسلانسيه لحد ما توصل لدرجة حرارة التشغيل"
    *ارجو ان الاستاذ سامح يكون واصله المفهوم الصح للمكتوب في كتالوجه
    انت : لو فضلت واقف سلانسيه هتاخد وقت أكبر من انك لو بدأت تمشي بالعربية بسرعة متوسطة
    انا : طيب مهو مفيش حلاوة من غير نار انت راجل مثالي وعايز الموتور بدل ميشتغل 300 الف لا بشتغل 400 الف دي ضريبه بسيطه اني اخد وقت شويه اكتر اللي هو ممكن يبقي دقايق زياده
    انت : لكن طريقة التسخين هي اللي أصبح فيها جدال كبير !!
    انا : لا يوجد اي نوع من الجدال ولكن يوجد الصح والاصح منه

    ده كده بالنسبه لصاحب الموضوع والناس اللي عايزه تعرف عن التسخين
    2- القسم الثاني (اللي انا وصلتله و بعض اقتباسات من ردك والردود عليها)
    انت : وبالتالي بديل الشفاط هو ال auxiliary air device
    انا : تمام معاك حق انا مكنتش اعرف لان الجماعه الالمان بيقولو auxiliary air device علي التربو شارجر والسوبر شارجر فده اللي عمللي لخبطه ففي اختلاف في المسميات لان دول الوحيدين اللي يعتبرو اضافه فعلا وتغيير لخواص الهوا من ضغط ودرجه حراره
    مع العلم انه ليس مشابها للشفاط زي ما الحج بوش بيقول – لاحقا- لان الشفاط بيخنق الهوا فبكده كانه زود بنزين من غير لا سحر ولا شعوذه
    انت : المسئول عن الهوا الزيادة اللي بيدخل للموتور هو ال auxiliary air device وهو باختصار بيعمل bypass للبوابة فيعدي هوا زياد
    انا : ال auxiliary air device هو عباره عن صباع زي صباع الحراره كده بيقيس درجه الحراره عند الكامات ولما بيسخن بيحول ده الي اشاره كهربيه بتروح للecu و منها الي نظام الانجيكشن اتقليل كميه البنزين الي وضعها الطبيعي و ايضا كميه الهوا الزياده بتقفل بعد ما القتيل ده يسخن وتعمل السياره في ال idle mode وده سيستم تاني خالص
    Bosch حبيبك: The Auxiliary Air Devices found in the Bosch injected cars are NOT LIKE A
    CHOKE! Their function it to supply more air to the downside of the throttle
    body when the engine is cold and it is electrically heated to make it close
    after the engine starts. The hot cam cover keeps the device closed after
    you're underway.

    يعني ده عامل كانك بتسخن ال كاربيراتير بانك بتزود برجلك مش مشغل الشفاط

    انت : أو رشاش بدء الإدارة (رشاش خامس غير الأربعة التانيين) cold start injector بمساعدة thermo-time switch اللي شبه صباع الحرارة .. والثرموتايم بيحددلك الفترة الزمنية اللي بيفضل فيها cold start injector شغال.
    انا : كلام سليم وده نظام تاني خالص وليست مرحله في الدواره ودهو ده اللي اسمه "enrichement" device وده فعلا بديل الشفاط و بوش بيسلم عليك
    Bosch:
    The non-motronic models equipped with cold start injectors are the "enrichement" device

    انت : إما الرشاشات وبمساعدة من حساس مياه التبريد (الرشاشات بترش باستمرار لحظة بدء الإدارة ،وأول مالموتور يدور ترجع كما كانتsequentia
    انا : اثبت او اديني فرصه اقرا فيها شويه
    انت : إثبات تاني أن ال لمدا سينسور ملوش علاقة برفع ال rpm لما تيجي تدوور العربية :
    حساس الأكسجين عشان يشتغل صح ويتم الأخذ بالقراءات بتاعته لازم درجة حرارة العادم تعدي 200 مئوية لو هو بسخان أما لو من النوعيات القديمة اللي بدون سخان لازم العادم يسخن عن درجة 350 مئوية.
    وبالتالي الكمبيوتر بيتجاهل قراءاته أثناء بدء عملية الدوارة ، فازاي يكون هو السبب وقتها في رفع سرعة الموتور !!!

