يا جماعة محدش يعرف اللي تليفونه يتسرق ايه الاجراء السليم اللي ممكن يعمله
وحسبي الله ونعم الوكيل في كل الحرامية
عرض للطباعة
يا جماعة محدش يعرف اللي تليفونه يتسرق ايه الاجراء السليم اللي ممكن يعمله
وحسبي الله ونعم الوكيل في كل الحرامية
بتروح على القسم و بتعمل محضر سرقة ..
و بعدين بتروح على النيابة علشان يقشرك عليها و يعملك محضر تتبع ..
دة على حسب كلام واحد صاحبي لسة مسروق منه تليفونه بس كان يعرف ضباط ..
و قالي أن قبل كدة كنت أنت اللي بتروح علشان تعمل التتبع مع نفسك بس دلوقتي النيابة هي اللي بتخلص حكاية التتبع مع نفسها و بيقول لك تعالى كمان 40 يوم ..
و صاحبي دة لما كان هناك بيعمل الإجراءات دي كان فيه واحدة بيقول لي رجعوا لها تليفونها ..
و حسبي الله و نعم الوكيل في كل اللي بيسرقوا .. حسبي الله و نعم الوكيل ..
:(:(
ربنا يعوض عليك و لازم تاخد شريحة جديدة و توقف الشريحة القديمة
انا اختي موبايلها اتسرق قبل كدة ..رحت اعمل محضر
الضابط في القسم قاللي الكلام الأتي بالحرف "لو ممعكش واسطة متعملش أحسن لأن مش هتستفيد حاجة .. محاضر سرقة الموبايلات كتير اوي"
وش كدة ..
أعتقد ان اللي بيروح مبيرجعش .. خاصة الموبايلات
حسبي الله و نعم الوكيل
عندما كان يوجد تتبع للتليفون قلت جداً موضوع السرقة ولا بعد قرار الغاء التتبع رجعت السرقة بزيادة
انا الموضوع ده حصل مع واحد صاحبى اشترى تليفون مستعمل من محل بدون فاتورة و بعد 6 شهور جالة محضر على البيت ان التليفون مسروق و راح النيابة و سلم العدة و قفل المحضر
الكلام ده كان من سنتين دلوقتى نظرا لكثرة السرقات و بلاغات المحمول لم يعد احد يهتم فى شركات المحمول اصلا بمتابعة هذة المحاضر لسبيبن
1-كثرة البلاغات
2-وجود خطوط تليفون محمول مع اشخاص بدون بيانات فى شركات المحمول
و للعلم وزراة الاتصالات فرضت على شركات المحمول جمع بيانات العملاء الغير مسجلة و اغلاق اى خط بدون بيانات
ربنا يعوض عليك بس لازم تعمل محضر عشان تثبت حقك ثانيا عشان محدش تانى يتسرق
نصيحة من واحد اتسرق منه موبيال ب 5 الالاف جنية
انسى
ماحدش هايجبهولك
بردوا نصحيه من واحد اتسرق منه موبايل
انسسسسسسسسسسسسسسسسسسسى :no:وربنا يعوضك عليك ان شاء الله
اللى بيروح فى البلد دى ما بيرجعش
انا عملت كل اللى اتقال ده والنيابه ودت المحضر وكده والموبايل دلوقتى بقاله مسروق حوالى 11 شهر كل فتره اروح اسال لسه مفيش حاجه فوت علينا بكره لحد ما زهقيت وقولت ربنا يعوض عليا وحسبى الله ونعم الوكيل فى اللى خدته :sad:
بص يا باشا. اولا لا تزعل لان اللي بيجي في الريش بقشيش. ثانيا بعد كل الكلامالجميل اللي قدمة اليك اخوانا في المنتدي (جزاهم الله بة خيرا) او ان اضيف انك لازم تعرف رقم السيريال بتاع الجهاز عشان في حالة سرقتة بتتصل بالشركة وتعطيهم الرقم ومن ثم بيوقفوا الجهاز ولن يكون لة اي اهمية بعد ذلك حتي لو عمل فيها قرد.
