عضو جديد في منتدي الاسد الفرنسي (405)

**magdykorashy** · 05-11-2011 07:51 AM

لله الفضل و المنة، وفقني الله و اشتريت 405 برستيج موديل 1998 عاملة 155 الف كيلو.
العربية الحمد لله كويسة بس محتاجة شوية حاجات زي باكتة الباب الأمامي يمين. أنا مش لاقيها فلو حد يدلني يبقي له مني جزيل الشكر
فيه حاجة تانية هي الكوريك الاصلي مش موجود و عاوز اجيبة. الحقيقة العربية كويسة و كل الكماليات شغالة ماعدا المرايات الكهربا. فيه حاجة كمان هي ان البلور تقيل شوية أنا مش قادر أقيمه كويس لان دي اول مرة اسوق عربية باور.
بالنسبة للتقييم العربية سحبها حلو و ناعمة و لو قارنتها بالفيرنا اللي كانت معروضة عليه في نفس وقت الشرا اقدر اقول أني غير نادم علي اختياري

**mamado405** · 08-11-2011 10:44 AM

ربنا يباركلك فيها ويكفيك شرها

**mohamedadelemam** · 08-11-2011 02:19 PM

السلام عليكم..ألف مبروك لحضرتك عليها وهى ماشاء الله سيارة جبارة وقطع غيار رخيصة ومتوفرة جديد وإستيراد..بالنسبة لباكيتات الأبواب أعتقد إنها جديد فى شارع مجلس الدولة بالسيدة زينب أو إستيرا فى وكالة البلح..المرايات الكهربائية لو مش بايظة أو مخبوطة ساعات موتورها بيبقى محتاج تزييت ...أما الباور هو فعلا تقيل شوية عن السيارات الأخرى إلا إنه مش رخم يعنى....وربنا يبارك لحضرتك فيها

**Omar_H** · 08-11-2011 09:13 PM

ألف مبروك يا باشا وإن شاء الله العربية تعجبك لأنها عربية كويسة جدا و بنسبة للباور فهو فعلا تقيل بس ده بيخليه في السرعات العالية ثابت

**magdykorashy** · 09-11-2011 03:44 AM

شكرًا علي الرد.
العربية عاوزة تجري و أنا بحوش روحي بالعافية علشان مااجريش.
هي مناسبة للسفر بس جوه البلد تعباني علشان منخفضة شوية و بتحك في المظلات بعد تركيب تجهيزة الغاز.
هو يا جماعة صحيح، اغير زيت الفتيس و لا لا؟ لو اه أغيره ازاي لو عاوز اعمل كده بنفس و فين؟ و بتاخد كام لتر؟
هو سير الكتينة حديد ولا كاوتش؟
دراع الفتيس مش بيشاور مظبوط علي العلامات، عاوز يترجلش، اعمله فين؟
مفيش مقابلة للبيجوتييون في الزقازيق او الاسماعيلية قريباً؟
و السلام عليكم.

**boody504** · 16-11-2011 05:28 PM

الف مبروك يا باشا وربنا يديك خيرها ويكفيك شرها وان شاء الله تلاقي كل حاجتها في الحرفيين ( استيراد ) ولو جديد يبقا شارع مجلس الامة وقر البيجو

**Unendlich** · 17-11-2011 12:29 PM

سير الكاتينة كاوتش

**magdykorashy** · 06-12-2011 12:41 AM

Thank you all for your reply. I installed Gas fuelling system in my car. . it did not affect the car performance at all.

**sunyear** · 07-12-2011 10:11 PM

يا جماعة الحقونى انا لسه جديد فى البيجو غيرت من شاهين لبيجو405 موديل93 فرنساوى بس الرادياتيلر العلبة الجانبية ملحمة و بتجيب مية ياريت حد يدلنى على سعر و مكان اشترى منه رادياتير جديد و ياريت اعرف الحرارة العادية للعربية كام
و شكرا للرد المسبق