    انا : اثبت او اديني فرصه اقرا فيها شويه
    انت : ل MAFsensor بيقيس كمية الهوا اللي داخلة عالموتور بس ، لكن مبيتحكمش فيها.
    انا : الماف او الاير ماس هو وظيفته قياس كميه الهوا عن طريق الكتله وليست الحجم لان في عامل تاني مكانش بيتاخد في الاعتبار وهو الكثافه فبكده انا وفرت شويه تاني في البنزين ومنها بيبعت اشاره لل ecu ومنه ال الانجكشن سيستم وبالتالي يتحكم في كميه الوقود التي تحقن للموتور وده شغال في اي وقت في المشي العادي وفي التسخين
    انت : واللمدا سينسور إستحالة يدي سيجنال لل MAF سينسور.
    إزاي يعني : سينسور يدي سيجنال لسينسور..
    انا : لا بيدي ..ممكن عادي وانا رديت عليك سابقا
    وهي اعتراضك علي ان الاكسجين سنسور مبيرتبطش ب maf .
    من نفس المقاله
    When a MAF is used in conjunction with an oxygen sensor, the engine's air/fuel ratio can be controlled very accurately
    انت : هيستقبلها إزاي؟ ولوإستقبلها هيعمل بيها إيه؟؟
    انا : ازاي دي معرفش تفاصيلها بس من خبرتي في التكييف كنا بنخلي شركات الكنترول تلعبلنا بالسيجنالز ونخليها تقول بابا وماما كمان
    هيعمل بيها ايه ؟ هيدمجها مع قرايه الاير ماس وده هيدي دقه اكتر في قرايه خواص الهوا ومنها كميه البنزين اللي هتتحقن

    *معلومه علي الماشي :الالماني كله و الصني وغيرها اكيد بس مش كله فيها اير ماس ورا الافلتر من نوع pbt وشفويا عرفت ان الكورولا مفهاش وبتقيس الهوا بالحجم فقط وجاري تاكيد المعلومه واثباتها بالورق

    انت : يمكن يكون الموتور فيه سخان في البلوك ، ويمكن السبيكة اللي متصنع منها البلوك ألومنيوم متكلفة وتستحمل إجهادات حرارية عالية.
    انا : علي كده الفيرنا دي جامده اوي

    انا : هكلمكم عن الtps وحساس الكرنك لاحقا علشان صدعت وزهقت

    -3 القسم الثالث (اللي انا لسه بذاكره وهنكمله مع بعض ان شاء الله حتي تعم الافاده)
    1-idling system
    2-gasoline injection system and controls


  10. #30

    الصورة الرمزية م/محمد

    رقم العضوية : 1412

    تاريخ التسجيل : 12Jul2007

    المشاركات : 334

    النوع : ذكر

    الاقامة : مصر

    السيارة: sold

    السيارة[2]: . .

    الحالة : م/محمد غير متواجد حالياً

    افتراضي -

    hasad">

    شوف بقي يا ابو حميد لو عايز تفتحه في موضوع جديد
    انت منسق القسم بقي
    المدير يعني
    وليك حق الاخراج النهائي طبعا
    يعني تعدل كلمه او تنسيق



 
صفحة 3 من 4 الأولىالأولى 1 2 3 4 الأخيرةالأخيرة

المواضيع المتشابهه

  1. سؤال بخصوص مؤشر حرارة فيلشيا 96
    بواسطة abotaha2008 في المنتدى قسم خاص بسيارات سكودا فيفوريت وسكودا فليشيا
    مشاركات: 13
    آخر مشاركة: 27-04-2012, 04:59 PM
  2. سؤال بخصوص عداد الحرارة ....
    بواسطة kofta في المنتدى كـــــيا
    مشاركات: 12
    آخر مشاركة: 31-05-2010, 03:29 PM
  3. سؤال بخصوص عداد
    بواسطة organic_magic في المنتدى دايــو+شيفرولية لانوس
    مشاركات: 0
    آخر مشاركة: 29-03-2010, 04:47 PM
  4. سؤال بخصوص مؤشر حرارة اللوجان
    بواسطة alfa_we في المنتدى قسم خاص بالسيارة لـــوجـــــان
    مشاركات: 33
    آخر مشاركة: 20-03-2010, 06:12 PM
  5. سؤال بخصوص حرارة الشاهين ؟؟ مشكلة محيرة ؟؟
    بواسطة tamer44442002 في المنتدى فــــيات
    مشاركات: 11
    آخر مشاركة: 16-04-2009, 12:44 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2