إللي أهم من المحضر إنك تتصل بالشركة فورا وتخليهم يوقفوا الشريحة عشان الحرامي مستتخدمش الخط إستخدام خاطيء وتتورط إنتا في الموضوع
أما المحضر فايدته إن لو حرامي مشهور وبيسرق الموبيلات بطريقة معينة وإتقدم فيه كزا بلاغ الشرطة بتبقى عارفاه زي ماحصل معايا وبرضه مع إنه الظابط جابلي صورته وإتعرفت على الحرامي موبايلي مرجعليش (نفضولي يعني)
يعني نصيحة من مجرب ريح دماغك من المحاضر بدل ماتتعلق في أمل وهمي
ربنا يعوض عليك
المفروض...ان الآتي يحصل...(يعني لو في بلد تانية ...ولتكن اوروبية من العالم الاول)
حضرتك بتروح تعمل محضر تثبت فية ان الموبايل اتسرق...
حضرتك بيكون معاك ما يثبت ملكية الموبايل (فاتورة او غيرة...)
بتروح لهيئة االاتصاالات....وبتبلغ رقم Imei بتاع الموبايل بتاعك (دة رقم مميز لكل موبايل في الكون وما بيتكررش يعني تقدر تقول علية بصمة الموبايل )...
وهما مشكورين بيوقفوا العمل بية....وبيبلغوا كل شركات الاتصالات انها ما تشغلش خدمة علي الموبايل دة....وبالتالي ....هابقي مالوش اي لازمة سوي انة يبقي قطع غيار ...لكن محدش هايستخدمة.....
انسى ياباشا ربنا يعوض عليك بعد الغاء التتبع مستحيل حتلاقيه
ايه موضوع الغاء التتبع دة يا جماعة؟
انسىىىىىىىىىىىىىىىىىىىىىى ىىى
انا واحد صاحبي اتسرق تيلفونه وجابه
عمل محضر وبعد كده عرف الرقم اللي شغال عليه التيلفون وجابو بيناته وعرفو انه غير عنوان سكنه كلموه وقالوله انتا رحت فين قالهم انا غيرت عنواني وساكن في مدينه نصر دلوقتي قالوله فيه محضر خناقه معمولك وتعالي عشان نخلصه راح النيابه قالوله التيلفون اللي معاك ده مسروق راح مطلع فاتوره وقلهم انا مشتريه من محل في عبد العزيز وانا ماليش زنب زسلمهم التيلفون عشان يثبت حسن النيه وهو يدور علي حقه
الموضوع مخد اكتر من اسبوع
ملحوظه (صاحبي ده وكيل نيابه )
حتى سريال الموبيال بيتلعب فيه وبيتغير ب 25 جنية بس
شكراااااااااااا لمشاركات جميع الاعضاء ولردودهم السريعة المفيدة بس انا فعلا اتصدمت لما عرفت انهم لغوا التتبع يعني كدة كأنهم بيقولوا للحرامي اتفضل اسرق ومحدش هايعرف يعملك حاجة وأحب احكي لأخواتنا في المنتدي الموقف بتاع السرقة اللي حصل معايا علشان مايتكررش مع حد فيهم إن شاء الله انا كنت راكن عربيتي علي شارع الملك فيصل وقاعد فيها مستني واحد صاحبي والشباك اللي جنبي كان مفتوح نصه بعدين جالي واحد من علي شمالي وقعد يسالني علي مكان شارع مشهور في فيصل(اي حوار يعني علشان يلهيني معاه) وبصوا الصياعة الواد ماكانش واقف قدام الشباك وبيكلمني ده كان واقف عند اخر العربية ليييييييييه علشان انا الف رقبتي علشان اكلمه علي ما صاحبه التاني يكون مد ايده من الشباك وخد التليفون طبعا انا علي مخدت بالي من الحركة كانوا هم اختفوا خلاص علي فكرة العدة ان73 لسة جديدة بس ربنا يعوض إن شاء الله المشكلة مش في العدة المشكلة في الحركة الزبالة دي هي اللي مجنناني , الواحد المفروض يعمل زي الاجانب بعد كدة يمشي بمبدأ أحترس من الكلام مع الغرباء لأن بصراحة البلد بعد هوجة الغلاء الفظييييييييع ده هاتتملي من الأشكال دي كتييييييييير وربنا يستر
ملحوظة/ الموضوع ده اتكرر مع ناس اعرفهم برده علي شارع فيصل بس بصور مختلفة
وحسبنا الله ونعم الوكيل
يا جماعة بلاش إحباط!
هو الراجل يعمل إللي علية ةيسيب الباقي على ربنا..... وبالفعل ممكن يرجع الموبايل إن شاء الله وإنت غلطان يا كريم يا منير إنك ما بلغتش دول 5000 جنية فلوسك وفلوس اولادك ... ماهي السلبية دي بتخلى ولاد ...... يفتروا وينتشروا.
المهم انا معايا زميل في العمل راجل كبير راح يشتري موبايل مستعمل من محل موبايلات في محطة مصر والموبايل كان جميل وسعرة تحفة والراجل فرحان بية .... بعد شهر من الإستخدام يلاقي مكالمة من المباحث او مش فاكر الشرطة وعلافوا مكان سكنه وعمله وعاوزينه يجيلهم برضاه... راح الراجل القسم الفلاني وقاللوله إن الموبايل مسروق وصاحبة من "سوهاج"....... سوهاااااااااااااااااااااا ج ! ومبلغ عنه من مدة وفضلوا وراه لحد ما رجعوه.
المهم زميلي إتاخد منه الموبايل وقالهم انا إشتريته من المحل الفلاني بس طبعا ولا فاتورة ولا حاجة .... وصاحب المحل الله يجازية أنكر معرفته بالراجل و‘ن عمرة ما باع حاجة ولو عندك إثبات وريني! وزميلي طبعا راح علية الموبايل والفلوس!
طبعا صاحب الموبايل الأصلي ممكن يكون مبلغ من 6 شهور او من سنة بس في الأخر الحاجة رجعت.
وعلشان تعرفوا مدى الفساد غللي إحنا فية ,.,,, فية عندنا في إسكندرية في محطة مصر كل يوم إتنين بيكون فية سوق للخردوات وفي ناصية بيقف عندها ناس بيبيعوا ويشتروا موبايلات "مبللوله" قصدي مسروقة ماهو ده المصطلح السائد عندنا. وإللي بيبيع شكلة حرامي بلطجي متشرد وأكيد عرفتم جاب الموبايل منين....... السئ إنهم متسابين ومع إن قسم الشرطة يبعد عنهم 10 امتار ... والأسوأ... الناس إللي بتشتري الحاجة المسروقة!
حسبي الله ونعم الوكيل
والله يا جماعة انا سمعت بالحرف الواحد في القسم
ان النائب العام ألغى خاصية التتبع
يعني الحرامية يسرقوا براحتهم ...
ربنا يعوض عليك
تحياتي
شوفوا ياجماعة
التكنولوجيا الحديثة حلت جزئيا الموضوع دة حاليا"
وموجود في عدة تليفونات منها السوني اريكسون موديل P1
وكمان النوكيا الكوميونيكاتور وكمان السامسونج 310
http://img.gsmarena.com/vv/pics/sams...ng-p310-00.jpg
شوفوا ، النوكيا بتبرمجة علي انه لما يستلم رسالة من رقم تليفون
اخر محدد مسبقا ، بيقفل الجهاز تماما الي ان تدخل رقم سري
علشان يفتح تاني.
السامسونج والسوني وخاصة السامسونج لأنة عندي حاليا
بتبرمج فية خاصية انة اول ماتتغير الشريحة (ودة اللي بيعملة
الحرامي اول مايسرقه) بيبعت رسالة نصية الي تليفون محدده
صاحب التليفون ، وبكدة انت عرفت رقم تليفون الحرامي الجديد
وكل مايغير الشريحة حايحصل نفس السيناريو بتاع الرسالة
يعني المباحث كدة يقدروا يتتبعوة بسهولة جدا
مش هاقوللك إنسىىى زي كل اللي قالوا
بس هاقوللك من نماذج كتير سمعتها
ما ضاع حق وراءه مطالب
إن شاء الله موبايلك يرجع
بس نصيحة لو الموبايل رخيص متتعبش نفسك عشان تفرغك للمتابعة أكيد يساوي فلوس
إنما لو الموبايل غالي
امشي على كل الاجراءات الممكنة
وروح تابع طلبك كل شهر
وإن شاء الله تقدر توصل له
وربنا يرد إليك ضالتك
وياسلام بقى لو كان لك معرفة في مباحث التليفونات
بتسهل حاجات كتير أوي
بص يا باشا ...
كل اصحابي بلا اسثناء اتسرق موبايلاتهم ... وانا آخر موبايل مسروق مني كان في 1997 وكان سعره برقم فلكي ...
المهم .. في الامارات بيتعمل زي مراقبه للموبايل بشرط انك يكون معاك رقم ال IMEI وفي رقم تاني كمان مش فاكره
في مصر برضو نفس الموضوع ... بس البلاغات كتير بمعنى كلمه كتير .... يعني واحد يتسرق منو موبايل ... وواحد تاني يشتري نفس الموبايل من شارع عبد العزيز ... ويتسرق منو ... ويتباع تالت و رابع و يتسرق ... والدائره مستمره .... تبص تلاقي نفس الموبايل محطوط عليه 5 او 6 بلاغات سرقه من عده اشخاص ...
طيب سؤال ... لو الموبايل رجع هيبقا لمين .. ومين اللي هيعوض الناس التانيه ؟؟؟!!
فا من الآخر هما بينفضو ...
وبعدين يا راجل دول هيدوروا على موبايل .... في ناس مسروق منهم عربيه ومش لاقينها ...
انا و الله الحمد مسروق آثاث البيت كلو (كنت مسافر للأسف) باكتر من 400 الف جنيه ... والمحضر تم تأييده ضد مجهول ... بعد ما تم التحقيق معي انا شخصيا (اه والله) للاشتباه اني اكون انا اللي سرقت اثاث البيت (مع اني اصلا كنت مسافر) ... بس تعمل ايه في العقول
استعوض ربنا وخلاص
يا عمي ... دي مصر ... رساله ترحيب تلاقيها على كل حمام في العالم
WC = Welcome Cairo
حسبنا الله ونعم الوكيل وعماااااااااااااااااااااا ااااااار يا مصر
ومين قاللك اني ماعملتش محضر
ومفضلتش وراه
واني ماكلمتش كل الوسايط اللي اعرفها واللي ماكنتش اعرفها
وعملت كل حاجة ممكن تخيلها
انت ماتعرفش انا قعدت احوش في تمنة قد ايه
اووووووف
ويتسرق في قلب صلاة الجمعة
يا عم دي بلذ جاعت خلاص
اما عن اللي عندكم ما يختلفش كتير عن اللي عندنا
ناصية شارع عبد العزيز قسم الازبكية
بيع الموبيلات المسروق واجنب القسم مباشرة
الامين من دول يدخل يلم شوية عيال بموبيلاتهم عشان البية الظابط ولا الامين نفسة محتاج فلوس او يغير الموبايل
مش بقوللك بلد جاعت والفساد ريحتة طلعت قوي
معاك حق يا أستاذ كريم البلد خلااااااااااااص ولسة اللي جي أكتر ربنا يستر
إعمل اللي عليك و لا تتواكل
إعمل محضر و تتبع و لازم يكون معاك ما يثبت ملكيتك للموبايل (علبة أو فاتورة باسمك) و طبعا عليهم السيريال نمبر
بس اعمل المحضر و انتظر حوالي 3 أشهر قبل تفعيل التتبع في النيابة لأن اللي بيرق موبايل دلوقتي بيقفله شوية لأنهم برضه عارفين موضوع التتبع محدود المدة
نفس أعرف ليه محدود المدة؟